Pasalao

ເມືອວັນທີ່ 15 ສິງຫາ 2556 ສຳນັກຂ່າວ ບີບີຊີ ລາຍງານຄວາມຄືບໜ້າເຫດນອງເລືອດໃນ ອີຢິບ ຫຼັງຝ່າຍທະຫານໃຊ້ອະວຸດສະລາຍກຸ່ມຜູ້ປະທ້ວງວ່າ ກຸ່ມ ກຣາດພາບມຸດສະລິມ ຊຶ່ງເປັນຝ່າຍດຽວກັບຜູ້ປະທ້ວງ ເຜຍຍອດຜູ້ເສຍຊີວິດວ່າທີ່ຈິງແລ້ວມີຫຼາຍກວ່າ 2,000 ຄົນ ໃນຂະນະທີ່ທາງການເຜຍຍອດຕາຍເຖິງ 639 ຄົນເທົ່ານັ້ນ ແລະ ຈາກເຫດການນອງເລືອດຄັ້ງນີ້ ປະທານາທິບໍດີ ໂອບາມາ ແຫ່ງສະຫະລັດ ອາເມລິກາ ໄດ້ອອກຖະແຫຼ່ງການປະນາມລັດຖະບານ ອີຢິບ ຢ່າງໜັກ ພ້ອມຕິແຜນການຊ້ອມລົບຮ່ວມທີ່ຈະເກີດຂຶ້ນໃນໄວໆນີ້ດ້ວຍ ລາຍງານລະບຸວ່າເມືອວັນທີ່ 15 ສິງຫາຄົມທີ່ຜ່ານມາ

ລັດຖະບານອີຢິບເຜຍຄວາມຄືບໜ້າຍອດຜູ້ເສຍຊີວິດຈາກການສະລາຍກຸ່ມຜູ້ປະທ້ວງວ່າ ຕອນນີ້ຍອດຜູ້ເສຍຊີວິດເພິ່ມຂຶ້ນເປັນ 638 ຄົນແລ້ວ ສ່ວນຜູ້ບາດເຈັບຢູ່ທີ່ 3,572 ຄົນ ແຕ່ເຖິງວ່າຈະເປັນແບບນັ້ນ ທາງດ້ານ ກຸ່ມກຣາບມຸດສະລິມ ຊຶ່ງເປັນຜູ້ສະໜັບສະໜູນ ອະດີດປະຖານາທິບໍດີ ໂມຮຳເມັດ ກັບເປີດເຜຍຍອດຜູ້ເສຍຊີວິດ ທີ່ສວນທາງກັບຝ່າຍລັດຖະບານ

ໂດຍພວກເຂົາເປີດເຜີຍວ່າມີຜູ້ເສຍຊີວິດຈາກເຫດການນອງເລືອດຄັ້ງນີ້ໄມ້ຕ່ຳກວ່າ 2,000 ຄົນ ທົ່ວ ອີຢິບ ຈາກເຫດການດັ່ງກ່າວ ເຮັດໃຫ້ປະທານນາທິບໍດີ ໂອບາມາ ແຫ່ງສະຫະລັດອາເມລິກາ ໄດ້ອອກຖະແຫຼ່ງປະນາມລັດຖະບານ ອີຢິບ ຢ່າງໜັກ ທີ່ຕັດສິນໃຈໃຊ້ກອງກຳລັງທະຫານພ້ອມອາວຸດ ເຂົ້າສະລາຍການຊຸມນຸມຂອງຜູ້ປະທ້ວງໃນຄັ້ງນີ້ ແລະ ວ່າກຸ່ມຜູ້ປະທ້ວງບໍ່ຄວນທີ່ຈະຖືກກະທຳແບບນັ້ນເລີຍ ອີຢິບ ຈະຕ້ອງຍຸດວົງຈອນຄວາມຮຸນແຮງແບບນີ້ ລົງໂດຍໄວ ພ້ອມຂໍໃຫ້ ອີຢິບ ຍົກເລີກການປະກວດພາວະສຸກເສີນ 1 ເດືອນ ເຮົາຢາກເຫັນ ອີຢິບ ທີ່ສະຫງົບສຸກ ແລະ ມີຄວາມສະເໜີພາບ ນອກຈາກນີ້ ປະທານາທິບໍດີ ໂອບາມາ ຍັງປະກາດຍົກເລີກການຊ້ອມຮົບກັບອີຢິບດ້ວຍ ໂດຍໃຊ້ເຫດຜົນວ່າຄວາມຮ່ວມມືກັນທາງການທະຫານລະຫວ່າງສະຫະລັດ ແລະ ອີຢິບ ຄົງຈະດຳເນີກການຕໍ່ໄປບໍ່ໄດ້ຫາກປະຊາຊົນ ຖືກສັງຫານໝູ່ ແລະ ຖືກຈຳກັດສິດທິໃນການຊຸຸມນຸມປະທ້ວງເຊັ່ນນີ້. ທັ້ງນີ້ ສຳລັບເຫດການນອງເລືອດຮຸນແຮງຄັ້ງລ່າສຸດໃນ ອີຢິບ ເກີດການເມືອຊ່ວງເຊົ້າຂອງວັນທີ 14 ສິງຫາຕາມເວລາທ້ອງຖິ່ນ

ລັດຖະບານຮັກສາການພາຍໃຕ້ການຄວບຄຸມຂອງປະທານາທິບໍດີຮັກສາການ ອັດລີ ມານຊູ ໄດ້ຕັດສິນໃຈໃຊ້ອາວຸດສະລາຍການຊຸມນຸມຂອງຝ່າຍສະໜັບສະໜູນອະດີດປະທານາທິບໍດີ ໂມຮຳເມັດ ມໍຊີ ຊຶ່ງອອກມາລວມຕົວກັນປະທ້ວງທົ່ວ ອີຢິບ ແລະ ຫຼັງຈາກເກີດເຫດ ທາງການກໍ່ໄດ້ອອກມາເປີດເຜີຍປົກປ້ອງການກະທຳຂອງລັດຖະບານ ເຮັດໄປເພື່ອພິທັກຄວາມມັ່ນຄົງຂອງປະທດ ແລະ ຝ່າຍຜຸ້ປະທ້ວງເອງກໍ່ໃຊ້ອາວຸດກັບເຈົ້າໜ້າທີ່ເຊັ່ນກັນ ຂະນະທີ່ ທ່ານ ໂມຮຳເມັດ ເອວບາຮາດີ ຮອງປະທານາທິບໍດີອີຢິບ ໄດ້ຕັດສິນໃຈລາອອກຈາກຕຳແໜ່ງທັນທີ ດ້ວຍເຫດຜົນທີ່ວ່າເຂົາບໍ່ສາມາດດຳລົງຕຳແໜ່ງຕໍ່ໄປໄດ້ ຫາກເຂົາຕ້ອງຢູ່ຂ້າງລັດຖຸະບານ ຊຶ່ງຕັດສິນໃຈໃຊ້ຄວາມຮຸນແຮງສະລາຍການຊຸມນຸມ ທຳຮ້າຍ ປະຊາຊົນ ເຊັ່ນນີ້.