ປັດຈຸບັນ ຢູ່ນະຄອນຫລວງ ວຽງຈັນລົດທີ່ໄດ້ຂຶ້ນທະບຽນນຳກອງຄຸ້ມຄອງພາຫະນະມີປະມານ 6 ແສນກວ່າຄັນ, ໃນນັ້ນ 60% ແມ່ນລົດຈັກ ແລະ ສ່ວນທີ່ເຫລືອແມ່ນລົດປະເພດ 3 ຕີນຂຶ້ນໄປ ແລະ ຄາດວ່າຈຳນວນພາຫະນະປະເພດລົດໃຫຍ່ຈະເພີ່ມຂຶ້ນເລື້ອຍໆ ຍ້ອນນະໂຍບາຍຈ່າຍຜ່ອນລົດຂອງບໍລິສັດຂາຍລົດພວມແກ່ງແຍ້ງແຂ່ງຂັນກັນຫລາຍ. ຈາກບັນຫາດັ່ງກ່າວຈຶ່ງເຮັດໃຫ້ ກະຊວງໂຍທາທິການ ແລະ ຂົນສົ່ງຕ້ອງຫາທາງອອກໂດຍໄວເພື່ອແກ້ໄຂບັນຫາການສັນຈອນແອອັດໃນຕົວເມືອງ ທັງໃນສະເພາະໜ້າ ແລະ ຍາວນານ ເຊິ່ງຈະມີການປັບປຸງປ່ຽນແປງການສັນຈອນໃນຫລາຍເສັ້ນທາງ ເພື່ອລະບາຍການສັນຈອນໃຫ້ມີຄວາມຄ່ອງຕົວດີກວ່າເກົ່າ.
ທ່ານ ສົມນຶກ ເມກຕະກຸນ ຫົວ ໜ້າພະແນກຄຸ້ມຄອງການຈໍລະຈອນທາງບົກ ກົມຂົວທາງ ກະ ຊວງໂຍທາທິການ ແລະ ຂົນສົ່ງ ກ່າວວ່າ: ເສັ້ນທາງທີ່ຈະຖືກປ່ຽນການສັນຈອນເປັນເລນດຽວມີເສັ້ນທາງໄກສອນ ແຕ່ຄ້ອຍນ້ຳປະ ປາໂພນເຄັງຈົນຮອດສາມແຍກອານຸສາວະລີ (ຄ້ອງສັນຕິພາບ), ເສັ້ນທາງ 23 ສິງຫາ ແຕ່ສຳນັກ ງານທະນາຄານໂລກຈົນໄປຮອດສີ່ແຍກໄຟອຳນາດໜອງບອນ, ເສັ້ນທາງແຄມຂອງ ແຕ່ທະນາ ຄານການຄ້າຕ່າງປະເທດລາວມະຫາຊົນຈົນຮອດສາມແຍກປາກປ່າສັກ, ສ່ວນ
ເສັ້ນທາງທີ່ຈະປ່ຽນມາແລ່ນໄດ້ສອງເລນມີເສັ້ນ ທາງແຕ່ສາມແຍກສີຫອມຫາ 5 ແຍກໂອດ້ຽນ, ເສັ້ນທາງແຕ່ 5 ແຍກໂອດ້ຽນຫາສີ່ແຍກໂຮງຮຽນມັດທະຍົມສີໂຄດຕະບອງ ເປັນຕົ້ນ ແລະ ເສັ້ນທາງໃນເຂດຫລັງຕະ ຫລາດເຊົ້າຊອງປິງມໍແມ່ນເສັ້ນ ທາງໜຶ່ງທີ່ມີຄວາມສັບສົນທີ່ສຸດ ເນື່ອງຈາກໃນເຂດດັ່ງກ່າວມີສະ ຖານີລົດເມ, ມີຕະຫລາດ, ສຳນັກ ງານ ແລະ ສູນບໍລິການຕ່າງໆ ແມ່ນຈະເອົາຖັງຢາງໄປກັ້ນກາງ ທາງແຕ່ໜ້າສະຖານີໂດຍສານຕະ ຫລາດເຊົ້າໄປຈົນຮອດໄຟອຳ ນາດວັດທາດຝຸ່ນ ເພື່ອຫລຸດຜ່ອນບັນຫາການສັບສົນຂອງລົດໃນເສັ້ນທາງດັ່ງກ່າວ ໂດຍແຜນປັບ ປຸງທັງໝົດນັ້ນແມ່ນຈະເລີ່ມລົງມືໄປແຕ່ດຽວນີ້ຈົນຮອດຕົ້ນປີ 2014 ໃຫ້ສຳເລັດ. ຫລັງຈາກນັ້ນຈຶ່ງຈະໂຄສະ ນາປະຊາສຳພັນໃຫ້ສັງຄົມໄດ້ຮັບຮູ້ ເພື່ອໃຫ້ປະຕິບັດລະບຽບການຂັບຂີ່ໃຫ້ມີຄວາມເປັນລະ ບຽບຮຽບຮ້ອຍ ແລະ ຫລຸດຜ່ອນອຸປະຕິເຫດ.
