Pasalao

ແຈ້ງການ ເຖິງ: ບຸກຄົນ ນິຕິບຸກຄົນ ອົງການຈັດຕັ້ງລັດ-ເອກະຊົນ ບັນດາບໍລິສັດ ແລະ ປະຊາຊົນທຸກທ່ານ ທີ່ເດີນທາງເຂົ້າມາ ສປປ.ລາວ ຜ່ານດ່ານສາກົນຂົວ ມິດຕະພາບ 1 (ນະຄອນຫລວງວຽງຈັນ-ໜອງຄາຍ). ເລື່ອງ: ການຢຸດບໍລິການສີດພົ່ນຢາຂ້າເຊື້ອພະຍາດພາຫະນະທົ່ວໄປຊົ່ວຄາວ ໃນລະຫວ່າງວັນທີ່ 16/9/2013 ຫາ 31/10/2013. - ອີງຕາມໃບແຈ້ງການຂອງຫົວໜ້າດ່ານສາກົນຂົວມິດຕະພາບ 1 ສະບັບ ເລກທີ 238/ດຂມ1 ລົງວັນທີ່ 7/9/2013 ກ່ຽວກັບການຢຸດສີດພົ່ນຢາ ຂ້າເຊື້ອພາຫະນະທົ່ວໄປເລນລົດຂາເຂົ້າຊົ່ວຄາວ. ພະແນກກະສິກຳ ແລະ ປ່າໄມ້ ນະຄອນຫລວງວຽງຈັນ ຂໍຖືເປັນກຽດແຈ້ງ ມາຍັງທ່ານຊາບວ່າ: ເພື່ອເປັນການອຳນວຍຄວາມສະດວກ ໃນໄລຍະ ການກໍ່ສ້າງຂະຫຍາຍທາງເບຕົງ ຢູ່ດ່ານສາກົນຂົວມິດຕະພາບ 1 ໂດຍສະເພາະການກໍ່ສ້າງທາງຈຸດມູມໂຄ້ງ ຫາ ຈຸດສີດພົ່ນຢາຂ້າເຊື້ອ (ເບື້ອງເລນລົດຂາເຂົ້າມາແຕ່ປະເທດໄທ) ຂອງບໍລິສັດຫລັກໄຊ ຜູ້ຮັບເໝົາ ກໍ່ສ້າງ ໂດຍອີງໃສ່ແຈ້ງການຂອງທ່ານຫົວໜ້າດ່ານສາກົນ ຂົວມິດຕະພາບ 1 ສະບັບເລກທີ 238/ຂດມ1 ລົງວັນທີ 7/9/2013 ໃນໄລຍະການກໍ່ສ້າງ ເລີ່ມແຕ່ວັນທີ 16/9/2013 ຫາ 31/10/2013 ຈິ່ງສຳເລັດ ແລະ ພາຍຫລັງການກໍ່ສ້າງໄດ້ສຳເລັດຕາມແຜນການທີ່ວາງໄວ້ຂອງບໍລິສັດ ທາງພະແນກກະສິກຳ ແລະ ປ່າໄມ້ ນະຄອນຫລວງວຽງຈັນ ຈະໄດ້ສືບຕໍ່ ການບໍລິການສີດພົ່ນຢາຂ້າເຊື້ອພາຫະນະທົ່ວໄປເປັນປົກກະຕິ. ດັ່ງນັ້ນ ຈຶ່ງແຈ້ງມາຍັງທ່ານເພື່ອຊາບ. ຫົວໜ້າພະແນກກະສິກຳ ແລະ ປ່າໄມ້ ນະຄອນຫລວງວຽງຈັນ ໄກສອນ ອິນສີຊຽງໃໝ່