ເຈົ້າໜ້າທີ່ພະແນກແຮງານ ແລະ ສະຫວັດດີການສັງຄົມ ແຂວງສາລະວັນ ໃຫ້ຮູ້ວ່າ: ເວລາ 7 ໂມງ ຂອງວັນທີ 7 ຕຸລານີ້ໄດ້ ເກີດອຸບັດເຫດລົດກະບະ ໂຕໂຍ ຕາ ເລກທະບຽນ ກຕ 3817 ອຸບົນ ລາຊະທານີ ເຊິ່ງທ້າວ ຊະວະລິດ (ຄົນໄທ) ເປັນຜູ້ຂັບລົດສົ່ງກຳມະ ກອນລາວ 24 ຄົນ,ຍິງ 8 ຄົນ ຈາກແຂວງສະໝຸດ ປະ ການໄປສູ່ ແຂວງອຸບົນລາດຊະທານີ.ມາເຖິງ ຈຸດເກີດເຫດ,ລົດໄດ້ເສຍຄວາມ ຊົງໂຕລົງຂ້າງທາງຕຳຕົ້ນໄມ້ໃນ ບໍລິເວນກິໂລແມັດທີ 20 ຖະໜົນ ສາຍບຸລີລຳ - ສະຕຶກ ບ້ານໂນນ ສະຫວັນ ເມືອງບ້ານດ່ານ ແຂວງ ບຸລີລຳ ສົ່ງຜົນໃຫ້ມີຜູ້ເສຍຊີວິດ ຄາທີ່ 15 ຄົນ ແລະເສຍຊີວິດຢູ່ ໂຮງໜໍ ອີກ 4 ຄົນ ລວມເປັນ 19 ຄົນ, ໃນ ນັ້ນມີຍິງ 6 ຄົນ,ຖືພາ 2 ຄົນ. ນອກນັ້ນຍັງມີຜູ້ບາດເຈັບອີກ 7 ຄົນຮັກສາໂຕຢູ່ໂຮງ ໝໍບຸລີລຳ, ສາຫັດ 6 ຄົນຢູ່ຫ້ອງສຸກເສີນ.
ທ້າວ ພູ ຫລຽມວົງລັດ ອາຍຸ 21 ປີຢູ່ແຂວງສາລະວັນ ເປັນ ຜູ້ບາດເຈັບ ແລະ ມີອາການດີຂຶ້ນ ໄດ້ເລົ່າວ່າ: ເມື່ອ ເວລາ 22:30 ຂອງວັນທີ 6 ຕຸລາ 2013, ຕົນ ພ້ອມດ້ວຍເມຍໄດ້ຂຶ້ນລົດຄັນດັ່ງ ກ່າວມາຈາກແຂວງສະໝຸດປະ ການ ປະເທດໄທ
ເພື່ອກັບບ້ານ ຢູ່ແຂວງສາລະວັນ ຜ່ານດ່ານ ຊ່ອງເມັກ ແຂວງອຸບົນລາຊະທາ ນີໂດຍເສຍຄ່າລົດຄົນລະ 1.000 ບາດ ( ສະ ກຸນເງິນໄທ ). ທຳອິດ ຕົນແລະເມຍຈະຂຶ້ນລົດເມ, ແຕ່ຄິດວ່າຈະໃຊ້ເວລາເດີນທາງດົນຈຶ່ງໂທຫາ ທ້າວ ຊະວະລິດ ທີ່ຮັບບໍ ລິການ ຮັບ-ສົ່ງແຮງງານ ເຊ່ິງກໍພໍ ດີມີບ່ອນນັ່ງວ່າງຈຶ່ງຂຶ້ນມາກັບ ເມຍພ້ອມຄົນລາວຊາຍ-ຍິງ ອັດ ແໜ້ນເຕັມລົດ ລວມທັງຜູ້ ຂັບເປັນ 24 ຄົນ. ທ່ານ ຈະລັດ ທອງທັບ ຜູ້ອຳ ນວຍການໂຮງໝໍບຸລີລຳ ໃຫ້ຮູ້ຕື່ມ ວ່າ: ຜູ້ບາດເຈັບສ່ວນຫລາຍມີ ອາການສາຫັດຄື ທ້າວ ພູ ອາຍຸ 21 ປີຢູ່ບ້ານນາຂ້ອຍສາວ,ທ້າວ ວັນນະສອນ ອາຍຸ 18 ປີຢູ່ບ້ານນາ ຮ່ອງຂາມ,ນາງ ກະປິ ອາຍຸ 20 ປີຢູ່ບ້ານ ໜາກໜາວ ໃນ, ທ້າວ ຄູນ ອາຍຸ 19 ປີ ແລະ ທ້າວ ຕີບ ອາຍຸ 19 ປີຢູ່ບ້ານ ບຶງໄຊ ເມືອງ ສາລະວັນ. ສ່ວນຢູ່ເມືອງຄົງເຊ ໂດນກໍມີຜູ້ເສຍຊີວິດ 7 ຄົນໃນເຫດການດັ່ງກ່າວ.
