ເປັນຫຍັງ ຫຼວງພະບາງເຮັດຫຍັງ ຄືມາແຕກຕ່າງກັບແຂວງອື່ນແທ້
ບຸນຊ່ວງເຮືອ ຈັດຕອນເຂົ້າພັນສາ
ບຸນປີໃໝ່ລາວ ໄປສົງນໍ້າພະ ຕອນຄໍາ
ແລະອື່ນໆ
ຮອດຍາມເພີ່ນກະຊ່ວງຕວະເຮືອນະ
ເອົາກ່ອນໄດ້ປຽບ
Anonymous wrote:ເປັນຫຍັງ ຫຼວງພະບາງເຮັດຫຍັງ ຄືມາແຕກຕ່າງກັບແຂວງອື່ນແທ້ບຸນຊ່ວງເຮືອ ຈັດຕອນເຂົ້າພັນສາບຸນປີໃໝ່ລາວ ໄປສົງນໍ້າພະ ຕອນຄໍາ ແລະອື່ນໆ
ຫລວງພະບາງເຮັດບຸນຊ່ວງເຮືອເດືອນເກົ້າຕອນເຂົ້າພັນສາເພາະວ່າມາຈາກຄວາມເຊື່ອຖືມາແຕ່
ບູຮານນະການ. ເມື່ອກ່ອນ ( ເປັນເມື່ອກ່ອນຂອງປະຖົມບູຮານ ) ເພິ່ນກໍມີພິທີຊ່ວງເຮືອຫລັງຈາກ
ອອກພັນສາຫລືຢູ່ໃນຊ້ວງເດືອນສິບເອັດ ແຕ່ບຸນຊ່ວງເຮືອທຸກໆປີຈະມີເງືອກມາຫລົ້ມເຮືອຊ່ວງແລະ
ກິນນັກສີພາຍຂອງເຮືອຊ່ວງໄປເປັນລຳ ແລະປ່ຽນເປັນຝຽນແຕ່ລະປີແຕ່ລະບ້ານ. ເພິ່ນຈຶ່ງໄດ້ລົງນາງ
ທຽມເບິ່ງວ່າດ້ວຍສາຍເຫດອັນໃດຈຶ່ງມີເຫດຮ້າຍເງືອກມາຫລົ້ມເຮືອກິນສີພາຍທຸກໆປີ, ແລະຜົນອອກ
ມາຄື ເຈົ້າຖິ່ນເຈົ້າຖານບໍ່ຢາກໃຫ້ມີການຊ່ວງເຮືອຢູ່ແມ່ນ້ຳຂອງ ( ໃນປາງນັ້ນເພິ່ນຊ່ວງເຮືອຢູ່ນ້ຳຂອງ )
ເພາະມະນຸດພາກັນມາກຸກກວນງານສຳຄັນຂອງເຈົ້າຖິ່ນເຈົ້າຖານເຫຼົ່ານັ້ນ ຈຶ່ງສັ່ງໃຫ້ເງືອກອອກມາຫລົ້ມ
ເຮືອກິນສີພາຍໃຫ້ໝົດທຸກປີ.
ດ້ວຍເຫດນັ້ນເພິ່ນຈຶ່ງພາກັນຍ້າຍມາຊ່ວງເຮືອກັນຢູ່ນ້ຳຄານພີ້, ແຕ່ວ່າ ໃນເດືອນສິບເອັດ ຖ້າປິໃດມີ
8 ສອງຫົນ ກໍຊ່ວງເຮືອຢູ່ນ້ຳຄານບໍ່ໄດ້ເພາະນ້ຳແຫ້ງຂອດລົງຈົນຄົນຍ່າງທ່ວງນ້ຳຂ້າມໄດ້. ຄັນປີໃດບໍ່ໄດ້
ເຮັດບຸນຊ່ວງເຮືອ ປີນັ້ນກໍມີອັນເປັນໄປ ແບບມີຄົນເຈັບປ່ວຍລົ້ມຕາຍລົງຢ່າງຫລວງຫລາຍ. ດັ່ງນັ້ນ
ທາງພະພິກຂຸຈຶ່ງໄດ້ທຳພິທີທາງສາດສະໜາຂໍຍັບຍ້າຍບຸນຊ່ວງເຮືອຈາກເດືອນ ສິບເອັດ ມາເປັນເດືອນ
ເກົ້າດັບ ເພາະໃນລະຍະເດືອນ ເກົ້າ ຫາ ເດືອນ ສິບນັ້ນ ນ້ຳຄານຂຶ້ນເຕັມຝັ່ງທຸກໆປີ. ນັບຕັ້ງແຕ່ນັ້ນມາ
ເພິ່ນກໍພາກັນຊ່ວງເຮືອໃນເດືອນເກົ້າແຮມສິບຫ້າຄ່ຳຫລືເດືອນເກົ້າດັບນັ້ນເອງ, ແລະນັບແຕ່ນັ້ນມາກໍ
ບໍ່ມີຄົນລົ້ມປ່ວຍແລະຕາຍໄປຢ່າງມາກມາຍເໝືອນແຕ່ກ່ອນ ແລະກໍບໍ່ມີເງືອກມາຫລົ້ມເຮືອກິນສີພາຍ
ອີກ. ນີ້ຄືປະຫວັດທີ່ມາຂອງບຸນຊ່ວງເຮືອທີ່ຫລວງພະບາງ ວ່າເປັນຫຍັງຈຶ່ງເປັນເດືອນເກົ້າດັບ ແລະຊ່ວງ
ເຮືອກັນທີ່ ແມ່ນ້ຳຄານນັ້ນສືບມາເທົ່າທຸກວັນນີ້.
