ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ນັບແຕ່ວັນທີ 20 - 26 ພະຈິກ ນີ້ ຢູ່ ນະຄອນຫຼວງວຽງຈັນ ມີປະ ກົດການຫຍໍ້ທໍ້ເກີດຂື້ນ 75 ເລື່ອງ, ທຽບໃສ່ອາທິດຜ່ານມາຫຼຸດລົງ 41 ເລື່ອງ ຊຶ່ງສ່ວນ ໃຫຍ່ແມ່ນ ລັກຊັບພົນລະເມືອງ 19 ເລື່ອງ, ຊີງຊັບ 4 ເລື່ອງ, ປຸ້ນຊັບ 2 ເລື່ອງ ແລະ ອື່ນໆ ຜົນເສຍ ຫາຍມີ ລົດໃຫຍ່ 1 ຄັນ, ລົດຈັກ 12 ຄັນ, ໂທລະສັບມືຖື 3 ໜ່ວຍ, ສາຍແຂນ ແລະ ຄຳຮູບປະພັນໜັກ 12 ບາດ ແລະ ຊັບສິນອື່ນໆຈຳນວນ ໜຶ່ງ, ສຳລັບສະພາບຫຍໍ້ທໍ້ທີ່ພົ້ນເດັ່ນແມ່ນ ມີກຸ່ມຄົນບໍ່ດີ ເຄື່ອນໄຫວປຸ້ນຈີ້-ຊີງຊັບ ແລະ ລັກຊັບຕາມສະຖານທີ່ຊຸມຊົນ ສະນັ້ນ ຈຶ່ງເຕືອນໃຫ້ປະຊາຊົນ ແລະ ນັກທ່ອງ ທ່ຽວຄວນລະວັງໃນການຖືຊັບສິນມີຄ່າ ແລະ ເຄື່ອງໃຊ້ຕ່າງໆໃນທີ່ສາທາລະນະຢ່າງມີສະຕິເພື່ອປ້ອງກັນບໍ່ໃຫ້ເກີດກຸ່ມຄົນບໍ່ດີ ສວຍໂອກາດຍາດຊີງເອົາໄປໄດ້.
ເຈົ້າໜ້າທີ່ ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 23 ພະຈິກນີ້ ໄດ້ຮັບແຈ້ງຈາກ ນາງຈູ່ລີ່ ອາຍຸ 29 ປີ ນັກ ທ່ອງທ່ຽວພັກເຊົາຢູ່ໂຮງແຮມວັນມາລາ ວ່າໄດ້ມີຄົນຮ້າຍ 2 ຄົນຂີ່ລົດ ຈັກມາດຶງກະເປົາຂອງຕົນເອງພາຍຫຼັງທີ່ລັງຂີ່ລົດຖີບ ອອກມາຈາທີ່ພັກແລ້ວຫຼົບໜີຊັບສິນທີ່ເສຍມີເງີນ 4 ແສນກີບ, ກ້ອງຖ່າຍຮູບ ແລະ ໂທລະສັບມືຖື ເຊິ່ງເຈົ້າໜ້າທີ່ໄດ້ລົງບັນ ທຶກການແຈ້ງຄວາມເພື່ອຈະໄດ້ຕິດຕາມຕົວຜູ້ກະທຳຜິດມາດຳເນີນຄະດີ.
ລາວພັດທະນາ
3/12/2013
