Pasalao

ຖ້າຢາກໃຫ້ເພິ່ນແທ້ໆກໍ່ເອົາໄປມອບໃຫ້ຢູ່ເຮືອນ ເພິ່ນຄົງບໍ່ປະຕິດເສດ.

 

ນີ້ອາດເປັນນະໂຍບາຍ ບໍ່ຢາກໃຫ້ສະມັກເປັນຄູ 

 

ສະບາຍດີ...

ຂພຈ ຄິດວ່າຄວນຄໍານຶງເຖິງຄວາມເໝາະສົມດີກວ່າ ວ່າການໃຫ້ນັ້ນມີຄວາມໝາຍຫຍັງກັນແທ້ ເພາະມີຫາງສຽງວ່າບາງໂຮງຮຽນ,​ບາງອາຈານ ແລະ ບາງຜູ້ປົກຄອງໃຫ້ເພາະວ່າ

1.ການໃຫ້ແລະການຮັບມີການຫວັງຜົນທາງອື່ນ ເຊັ່ນ: ຫວັງເອົາໃຈອາຈານຫຼາຍກວ່າ ເພື່ອການຊ່ວຍເຫຼືອໃນອະນາຄົດ.

2. ເກີດມີການປ່ຽບທຽບກັນລະຫວ່າງນັກຮຽນຜູ້ທຸກແລະຜູ້ຮັງ່ຈື່ງເຮັດໃຫ້ເປັນການປູກຝັງໃຫ້ນັກຮຽນມີການແຂ່ງຂັນກັນແຕ່ນ້ອຍໃນທາງທີ່ບໍ່ຖືກຕ້ອງ.

3. ເລື່ອງຈັນຍາບັນຂອງອາຈານ ເຊັ່ນ: ມີບາງໂຮງຮຽນປະຖົມໃກ້ຈະຮອດວັນຄູ ກໍ່ສັ່ງໃຫ້ເດັກນ້ອຍຫາຂອງຂັວນດີໆໃຫ້ອາຈານເຊັ່ນ: ບອກໃຫ້ຫາສິ້ນງາມໆມາໃຫ້ນາຍຄູ ນີ້ແມ່ນເກີດຂື້ນແທ້ໆ.

 

ຂພຈ ຄິດວ່າຄວນຄໍານືງເຖິງຄວາມໝາຍຄວາມສໍາຄັນຂອງວັນຄູເປັນຫຼັກ. ສະເພາະ ຄໍາສັ່ງຂອງ ລຖຕ ຂ້ອງຂ້າງອອກຄໍາສັ່ງບໍ່ຈະແຈ້ງ ເພາະການຫ້າມມັນບໍ່ຄ່ອຍຖືກຕ້ອງ ເພາະບໍ່ມີໃຜຈະປະຕິບັດໄດ້ ເປັນພຽງເຈຍຂາວເທົ່ານັ້ນ ເອງ. ບໍ່ຢາກເວົ້າດອກ ເພາະບ້ານເຮົາເປັນແນວນີ້. ຖ້າຖົກຖຽນກັນແລ້ວ

ການໃຫ້ ແລະການຮັບ ແມ່ນຄວາມພໍໃຈລະຫວ່າງຜູ້ມອບແລະຜູ້ຮັບ ເຖິງຈະຫ້າມມັນກະຫ້າມບໍ່ໄດ້... ບໍ່ມີກົດໝາຍຂໍ້ໃດບັງຄັບ....

ຖ້າເປັນປະເທດເສລີແລ້ວ ການອອກຄໍາສັ່ງແນວນີ້ ຖືກຮ້ອງຟ້ອງຕໍ່ສານປົກຄອງແນ່ນອນ ເພາະຄັດກັບຫຼັກກົດໝາຍ.

ຄັນວ່າຫ້າມໃຫ້ຂອງຂວັນວັນຄູ ຄືບໍ່ຫ້າມໃຫ້ຂອງຂວັນອວຍພອນປີໃຫມ່ ແຕ່ລະຫົວຫນ້າກົມ,ລັດຖະມົນຕີ ສສ ຕົວດີ ທັງຫລາຍ, ອຳນວຍການບໍລິສັດ ຕະຫລອດຮອດຂອງຂວັນວັນເກີດ ຄວນຈະຫ້າມພ້ອມກັນບາດດຽວ...ເວົ້າມາລະເຊງເປັດ.

ຕາມຄວາມເຂົ້າໃຈຂອງ ຜຂ ທີອ່ານໃບແຈ້ງການ ແມ່ນເຂົ້າໃຈວ່າເພີ່ນບໍ່ໃຫ້ຈັດລາຍການມອບຫຼືແລກປຽ່ນຂອງຂວັນໃນງານພິທີສະຫຼອງວັນຄູແຫ່ງຊາດຊື່ໆ ແຕ່ໃຜຢາກມອບໃຫ້ໂດຍກົງກັບຄູ່ອາຈານ ໃນຫອ້ງຮຽນຫຼືເວລາອື່ນໆກໍ່ໄດ້ ຕາມເດີມ ຜຂ ຂໍກອປປີ້ເອົາ ບົດແຈ້ງການ ບາງຕອນມາໂພສ:

 

ເລື່ອງ: ການຈັດຕັ້ງສະເຫລີມສະຫລອງວັນຄູແຫ່ງຊາດ ຄົບຮອບ 19 ປີ
(ວັນທີ 7 ຕຸລາ 1994- ວັນທີ 7 ຕຸລາ 2013).
ໃນໄລຍະຜ່ານມາ ໂດຍປະຕິບັດຕາມດຳລັດຂອງນາຍົກລັດຖະມົນຕີ
ວ່າດ້ວຍວັນຄູແຫ່ງຊາດ ສະບັບເລກທີ 89/ນຍ, ລົງວັນທີ 28/4/1994
ບັນດາແຂວງ, ເມືອງ ແລະ ສະຖາບັນການສຶກສາແຫ່ງຕ່າງໆໃນທົ່ວປະເທດ
ໄດ້ເອົາໃຈໃສ່ຈັດຕັ້ງສະເຫລີມສະຫລອງວັນຄູແຫ່ງຊາດ ດ້ວຍບັນຍາກາດ
ອັນຟົດຟື້ນມ່ວນຊື່ນ ແລະ ມີເນື້ອໃນ ແຕ່ລະປີທີ່ຜ່ານໆມາ ໄດ້ຈັດຕັ້ງພິທີ
ສະເຫລີມສະຫລອງວັນດັ່ງກ່າວ ດ້ວຍວິທີອ່ານປະຫວັດຄວາມເປັນມາຂອງ
ວັນຄູແຫ່ງຊາດລາວ, ພ້ອມທັງຍົກໃຫ້ເຫັນບົດບາດຄວາມສຳຄັນຂອງຄູ
ໃນສັງຄົມ, ຜົນງານແລະ ຂໍ້ຄົງຄ້າງຕ່າງໆ ໃນການປະຕິບັດໜ້າທີ່ວຽກງານ
ການສຶກສາພາຍໃນທ້ອງຖິ່ນ ແລະ ສະຖາບັນຂອງຕົນ ຮວມທັງມີການຍ້ອງຍໍ
ບຸກຄົນດີເດັ່ນ ແລະ ການມອບຂອງຂວັນລາງວັນໃຫ້ແກ່ຄູ-ອາຈານ ເຫລົ່ານີ້
ເປັນຕົ້ນ.

ລັດຖະມົນຕີວ່າການກະຊວງສຶກສາທິການ ແລະ ກິລາ ຈຶ່ງມີຄຳສັ່ງແນະນຳດັ່ງນີ້:

 ເນື້ອໃນຕົ້ນຕໍໃນພິທີສະເຫລີມສະຫລອງ
 ວັນຄູແຫ່ງຊາດ ຄວນຍົກໃຫ້ເຫັນປະຫວັດຄວາມເປັນມາ, ຜົນສຳເລັດ ແລະ
 ມູນເຊື້ອອັນດີງາມຂອງໂຮງຮຽນ, ສະຖາບັນການສຶກສາແຫ່ງນັ້ນໆ ພ້ອມນັ້ນ
 ຄວນຈັດຕັ້ງໃຫ້ມີການເລົ່າເລື່ອງ ແລະ ປະສົບການຂອງອະດີດຄູ-ອາຈານ,
ອະດີດນັກຮຽນ-ນັກສຶກສາ ກໍຄືຜູ້ບໍລິຫານໂຮງຮຽນ, ສະຖາບັນການສຶກສາ
 ທີ່ໄດ້ປະສົບຜົນສຳເລັດໃນການດຳລົງຊີວິດຂອງຕົນ ເພື່ອເປັນບົດຮຽນໃຫ້ຄົນ
 ຮຸ່ນຕໍ່ໄປ ແລະ ໃຫ້ຫລີກເວັ້ນລາຍການມອບຂອງຂວັນຂອງນັກຮຽນ-ນັກສຶກສາ
 ທີ່ກຳລັງສຶກສາຮໍ່າຮຽນຢູ່ໃຫ້ຄູ-ອາຈານ ຊຶ່ງເປັນສິ່ງທີ່ບໍ່ຈຳເປັນ.

Anonymous wrote:

---

ມີບາງໂຮງຮຽນ ສາວຄູລະບຸເອົາເອງ ໂດຍການບອກເດັກນັກຮຽນເລີຍວ່າຂອງຂວັນແມ່ນຕ້ອງໃຫ້ມີມູນຄ່າຢ່າງຕໍ່າ 50,000 ກີບຂຶ້ນເມືອ

 

ໂອ່ຍຂ້ອຍເບື່ອຄູປະເພດນີ້ເດ

ສໍາລັບຜູ້ບໍ່ມີເງິນເດຊິເຮັດແນວໃດ?

ຄັນບໍ່ໃຫ້ກະພັດຢ້ານເຂົາຊິມີອັກຄະຕິກັບລູກໂຕເອງ

ມີປະກາດອອກມາແນວນີ້ກະຍັງໄຄແດ່ ເພາະຊິໃຫ້ຂອງຂວັນລາຄາຖືກລົງ

 

ບໍ່ຮູ້ວ່າລູກຫລານຜູ້ອື່ນກະເຄີຍຖືກກໍລະນີແນວນີ້ຢູ່ບໍ?

---

 ຫລານເຂີຍຫລານສາວຂ້ອຍເປັນຄູທັງສອງເລີຍ ໄດ້ຂອງຂວັນມາແບບບ້ານໆແລະບໍ່ມີຄ່າຫຍັງຫລາຍມາກມາກດອກ ເປັນສະບູ ແຟັບ ຊ່ຳນິ ມັນຊິປານໃດ ລັດຖະມົນຕີກະຊວງສຶກສາ ເອົາສະຫມອງສ່ວນໃດມາຄິດ

ບາດພວກມິນເອງປີໃຫມ່ສາກົນກະຮັບ ປີໃຫມ່ລາວກະຮັບ ຫຶວ່າຂອງພວກນັ້ນບໍ່ແມ່ນຂອງຂວັນ ແຕ່ເປັນຂອງຊື້ຈ້າງ

Anonymous wrote:

---

ຊົມເຊີຍວັນຄູແຫ່ງຊາດ ວັນທີ່7 ຕຸລາ 2013.

ແຕ່ລັດຖະມົນຕີກະຊວງສືກສາອອກຄຳສັ່ງໃຫ້ງົດການໃຫ້ຂອງຂັວນແກ່ຄູອາຈານຈາກນັກຮຽນນັກສືກສາ. ເຫດຜົນຢ້ານກະທົບຕໍ່ຄະແນນສອບເສັງ.

ຄິດໃດ້ຈັ່ງໃດຫວະ....ຢາກໃຫ້ການນຳຂັ້ນສູງງົດຮັບກະຕ່າຂອງຂັວນໃນວັນຕ່າງໆດີກວ່າບໍ່?

ເພາະແຕ່ລະເທດສະການຕ່າງໆມີແຕ່ບັນດາບໍລີສັດເອົາກະຕ່າຂອງຂັວນຕ່າງທີ່ມີຄ່າມາໃຫ້...ຈົນເຫລົ້າຢູ່ຕູ້ໂຊບໍ່ມີບ່ອນໃວ້ແລ້ວ...ບາງເທື່ອກະຕ່າດອກໃມ້ທຳມະດາບໍ່ເອົາ....

 

---

 ຂອງຂວັນທີ່ພວກນັກຮຽນມາມອບໃຫ້ນັ້ນ ບໍ່ໄດ້ມີລາຄາຄ່າງວດຫຍັງຫລາຍດອກເຈົ້ານາຍເອີຍ ມັນບໍ່ໄດ້ສູ້ຂອງສູໄດ້ເທື່ອຫນຶ່ງ ຊ້ຳ

ການອອກຄຳສັ່ງຂອງ ກຊສືກສາຄັ້ງນີ້ຂໍຊົມເຊີຍ
ເພາະມັນຍຸດຕິທຳສຳລັບນັກຮຽນທຸກຍາກທີ່ບໍສາມາດຊື້ຂອງຂວັນໃຫ້ຄູອາຈານຄືກັນກັບ ນຮທີ່ມີຖານະດີ.
ແຕ່ມັນກໍບໍໄດ້ແກ້ໄຂບັນຫາໂດຍກົງເພາະການໃຫ້ຂອງຂວັນສາມາດໃຫ້ໂດຍວີທີອື່ນ ນິ້ກໍບໍສາມາດເຮັດຫຍັງໄດ້.