ທ່ານ ຢາກົວ ລໍປາງກາວ ຫົວໜ້າກົມການບິນພົນລະເຮືອນໄດ້ລາຍງານຕໍ່ສື່ມວນຊົນໃນວັນທີ 2 ພະຈິກນີ້ວ່າ: ໜ່ວຍງານກູ້ຊາກເຮືອບິນ ATR72-600 ຂອງສາຍການບິນລາວທີ່ເກີດອຸປະຕິເຫດຕົກລົງນ້ຳຂອງໃນເຂດແຂວງຈຳປາສັກ ເມື່ອວັນທີ 16 ຕຸລາຜ່ານມາສາມາດຊອກຫາກ່ອງດຳຂອງເຮືອບິນ ແລະ ເອົາຂຶ້ນມາໄດ້ທັງໝົດ 2 ກ່ອງແລ້ວ ເຊິ່ງກ່ອງທຳອິດທີ່ບັນ ທຶກຂໍ້ມູນການບິນເອົາຂຶ້ນໄດ້ໃນວັນທີ 30 ຕຸລາຜ່ານມາ ແລະ ກ່ອງທີສອງທີ່ບັນ ທຶກຂໍ້ມູນຕ່າງໆດ້ານໂທລະຄົມ ແລະ ການອັດສຽງຕ່າງໆຂອງຍົນເອົາຂຶ້ນໄດ້ໃນວັນທີ 1 ພະຈິກນີ້ ໂດຍບໍລິສັດຜະ ລິດເຮືອບິນ ແລະ ເຈົ້າໜ້າທີ່ສືບສວນສາເຫດເຮືອບິນຕົກຂອງຝຣັ່ງໄດ້ເອົາກ່ອງດຳທັງສອງໄປປະເທດຝຣັ່ງເພື່ອດຳເນີນການວິເຄາະຂໍ້ມູນຫາສາເຫດທີ່ແທ້ຈິງ
ຂອງເຫດເຮືອບິນດັ່ງກ່າວຕົກໃນຄັ້ງນີ້ເຊິ່ງເຮັດໃຫ້ມີຜູ້ເສຍຊີວິດທັງໝົດ 49 ຄົນ, ໃນນັ້ນ ມີຈຸບິນ 5 ຄົນ ແລະ ຄາດວ່າປະມານ 1 ເດືອນຈະໄດ້ຂໍ້ມູນສຳເລັດຄົບຖ້ວນ.