Pasalao

ຕາມຄວາມຄິດເຫັນສ່ວນໂຕແລ້ວ ມັນຕ້ອງໄດ້ອາໄສຫຼາຍພາກສ່ວນ

1. ຄົນລາວທຸກຄົນຕ້ອງສາມັກຄີກັນ ບໍ່ວ່າຢູ່ນອກຫຼືໃນ ຕ້ອງຮັກແພງກັນ ເວົ້ານົວຫົວມ່ວນ, ຍົກສູງຄວາມເປັນລາວ ສະແດງໃຫ້ຊາວໂລກໄດ້ເຫັນວ່າ ຄົນລາວກໍ່ມີຄວາມສາມາດ ໃນລະດັບເວທີໂລກ ສົ່ງເສີມວັດທະນະທຳລາວໃຫ້ມີຄວາມເຂັ້ມແຂງ

2. ຄົນລາວທຸກຄົນຕ້ອງຫຼຸດຜ່ອນຄວາມເຫັນແກ່ໂຕລົງ ເອົາປະໂຫຍດຂອງສ່ວນລວມເປັນຫຼັກ ບໍ່ແມ່ນສຸກງ່າໃດກິນງ່ານັ້ນ

3. ຄົນລາວຕ້ອງອົດທົນ ດຸໝັ່ນ ທີ່ສຳຄັນຕ້ອງຮູ້ຈັກປະຫຍັດ ເພາະປະເທດເຮົາຍັງດ້ອຍພັດທະນາ ປະເທດຍັງຕ້ອງການຄົນທີ່ມີຄວາມສາມາດ ເພື່ອຍູ້ດັນປະເທດ ໃຫ້ກ້າວເຂົ້າສູ່ ກຸ່ມປະເທດກຳລັງພັດທະນາ, ບໍ່ແມ່ນຫາໄດ້ 10 ກິນ 20, ບໍ່ແມ່ນແຕ່ລະມື້ພໍເລີກວຽກກໍ່ມານັ່ງແຊ່ຢູ່ຮ້ານເບຍຢ່າງດຽວ ແມ່ນຢູ່ວ່າ ເຈົ້າມີເງິນຊື້ໂດຍບໍ່ໄດ້ໄປຂໍຄົນອື່ນ ແຕ່ນີ້ຄື ສາຍເຫດທີ່ເຮັດໃຫ້ຄົນລາວໃຊ້ເວລາກັບສິ່ງບໍ່ມີປະໂຫຍດຫຼາຍເກີນໄປ

4. ຄົນລາວທຸກຄົນຕ້ອງປ່ຽນພຶດຕິກຳໃນການດຳລົງຊີວິດໃໝ່ ເພາະສັງຄົມລາວທຸກມື້ນີ້ແມ່ນສັງຄົມຟູມເຟືອຍ ນອກຈາກຈະຫາເງິນບໍ່ໄດ້ແລ້ວຍັງຟູມເຟືອຍອີກເຊັ່ນ:

- ການດື່ມເບຍ ຄົນໜຶ່ງຕ້ອງປະມານໜຶ່ງລັງຂື້ນໄປ, ຖ້າ 3-4ຄົນ ຕ້ອງປະມານ 5ລັງຂື້ນໄປ (ມີປະເທດໃດເຮັດຄືລາວແດ່)

- ການເຂົ້າຮ່ວມງານດອງ ງານບຸນ ຕັກອາຫານມາເຕັມໂຕະ ແຕ່ກິນພຽງໜ້ອຍດຽວ ປ່ອຍໃຫ້ອາຫານເຫຼືອເກີນຂອບເຂດ(ເຜົາຜານເຈົ້າພາບ)

- ງານບຸນ ກອງໜື່ງບໍ່ຕ່ຳກ່ວາ 3 ລ້ານກີບ ແຕ່ຢູ່ໃນກອງບຸນມີແຕ່ເຈ້ຍເງິນເຈ້ຍຄຳທີ່ໄປເຄນໃຫ້ຄູບາແຕ່ເພີ່ນໃຊ້ຫຍັງບໍ່ໄດ້, ການຈັດງານບຸນຢ່າງໜ້ອຍຕ້ອງມີຫຼາຍກ່ວາ 20ລ້ານ ຈິ່ງເຮັດໄດ້ ແລ້ວການເຮັດບຸນແນວນີ້ກະສິມີຄວາມໝາຍຢູ່ຫວາ

- ການໄປໃສ່ບາດ ທຸກໆຄົນຕ້ອງມີຕິບເຂົ້າຕິບໜຶ່ງແມ່ນບໍ່ ສັງເກດຕອນເຂົ້າພັນສາ ອອກພັນສາ ຕັກບາດທີ່ເດີ່ນທາດຫຼວງ... ເຂົ້າທີ່ຍາດໂຍມເອົາໄປໃສ່ບາດສ່ວນຫຼາຍມີແຕ່ເຂົ້າດີໆ ງາມໆ ແຕ່ຫຼັງຈາກພະສົງໄດ້ຮັບເຂົ້າເຫຼົ່ານັ້ນແລ້ວ ບາງວັດກໍ່ບໍ່ຮູ້ຈັກວິທີຮັກສາເຂົ້ານັ້ນມັນກໍ່ໜ້າເສຍດາຍທີ່ປ່ອຍໃຫ້ເນົ່າ ເໜືອນຂອງບໍ່ມີຄຸນຄ່າ ອັນນີ້ກະຟຸມເຟືອຍ

ຂໍໂທດນຳຫາກວ່າຜິດພາດປະການໃດ ຍິນດີໃຫ້ແລກປ່ຽນຄວາມຄິດເຫັນ ແລະ ຕຳນິຕິຕຽນເພື່ອໃຫ້ເມືອງລາວດີຂື້ນ ຮັກແພງ