ໃນວັນທີ 8 ສິງຫານີ້, ໄດ້ມີພິ ທີເປີດຕະຫຼາດຈີນເຂດເສດຖະກິດພິເສດສາມ ຫຼ່ຽມຄຳ, ຢູ່ເມືອງຕົ້ນ ເຜິ້ງ, ແຂວງ ບໍ່ແກ້ວ ໂດຍການເຂົ້າຮ່ວມຂອງ ທ່ານ ສົມສະ ຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດ. ໂຄງ ການກໍ່ສ້າງຕະຫຼາດຈີນ ແມ່ນໜຶ່ງໃນບັນດາໂຄງການຂອງການພັດທະນາເຂດເສດ ຖະກິດພິເສດ ສາມຫຼ່ຽມຄຳ, ຕະຫຼອດໄລຍະຜ່ານມາວຽກງານດັ່ງກ່າວໄດ້ຮັບ ການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ. ສະນັ້ນ ອີງໃສ່ຄວາມຮຽກຮ້ອງ ຕ້ອງການຂອງສັງຄົມກໍຄືການພັດທະນາດ້ານຕ່າງໆໃນເຂດເສດຖະກິດພິເສດແຫ່ງດັ່ງກ່າວຈຶ່ງໄດ້ ສ້າງຕະຫຼາດແຫ່ງນີ້ຂຶ້ນ ໂດຍໃຫ້ມີຄວາມສົມບູນ ແລະ ທັນສະໄໝຂຶ້ນ, ອັນເປັນສູນກາງທາງການດ້ານຕ່າງໆໃນປັດຈຸບັນ ແລະ ອະນາຄົດເປັນຕົ້ນ ແມ່ນສູນກາງດ້ານການຄ້າ, ການລົງທຶນ, ການທ່ອງທ່ຽວ, ເປັນສະຖານທີ່ແລກປ່ຽນທາງດ້ານວັດທະ ນະທຳລະຫວ່າງລາວ, ຈີນ, ໄທ, ມຽນມ້າ ແລະ ອື່ນໆ ເຮັດໃຫ້ບັນຍາກາດໃນດຳເນີນການພັດທະນາມີສີສັນກວ່າເກົ່າ ແລະ ເຫັນໄດ້ລັກສະນະສະ
ເພາະຂອງບັນດາວັດທະນະທຳແຕ່ລະປະເທດ, ມີສິນຄ້າຫຼາຍປະເພດທີ່ມາຈາກຫຼາຍແຫຼ່ງ ການຜະລິດ, ເຊິ່ງໄດ້ອຳນວຍຄວາມ ສະດວກໃຫ້ແກ່ລູກຄ້າ, ທັງເຮັດໃຫ້ລູກຄ້າສາມາດເລືອກໃຊ້ບໍລິການສິນຄ້າໄດ້ຕາມ ຕ້ອງການ. ໃນໂອກາດດັ່ງກ່າວ, ທ່ານ ຮອງນາຍົກລັດຖະມົນຕີ ພ້ອມຄະນະຍັງໄດ້ຢ້ຽມຊົມຕະຫຼາດ ແຫ່ງດັ່ງກ່າວ, ພ້ອມ ທັງລົງກວດກາເບິ່ງພື້ນທີ່ຕ່າງໆທີ່ນອນ ຢູ່ພາຍໃນພື້ນທີ່ເຂດເສດຖະກິດພິເສດສາມຫຼ່ຽມຄຳ ເປັນຕົ້ນແມ່ນບັນດາກິດຈະ ການກໍ່ສ້າງອາຄານ, ການກໍ່ສ້າງກັນຕາຝັ່ ງເຈື່ອນຢູ່ດອນຊາວ, ພື້ນຖານໂຄງລ່າງ ຕ່າງໆ ແລະ ບັນດາສະຖານທີ່ທີ່ຈະພັດ ທະນາໃນຕໍ່ໜ້າ.ໃນນັ້ນ, ທ່ານຍັງໄດ້ໃຫ້ທິດຊີ້ນຳ ກ່ຽວກັບການພັດທະນາເຂດດັ່ງກ່າວໃນຕໍ່ໜ້າແກ່ຄະນະຮັບຜິດຊອບ ການ ພັດທະນາໃຫ້ສອດຄ່ອງກັບສັນຍາທີ່ໄດ້ຕົກ ລົງກັນກໍຄືການປະຕິບັດ ຕາມລະບຽບ-ກົດໝາຍແຫ່ງ ສປປ ລາວ ວາງອອກຢ່າງເຂັ້ມງວດ, ໃຫ້ມີລັກສະນະສ່ອງແສງ ເຖິງວັດທະນະທຳອັນດີງາມຂອງລາວເຮົາຕື່ມອີກ, ສິ່ງສຳຄັນແມ່ນ ໃຫ້ມີຄວາມສວຍງາມ, ສະອາດ, ມີຄວາມເປັນລະບຽບ ຮຽບຮ້ອຍ, ຍືນຍົງ, ເປັນມິດກັບສິ່ງແວດລ້ອມ ແລະ ສອງຄ່ອງ ກັບຄວາມມຸ່ງມາດປາດຖະໜາຕາມແນວທາງນະໂຍ ບາຍຂອງພັກ ແລະ ລັດຖະບານລາວຢ່າງແທ້ຈິງ. ນອກຈາກນັ້ນ, ໃນວັນດຽວກັນທ່ານຮອງນາຍົກລັດຖະມົນຕີພ້ອມ ຄະນະຍັງໄດ້ຮັບຟັງການລາຍງານສະພາບການພັດທະນາເຂດເສດ ຖະກິດພິເສດສາມຫຼ່ຽມຄຳຈາກຄະນະບໍລິຫານ, ສະພາບໍລິຫານເຂດເສດຖະກິດພິເສດສາມຫຼ່ຽມຄຳຂອງຝ່າຍລາວ. ເຊິ່ງສາມາດເຫັນໄດ້ດ້ານດີ, ດ້ານອ່ອນແລະຂໍ້ຄົງຄ້າງ ຈຳນວນໜຶ່ງທີ່ຈະຕ້ອງໄດ້ເອົາໃຈໃສ່ແກ້ໄຂໃນຕໍ່ໜ້າໃຫ້ໄດ້ຮັບຜົນດີ ກວ່າເກົ່າເພື່ອນຳເອົາຜົນປະໂຫຍດສູງສຸດມາສູ່ປະເທດຊາດ.
