ສາເຫດການຈາລະຈອນຕິດຂັດໃນນະຄອນຫຼວງ ສ່ວນຫຼາຍໄປໂຍນບັນຫາ ໃສ່ວ່າແຕ່ທາງແຄບ ຍານພາຫະນະເພີ່ມຂື້ນຫຼາຍ
ໂດຍທີ່ບໍ່ເບີ່ງສາເຫດ ແລະ ສີ່ງທີ່ຄວນແກ້ໄຂ ເພື່ອຊ່ວຍລົດຜ່ອນບັນຫາ ເຊັ່ນ: ຕະລາດ, ຮ້ານຄ້າ, ໂຮງແຮມ, ຮ້ານອາຫານ,
ຮ້ານແປງລົດ ລ້ວນແລ້ວແຕ່ຢູ່ຕິດທາງຫຼວງ ແລະ ບໍ່ມີລານຈອດລົດ ແຕ່ກໍ່ບໍ່ເຫັນເພີ່ນມີມາດຕະການແກ້ໄຂເລີຍ ກົງກັນຂ້າມ
ຍີ່ງເກີດເພີ່ມຂື້ນອີກ. ສີ່ງໜື່ງທີ່ເຮັດໃຫ້ການສັນຈອນແອອັດ ທັງມີຄວາມສ່ຽງຕໍ່ເດັກນ້ອຍກໍຄື ໂຮງຮຽນ ຕັ້ງຢູ່ຕິດກັບຖະໜົນໃຫຍ່
ໃຊ້ຖະໜົນໃຫຍ່ເປັນບ່ອນຈອດລົດຂອງຜູ້ປົກຄອງເດັກມາຮັບ-ສົ່ງ, ນັກຮຽນ 100ຄົນ ກໍ່ມີລົດ 100ຄັນ, ມີບາງໂຮງຮຽນກໍ່ຕັ້ງຢູ່
ຕິດກັບຈຸດ 4ແຍກ ເຊັ່ນ: ຮຮ ກຽດຕິສັກ ນານາຊາດ (ໂສກປ່າຫຼວງ) ຍີ່ງເຮັດໃຫ້ການສັນຈອນແອອັດເຂົ້າໄປອີກ ກໍ່ບໍ່ເຂົ້າໃຈວ່າ
ການຈັດຕັ້ງກ່ຽວຂ້ອງອານຸຍາດໄດ້ແນວໃດ?. ຜູ້ເອົາລູກມາຮຽນຢູ່ ຮຮ ແບບນີ້ກໍ່ລ້ວນແຕ່ເຈົ້ານາຍ, ຜູ້ມີເງີນຫຼາຍ ດັ່ງນັ້ນມີບາງ
ຄົນຜູ້ນິໄສບໍ່ດີກໍ່ໃຊ້ອິດທິພົນ ຈອດຢູ່ກາງທາງເລີຍເພື່ອສົ່ງລູກລົງ ເພາະບໍ່ມີບ່ອນຫວ່າງ. ເບີ່ງລວມແລ້ວຜູ້ເຮັດທຸລະກິດຄືວ່າມີອະພິສິດ
ເໜືອສັງຄົມສ່ວນລວມ, ເປັນຫຍັງທາງການຈັດຕັງກ່ຽວຂ້ອງຈື່ງບໍ່ບັງຄັບໃຫ້ເຂົາໃຊ້ລົດ ຮຮ ຮັບ-ສົ່ງ ນັກຮຽນ ແລະ ກໍ່ຕ້ອງຈັດ
ໃຫ້ມີບ່ອນຈອດທີ່ປອດໄພ ຢູ່ປະເທດໃດເຂົາກໍ່ເຮັດແນວນັ້ນ ມັນຈື່ງບໍ່ເປັນຜົນກະທົບຕໍ່ສັງຄົມສ່ວນລວມ ທັງປອດໄພໃຫ້ແກ່ເດັກອີກ.
ກໍ່ບໍ່ໝາຍວ່າມີແຕ່ ຮຮ ດຽວນີ້ດອກທີ່ສ້າງຄວາມຫຍຸ້ງຍາກໃຫ້ແກ່ການສັນຈອນສ່ວນລວມ ຮຮ ອື່ນກໍ່ເຊັ່ນກັນ ຕົວຢ່າງ ຮຮ ນິລະດາ
ຢູ່ທົ່ງຂັນຄຳ ກໍ່ບໍ່ກະທົບຕໍ່ການສັນຈອນບໍ່ແມ່ນໜ້ອຍຄືກັນ. ນອກນັ້ນຮ້ານຄ້າບາງຮ້ານກໍ່ຫວງ ຢຶດຈອງເນື້ອທີ່ທາງຫຼວງໄວ້ສຳລັບ
ລົດລູກຄ້າເພີ່ນ ແບບນີ້ມັນກໍ່ຖືກຕ້ອງບໍ່? ເມືອງຄວນລົງໄປເບີ່ງແດ່ບໍ ຖ້າບໍ່ຖືກກໍ່ຄວນມີມາດຕະການຕໍ່ເຂົາແດ່ບໍ່ ຖ້າໃຜໆກໍ່ຈອງໄດ້
ສະຫງວນໄດ້ ຜູ້ຂ້າກໍ່ຢາກໄປຈອງເພື່ອເກັບເງີນຄ່າຄົນມາຈອດລົດຄືກັນ
ໃນກົດໝາຍເພີ່ນກະກໍານົດແນວນັ້ນໃນພິຈາລະນາ ແຕ່ພາກປະຕິບັດ ຜູ້ອະນຸຍາດບໍ່ຄໍານືງເອງ.
ຊ້ຳບໍ່ໜຳ ພວກລົດສິບລໍ້ສົ່ງເຄື່ອງກໍ່ສ້າງ ກໍມາສົ່ງເຄື່ອງຕອນນີ້ລະ, ຕອນມັນສົນລະວົນນີ້ລະ ຍາມອື່ນມັນກໍບໍ່ມາສົ່ງ ແລະບັນດາຕຳຫຼວດມັນໄປໃສໝົດ.
ຢູ່ບາງປະເທດເພິ່ນບໍ່ໃຫ້ຊື້ຮອດລົດ ຖ້າຫາກບໍ່ມີທີ່ຈອດອັນແນ່ນອນ ແຕ່ບ້ານເຮົາຈອດໃສກະໄດ້ ...
ຜູ້ເຊັນອານຸຍາດບໍ່ສົນໃຈຫຍັງດອກ ສົນແຕ່ຜົນປະໂຢດຕົວເຂົາເອງເທົ່ານັ້ນລະ
ລະບຽບມີ ກົດໝາຍມີ ແຕ່ຢູ່ໃນເຈັ້ຽພຸ້ນ ບໍ່ໃຜປະຕິບັດ ກໍ່ເປັນເຈັ້ຽຢູ່ຊື່ໆ
