ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ ແລະ ການລົງທຶນ ໄດ້ລາຍງານຕໍ່ສະພາແຫ່ງຊາດ ກ່ຽວກັບ ການຂະຫຍາຍໂຕທາງດ້ານເສດຖະກິດ ຂອງຊາດ ໃນສົກປີ 2012- 2013 ໃນວັນທີ 9 ທັນວານີ້ວ່າ: ລວມຍອດຜະລິດຕະ ພັນພາຍໃນ (GDP) ຂະຫຍາຍໂຕປະມານ 8% ແລະ ສາມາດສ້າງ ມູນຄ່າເພີ່ມ 80.199,2 ຕື້ກີບ, ສະເລ່ຍລາຍຮັບ ຕໍ່ຫົວ ຄົນ 12,1 ລ້ານກີບ, ຂະແໜງກະສິກຳ- ປ່າໄມ້ເພີ່ມ ຂຶ້ນປະມານ 3,1% ກວມ 25,2%, ອຸດສາຫະກຳ ເພີ່ມຂຶ້ນ 7,4% ກວມ 28% ແລະ ການບໍລການເພີ່ມ ຂຶ້ນປະມານ 9,7% ກວມ 38,9% ຂອງ GDP.
ທ່ານລັດຖະມົນຕີກະຊວງ ແຜນການ ແລະການລົງທຶນ ກ່າວ ວ່າ: ອັດຕາເງິນເຟີ້ສະເລ່ຍ 12 ເດືອນ ເທົ່າກັບ 5,64%, ອັດຕາ ແລກປ່ຽນສືບຕໍ່ມີຄວາມສະຫງົບ ແລະ ໝັ້ນທ່ຽງ ສະເລ່ຍໝົດປີເງິນ ກີບທຽບໃສ່ ເງິນໂດລາແຂ່ງຄ່າ ຂຶ້ນ 0,46% ( ສະເລ່ຍຈາກ 8.010,73 ກີບ ມາເປັນ 7.868,21 ກີບ) ແລະ ເງິນກີບທຽບໃສ່ເງິນ ບາດອ່ອນຄ່າ 0,46% (ສະເລ່ຍ ຈາກ 258,13 ກີບ ມາເປັນ 259,33 ກີບ). ຢ່າງໃດກໍຕາມ,ໃນລະຫວ່າງ ເດືອນກໍລະກົດ, ສິງຫາ ແລະ ກັນຍາ 2013 ເຫັນວ່າອັດ ຕາເງິນເຟີ້ ແລະ ອັດຕາແລກປ່ຽນມີການເໜັງຕີງແຮງຂຶ້ນ, ສະພາບການ ຊື້-ຂາຍເງິນຕາບໍ່ຄ່ອງຕົວ ປະລິມານສະສົມເງິນຕາ
ຂອງທະນາຄານ ຫລຸດລົງ ເກີດມີສະພາບອັດຕາແລກປ່ຽນທາງການ ແລະ ຕະ ຫລາດນອກຜິດໂຕນກັນຫລາຍ ສົມຄວນ ແລະ ມາຮອດເດືອນ ກັນຍາ 2013 ປະລິມານເງິນ M2 ເພີ່ມຂຶ້ນ 20,61% ທຽບໃສ່ທ້າຍ ເດືອນກັນຍາ 2012 ການເພີ່ມຂຶ້ນ ຂອງປະລິມານເງິນດັ່ງກ່າວແມ່ນ ຍ້ອນການຂະຫຍາຍຂອງເສດຖະ ກິດຢູ່ໃນລະດັບ ສູງ ເຊິ່ງເຮັດໃຫ້ ຄວາມຕ້ອງການແຫລ່ງ ທຶນມີສູງ, ໃນນັ້ນ ສິນເຊື່ອທະນາຄານທຸລະ ກິດເພີ່ມຂຶ້ນ 42% ທຽບໃສ່ສົກປີ ຜ່ານມາ ບວກກັບການຜ່ອນຄາຍ ປະຕິບັດ ລາຍຈ່າຍງົບປະມານປະ ຈຳປີຂອງລັດຖະບານ, ຄັງສຳ ຮອງ ເງິນຕາຕ່າງປະເທດມາ ຮອດທ້າຍເດືອນກັນຍາ 2013 ສາ ມາດ ກຸ້ມການນຳເຂົ້າໄດ້ 5,42 ເດືອນ ( ແຜນການວາງໄວ້ 5 ເດືອນ), ສ່ວນມູນຄ່າການສົ່ງ ອອກປະຕິບັດໄດ້ 1.898,38 ລ້ານ ໂດລາສະຫະລັດ ຫລຸດແຜນການ 7,84% ທຽບໃສ່ໄລຍະດຽວກັນ ຂອງສົກປີຜ່ານມາເພີ່ມຂຶ້ນ 18,49%, ມູນຄ່າ ການນ ຳເຂົ້າປະຕິບັດໄດ້ 2.813,93 ລ້ານໂດລາສະຫະລັດລື່ນແຜນການ 21,85% ທຽບໃສ່ໄລຍະດຽວກັນຂອງສົກປີຜ່ານມາ ເພີ່ມຂຶ້ນ 3,45%, ຂາດ ດູນການຄ້າ 915,55 ລ້ານໂດລາສະຫະລັດ. ສຳລັບການລະດົມທຶນລັດຖະບານໄດ້ຕັ້ງໜ້າຊຸກຍູ້ສົ່ງເສີມການລະດົມທຶນຈາກແຫລ່ງຕ່າງໆ ເຂົ້າໃສ່ການພັດທະນາ ເສດຖະກິດ- ສັງຄົມ ດ້ວຍການປະຕິບັດນະໂຍບາຍ ແລະ ມາດຕະການ ເຊິ່ງເຫັນວ່າໂດຍ ລວມແມ່ນສາ ມາດລະດົມທຶນ ໄດ້ຕາມແຜນການ ແລະ ບາງແຫລ່ງທຶນກໍລື່ນແຜນ ກຳນົດໄວ້ ຄືການລົງ ທຶນຂອງລັດ ແມ່ນໂຈະ ຫລື ອວ່າຍທຶນໂຄງການ ທັງໝົດ 44 ໂຄງການ ມູນຄ່າ 21,51 ຕື້ກີບ, ໂຄງການທີ່ຫລຸດ ທຶນຈຳນວນ 42 ໂຄງການມູນຄ່າ 253,76 ຕື້ກີບ, ໂຄງການ ທີ່ຍົກ ເລີກ 2 ໂຄງການ ມູນຄ່າ 1,28 ຕື້ ກີບ, ທຶນທີ່ຕັດອອກດັ່ງກ່າວໄດ້ມາ ເພີ່ມໃສ່ໂຄງການທີ່ໄດ້ຖືກຮັບ ຮອງໃນແຜນ ການ 2012-2013 ຈຳນວນ 49 ໂຄງການ ມູນຄ່າ 154,47 ຕື້ກີບ ແລະ ໂຄງການເຂົ້າ ໃໝ່ 5 ໂຄງການ ມູນຄ່າ 4,26 ຕື້ ກີບ ຈຶ່ງເຮັດໃຫ້ແຜນລົງທຶນຂອງ ລັດສົກປີ 2012-2013, ຫລັງຈາກ ດັດແກ້ແລ້ວມີຈຳນວນ 5.871 ໂຄງການ ມີມູນຄ່າ 7.832, 31 ຕື້ ກີບ, ໃນນັ້ນ ທຶນພາຍໃນ 2.950 ຕື້ກີບ ແລະ ທຶນຕ່າງປະເທດ 4.958,51 ຕື້ກີບ ແລະ ໝົດສົກປີ 2012-2013 ສາ ມາດຈັດຕັ້ງປະ ຕິ ບັດທັງໝົດ 5.864 ໂຄງການ ເປັນ ມູນຄ່າ 7.815,86 ຕື້ກີບ ເທົ່າກັບ 98,8%, ໃນນັ້ນ ເປັນທຶນພາຍໃນ 2.939,64 ຕື້ກີບ(ເທົ່າກັບ 99,58%), ທຶນຕ່າງປະ ເທດ 4.876,22 ຕື້ກີບ (ບັນລຸຕາມແຜນການປີ), ການຊຳ ລະລົງທຶນ ພາຍ ໃນຮອດປັດຈຸບັນ ໄດ້ປະມານ 2.440,57 ຕື້ກີບ ເທົ່າ ກັບ 83% ຂອງມູນຄ່າປະຕິບັດ. ສຳ ລັບໂຄງການລົງ ທຶນຂອງ ລັດແຍກເປັນຜົນສຳເລັດມີຄືໂຄງການສຳເລັດ 100% ຕາມມູນຄ່າ ລວມໂຄງການ (ສິ້ນສຸດສັນຍາ) ມີ 1.661 ໂຄງການ ເປັນ ທຶນ 849,49 ຕື້ກີບ (ທຶນພາຍໃນ 335,40 ຕື້ກີບ), ໂຄງການສຳເລັດ 100% ຕາມງົບ ປະມານທີ່ໄດ້ ອະນຸມັດໃນແຜນ ການ ມີ 4.125 ໂຄງການ ເປັນທຶນ 6.280,78 ຕື້ກີບ (ທຶນພາຍໃນ 2.227,11 ຕື້ກີບ), ໂຄງການບໍ່ສຳເລັດຕາມງົບປະມານທີ່ໄດ້ ຮັບອະນຸຍາດໃນແຜນປີຈຳນວນ 78ໂຄງ ການ ເປັນທຶນ 685,59 ຕື້ກີບ (ທຶນ ພາຍໃນ 377,13 ຕື້ກີບ) ແລະ ໂຄງການທີ່ບໍ່ ໄດ້ຈັດຕັ້ງປະຕິບັດມີ 7 ໂຄງການ ເປັນທຶນ 40,86 ຕື້ກີບ (ທຶນພາຍໃນ 10,36 ຕື້ກີບ). ນອກ ຈາກນີ້ ໃນສົກປີຜ່ານມາມີທຶນ ຊ່ວຍເຫລືອລ້າ 837 ໂຄງການມູນຄ່າ 561,60 ລ້ານໂດລາສະຫະ ລັດ ແລະ ທຶນກູ້ຢືມ 46 ໂຄງການ ມູນຄ່າ 215,50 ລ້ານ ໂດລາສະຫະລັດ.
