ພົບເຫັນສົບຊາຍອາຍຸກາງຄົນ ນຸ່ງໂສ້ງຂາຍາວສີຂຽວ, ນຸ້ງເສື້ອລາຍຕາກະ ໂລ້ ແລະ ເສື້ອກ້າມສີຂາວ ທາງ ໃນເສຍ ຊີວິດຢູ່ກາງຂອງເຂດ ບ້ານທ່າແຮ ເມືອງໄກ ສອນ ແຂວງສະຫວັນນະເຂດ ເຊິ່ງ ທາງ ເຈົ້າໜ້າທີ່ຍັງບໍ່ສາມາດຮູ້ໄດ້ຊື່ຜູ້ເສຍຊີວິດ ດັ່ງກ່າວ ແຕ່ກໍກຳລັງເລັ່ງສືບສວນ-ສອບສວນ.
ເຈົ້າໜ້າທີ່ ປກສ ແຂວງ ສະ ຫວັນນະເຂດ ໃຫ້ຮູ້ວ່າ: ພາຍຫຼັງໄດ້ຮັບແຈ້ງ ຈາກປະຊາຊົນ ໃນຕອນເຊົ້າວັນທີ 8 ສິງ ຫານີ້ວ່າ: ໄດ້ພົບເຫັນສົບຄົນຕາຍໄຫຼຕາມ ນ້ຳຂອງມາຢູ່ກ້ອງຂົວເຂດບ້ານທ່າແຮ ເມືອງໄກສອນ ກໍໄດ້ຈັດກຳລັງລົງກວດກາສະ ຖານທີ່ເກີດເຫດດັ່ງກ່າວ ໂດຍພົບເຫັນສົບ ຊາຍບໍ່ຮູ້ຊື່ ແລະ ອາຍຸ, ເສຍຊີວິດໃນສະພາບສົບເນົ່າເປື່ອຍ, ຈາກນັ້ນທາງເຈົ້າໜ້າທີ່ ຈຶ່ງໄດ້ນຳເອົາສົບດັ່ງກ່າວຂຶ້ນມາ ແລະ ກວດ ກາ ເຊິ່ງຈາກການສືບສວນຜູ້ພົບເຫັນລຸງຄຳຝາ ຢູ່ບ້ານທ່າແຮໄດ້ເວົ້າ ວ່າ: ໃນຕອນ ເຊົ້າວັນທີ 8 ສິງຫານີ້, ຕົນເອງ ແລະ ເມຍ ໄດ້ຂີ່ເຮືອໄປຫາປາ ແລະ ໄຫຼມອງຢູ່ກາງນ້ຳຂອງ ແລະ ໄດ້ພົບເຫັນສົບຄົນຕາຍມາຕິດຢູ່ມອງຂອງຕົນເອງຈາກນັ້ນຕົນກໍໄດ້ເອົາ ສົບດັ່ງກ່າວມາໄວ້ຢູ່ແຄມນ້ຳ ແລະ ໄດ້ແຈ້ງໃຫ້ເຈົ້າໜ້າທີ່ມາກວດສອບ ແລະ ຍັງ ບໍ່ຮູ້ວ່າຜູ້ຕາຍເສຍຊີວິດມາຈາກທີ່ໃດ ແລະ ແມ່ນຄົນສັນຊາດໃດ ເຊິ່ງປັດຈຸບັນເຈົ້າໜ້າທີ່ພວມເລັ່ງສືບສວນ-ສອບສວນຢູ່.
