ຂອບໃຈທີ່ນໍາເອົາສາຣະຄະດີທີ່ເປັນປະໂຫຍດມາລົງໃຫ້ເບິ່ງ ແຕ່ໜ້າເສັຽດາຍທີ່ຂ້ານ້ອຍ
ບໍ່ມີໂອກາດໄດ້ສໍາຜັດກັບສະກຸນເງິນເຫລົ່ານັ້ນເໝືອນພີ່ນ້ອງໃນປະເທດລາວ, ຕອນຢູ່ສູນ
ອົບພະຍົບນາໂພກໍ່ເຄີຍໃຊ້ເງິນບາດປະມານ 10 ບາດ ແລະໃນຂະນະທີ່ຖືກສົ່ງໄປຮຽນ
ອີແອດແອວຢູ່ສູນອົບພະຍົບບາຕາອານກໍ່ເຄີຍໃຊ້ເງິນຟິລິປິນປະມານ 15 ເປໂຊຊຶ່ງເປັນ
ເງິນທີ່ໄດ້ມາຈາກການແລກປ່ຽນຜ້າຫົ່ມກັບປະຊາຊົນທ້ອງຖິ່ນກ່ອນຈະອອກເດີນທາງມາ
ຕັ້ງຖິ່ນຖານໃນສະຫະຣັຖ.
ທ່ານໃດ່ມີໂອກາດໄດ້ເດີນທາງໄປດື່ມນໍ້າໝາກພ້າວອ່ອນຢູ່ເມືອງເວ້ ກະຣຸນາໃຊ້ເງິນດ໋ອງ
ເພື່ອແດ່ເດີ, ຂອບໃຈ.
ເປັນຕາ ອີດູຕົນເຈົ້າເນາະ ພໍ່ອາວ ! ມີປະເທດຊາດ ບ້ານເມືອງ ກໍບໍ່ໄດ້ຢູ່
ຕອ້ງໄດ້ພັດພາກ ຈາກໄປຢູ່ບອ່ນອື່ນ ຄືວ່າຫັ້ນແຫລ້ວ! ຄົນຮຽນສູງ ມີຄວາມຮູ້
ສ່ວນຂອ້ຍ ຄົນທຳມະດາ ລູກກຳມະກອນຊາວນາ ບໍ່ໄດ້ໄປທາງໃດ ກໍເລີຍໄດ້ຢູ່ປະຈຳ
ກັບແມ່ອີ່ນອ້ຍ ກໍຖືວ່າ ໄດ້ເບິ່ງການພັດທະນາ ຈະເລີນເຕີບໂຕ ຂອງ ບ້ານເມືອງ ຊັ້ນນ່າ !!
Anonymous wrote:ເປັນຕາ ອີດູຕົນເຈົ້າເນາະ ພໍ່ອາວ ! ມີປະເທດຊາດ ບ້ານເມືອງ ກໍບໍ່ໄດ້ຢູ່ຕອ້ງໄດ້ພັດພາກ ຈາກໄປຢູ່ບອ່ນອື່ນ ຄືວ່າຫັ້ນແຫລ້ວ! ຄົນຮຽນສູງ ມີຄວາມຮູ້ສ່ວນຂອ້ຍ ຄົນທຳມະດາ ລູກກຳມະກອນຊາວນາ ບໍ່ໄດ້ໄປທາງໃດ ກໍເລີຍໄດ້ຢູ່ປະຈຳກັບແມ່ອີ່ນອ້ຍ ກໍຖືວ່າ ໄດ້ເບິ່ງການພັດທະນາ ຈະເລີນເຕີບໂຕ ຂອງ ບ້ານເມືອງ ຊັ້ນນ່າ !!
ໄດ້ຮຽນສູງດ້ວຍຄວາມຈໍາເປັນຊື່ໆດອກ, ປີນັ້ນນໍ້າຖ້ວມບ້ານ ນາຍຄຣູຈຶ່ງພາຂຶ້ນໄປຮຽນຢູ່ດາດຟ້າຕຶກຮົວຊິງ
ນໍ້າບົກແລ້ວເພິ່ນກໍ່ພາຍ້າຍລົງມາຮຽນຢູ່ໂຮງຮຽນວັດຫລວງຕາມເດີມ.
ຖ້າເປັນລູກກໍາມະກອນຊາວນາ ກໍ່ໝາຍຄວາມວ່າບໍ່ໄດ້ເປັນຄົນທໍາມະດາເພາະໃນຣະບອບສັງຄົມນິຍົມເພິ່ນ
ຍົກສູງກໍາມະກອນແລະຊາວນາຜູ່ອອກແຮງງານ, ແຕ່ເປັນຫຍັງບໍ່ລົງມືປະກອບສ່ວນພັດທະນານໍາເພິ່ນ ເບິ່ງ
ຊື່ໆຈະມີຜົນງານອ້າງລູກອ້າງຫລານນໍາເພິ່ນຢູ່ບໍ?
ເວລາໄດ້ກາຍເກີນມາຈົນເກືອຍຈະຮອດ 40 ປີແລ້ວ ທີ່ເຫດການຊາວລາວໜີອອກຈາກບ້ານ
ເກີດເມືອງນອນຂອງຕົນເອງ, ສົມຄວນແກ່ເວລາຈະຢຸດຕິສຽດສີກັນໄດ້ແລ້ວ ຖ້າວ່າເຈົ້າເປັນ
ຄົນທີ່ມີການສຶກສາຄົນໜຶ່ງ. ຂ້ອຍກໍແມ່ນຄົນລາວຢູ່ວຽງຈັນນີ້ລະ ແລະກໍມີຍາດພີ່ນ້ອງຮ່ວມ
ສາຍເລືອດດຽວກັນເປັນສິບເປັນຊາວຄອບຄົວທີ່ພາກັນ ພາຄອບຄົວສ່ຽງຊີວິດໜີອອກຈາກ
ບ້ານເກີດເມືອງນອນໄປ ພາຍໃຕ້ຜ່າຝູງກະສຸນລູກປືນທີ່ທະຫານຕຳຫລວດແລະກອງຫລອນ
ຍິງສຸມໃສ່ໃນເວລາທີ່ພວກເຂົາລອຍຢູ່ກາງກະແສຂອງແມ່ນ້ຳຂອງທີ່ສ້ຽວແຮງ. ບໍ່ແມ່ນຈະຕີ
ລວດກວດພຽງກັນໄປໝົດວ່າພວກເຂົາເປັນສັດຕູຂອງການປະຕິວັດ ອັນພວກຄົນລາວໜີ
ອອກຈາກປະເທດໄປໃນເວລານັ້ນ, ຍາດພີ່ນ້ອງຂອງຂ້ອຍບໍ່ມີຄົນໃດເປັນທະຫານຫລືຕຳ
ຫລວດໃນລະບອບເກົ່າກ່ອນ 75 ສ່ວນຫລາຍເປັນພໍ່ໄຮ່ຊາວນາຄ້າຂາຍຫງາຍມືກິນ ແລະຜູ່
ທີ່ເປັນຂ້າລາດຊະການກໍເປັນທາງຝ່າຍຊີວິນຄືເປັນຄູສອນ ແລະເປັນໝໍທັງນັ້ນ. ພາຍຫລັງ
ຍຶດອຳນາດປີ 75 ອຳນາດການປົກຄອງທ້ອງຖິ່ນຕ່າງກໍຈັບຕາແນມແລະຊອກຫາຄວາມຜິດ
ຫລືຫາເລື່ອງຫາລາວໃສ່ຍາດພີ່ນ້ອງຂ້ອຍຕ່າງໆນາໆ, ເພາະສ່ວນຫລາຍພີ່ນ້ອງໝູ່ຂ້ອຍຕ່າງ
ກໍມີທົ່ງມີນາມີຮົ້ວມີສວນຢູ່ທາງບ້ານພະຂາວ, ດອນໜູນ ແລະອ້ອມແອ້ມທາດຫລວງນີ້ເອງ
ຊຶ່ງທາງອຳນາດການປົກຄອງຢາກໄດ້ມາເປັນນາສະຫະກອນຮວມໝູ່, ແຕ່ຖືກພວກຍາດພີ່
ນ້ອງໝູ່ຂ້ອຍປະຕິເສດມາຕະຫລອດ. ລຸງຂ້ອຍຖືກຈັບໄປຂັງຄຸກທາດດຳເປັນເດືອນຈຶ່ງປ່ອຍ
ອອກໃນຂໍ້ຫາເປັນໃຈປະຕິການໃນປີ 76. ຢູ່ຕໍ່ມາບໍ່ພໍເທົ່າໃດເດືອນຫລັງຈາກລຸງຖືກປ່ອຍ
ອອກມາກໍແມ່ນ ອາວຖືກຈັບໃນຂໍ້ຫາບໍ່ຍອມເອົານາໄປເຂົ້າຮ່ວມເປັນນາສະຫະກອນຮວມໝູ່.
ອາໄພ້ຂ້າໝູເຮັດຂວັນໃຫ້ອາວຕອນເພິ່ນອອກຄຸກມາ ບັກແສງສຸວັນ ຫົວໜ້າກອງຫລອນ
ຕາແສງທາດຫລວງກໍມາຍຶດເອົາທັງໝູແລະອາໄພ້ໄປຂຶ້ນກອງຄະດີວ່າບໍ່ໄດ້ຂໍອະນຸຍາດກ່ອນ
ຈະຂ້າໝູ, ຖືກໄໝ 5000 ກີບ ຕິດຄຸກ 3 ມື້ ສ່ວນໝູ ແມ່ນພວກກອງຫລອນເອົາໄປກິນ
ໝົດ.
ຄອບຄົບລຸງແລະອາວໜີຂ້າມໄປໄທໃນປີ 77 ແລະນັບແຕ່ນັ້ນມາຍາດພີ່ນ້ອງທີ່ເປັນສາຍ
ເລືອດດຽວກັນກໍທະຍອຍນຳກັນໄປຈົນໝົດເຄິ່ງບ້ານພະຂາວພຸ້ນລະ, ເຫຼືອແຕ່ຄອບຄົວພໍ່
ຂ້ອຍແລະອາທີ່ຍັງຢູ່ທີ່ທາດຫລວງທຸກວັນນີ້ ເພາະພໍ່ຂ້ອຍບໍ່ຂີນອຳນາດການປົກຄອງທີ່ເອົາ
ນາພໍ່ແລະອາຂ້ອຍໄປເປັນນາສາມັກຄີຮວມໝູ່, ແຕ່ຜົນສຸດທ້າຍທາງການຈັດຕັ້ງໄປບໍ່ລອດ
ກໍເອົານາສົ່ງຄືນໃຫ້ພໍ່ກັບອາຂ້ອຍຄືເກົ່າ.
ຢ່າວ່າທ້ອນອັນວ່າພວກຄົນລາວໄປຢູ່ຕ່າງປະເທດແລ້ວວ່າບໍ່ມີແຜ່ນດິນຢູ່ຫັ້ນ, ປະເທດທີ່
ພວກຂະເຈົ້າຢູ່ນັ້ນກໍເປັນປະເທດຂອງເຂົາໄປແລ້ວ ພີ່ນ້ອງຂ້ອຍນີ້ລະທີ່ສົ່ງເງິນມາຊ່ວຍເຫຼືອ
ຕັ້ງແຕ່ປີ 77 ເປັນຕົ້ນມາຈົນເຮັດໃຫ້ຍາດພີ່ນ້ອງຢູ່ທາງທາດຫລວງພີ້ມີຢູ່ມີກິນມາຕະຫລອດ
ໂດຍບໍ່ເປັນພາລະຂອງລັດຖະບານເໝືອນກັນກັບຄອບຄົວອື່ນໆທີ່ບໍ່ມີພີ່ນ້ອງຢູ່ຕ່າງປະເທດ.
ຂ້ອຍກໍໄດ້ໄປເຫັນອາເມລິກາກໍຍ້ອນພີ່ໆນ້ອງໆຂ້ອຍ, ລູກລຸງຂ້ອຍກໍມີ ຟາມ ປູກຝັງແລະລ້ຽງ
ສັດທີ່ມີຕາດິນກ້ວາງປະມານ 750 ເອັກເກີ້ ແລະກໍມີພີ່ນ້ອງຂ້ອຍໄປແຕ່ລາວພີ້ ໄປເຮັດວຽກ
ຢູ່ ຟາມ ນັ້ນ ເປັນສິບຄົນ.
ດັ່ງນັ້ນບໍ່ຄວນຫຍໍ້ຫຍັນກັນ ມີແຕ່ຄົນຢູ່ບໍ່ໄດ້ເຂົາຈຶ່ງໜີໄປ ຢູ່ກໍຕາຍໄປກໍຕາຍ ຄົນເຮົາແມ່ນ
ເລືອກ ໄປ ກ່ອນ ຢູ່ ເພາະໄປຕາຍດາບໜ້າດີກວ່າຕາຍດາບຫລັງ, ຕາຍມືີໜ້າດີກ່ວາຕານມື້ນີ້.
ຂໍໂທດທີ່ເອົາຄວາມຈິງອອກມາເວົ້າ.
ເຫັນດີນຳຜູ້ຂຽນຕົວຫນັງສືສີຂຽວນີ້ສຸດໆ ຄົນລາວຫນີ ຜ່າຍຫ່າລູກປືນ ໂຕນຂ້າມນ້ຳຂອງຕາຍໄຫລນ້ຳແຕ່ລະມື້ບໍ່ແມ່ນຫນ້ອຍ ໂຕນຫນີສອງຝາມືເປົ່າ ກະຍັງສ້າງເນື້ອສ້າງຕົວໄດ້ ພີ່ນ້ອງຜູ້ຂ້າເພີ່ນກະເຄີຍສົ່ງເງິນໃຫ້ ເຮັດບຸນຫາຍາດພີ່ນ້ອງ ແລະ ສົ່ງເມືອຊວ່ຍຍາດພີ່ນ້ອງຊື່ ໄຮ່ໄຖນາ ເລື່ອງນາລວມນີ້ລະ ເຮັດໃຫ້ຊາດນາອຶດເຂົ້າກິນ ເວົ້າງ່າຍໆເຮັດໃຫ້ຄົນທຸກລົງ ຄັນຍັງເຮັດລະບົບສະຫະກອນລວມຫມູ່ຄືເກົ່າ ດຽວນີ້ຄົນຈັກຊິທຸກຍາກສ່ຳໄດ ບາງອັນທາງລັດຖະບານເຫັນວ່າ ມັນໄປບໍລອດບໍຖືກຕ້ອງສອດຄ່ອງ ກະປ່ຽນເຫັນດີນຳ ແຕ່ປະຈຸບັນພັດແມ່ນພະຍາດການສໍ້ໂກງ ແຜ່າຫລວງຫລາຍທີ່ເຮັດໃຫ້ປວດຫົວແມ່ນຫຍັງກະເງິນໆ ທັງນັ້ນ ລະບົບທຶນນິຍົມ ຄວບຄຸມທູກຂົງເຂດ ໃນປະເທດສັງຄົມນິຍົມ ແລ້ວ ຄັນປະເທດໄດບໍເຮັດການຄ້າແມ່ນບໍລອດແທ້ໆ. ສຳລັບຜູ້ຂ້ານີ້ສົມຄວນສັນລະເສີນລາວນອກຍ້ອນວ່າ ຫນີສອງມືຍັງສ້າງເນື້ອສ້າງຕົວ ຈົນໄດ້ດີ ແລະ ສົ່ງຊ່ວຍຍາດພີ່ນ້ອງຢູ່ລາວສ້າງສາ ສ່ວນຕົວແລະ ຊ່ອຍເຫລືອສັງຄົມນຳອີກ.
