ນ້ຳຊອງຂຶ້ນໄວ ຈົນນັກທ່ອງທ່ຽວອອກຈາກບ້ານພັກບໍ່ທັນ...ໃຜໄປທ່ຽວໄລຍະນີ້ ຕ້ອງລະມັດລະວັງເດີ້ ຫຼື ໂຈະໄວ້ກ່ອນກໍດີ ເຫດການແບບນີ້ ທາງທ່ອງທ່ຽວວັງວຽງຫຼືຜູ້ທີ່ຮັບຜິດຊອບເລື່ອງພະຍາກອນອາກາດ
ຄວນອອກແຈ້ງເຕືອນກັນ ໃຫ້ເປັນທີ່ຮູ້ຈັກກັນແດ່, ເພື່ອຄວາມປອດໄພຂອງນກທ່ອງທ່ຽວ
ຂ້ອຍກໍເປັນຄົນໜຶ່ງ ທີ່ຕິດໃນບັງກາໂລແຫ່ງນີ້ ລີເວີວິວ, ນ້ຳເລີ່ມຖ້ວມປະມານ 2-3 ໂມງ ກາງຄືນ, ໂດຍເລີ່ມໄດ້ຍິນສຽງຜູ້ມາພັກເອີ້ນໃສ່ກັນແຊວໆ ວ່ານ້ຳຖ້ວມ ແຕ່ຜູ້ທີ່ເວນຍາມບ້ານພັກ ຫຼັງຈາກໄປຖາມເຈົ້າຂອງບັງກະໂລແລ້ວກໍໄດ້ຄຳຕອບວ່າ:ບໍ່ໃຫ້ເຄື່ອນຍ້າຍໄປໃສ, ທຸກຄົນທຸກຫ້ອງກໍຢູ່ຕາມທີ່ວ່າ ແຕ່ນ້ຳມັນກໍເພີ່ມຂຶ້ນເລື້ອຍໆ ຈົນໝໍ້ໄຟທີ່ຕິດກັບຂົວໄປຫາບ້ານພັກ ແຕກແລ້ວເກີດໄຟລຸກໃໝ້ ຕັ້ງຫຼາຍຄັ້ງ ຍິ່ງເຮັດໃຫ້ທຸກຄົນຕົກໃຈ ແລະອອກມາຢືນທີ່ໜ້າລະບຽງ ແຕ່ກໍໄປໃສບໍ່ໄດ້ເພາະນ້ຳຂຶ້ນແຮງທັງຝົນຕົກ(ບັງກະໂລນີ້ ຕັ້ງຢູ່ກາງດອນ ກໍເລີຍຍ້າຍຂຶ້ນຝັ່ງບໍ່ໄດ້ ແລະນ້ຳກໍຂຶ້ນສູງຫຼາຍ) ຕອນນີ້ທຸກຄົນທຸກຫ້ອງ ກໍລໍຄອຍການຊ່ວຍເຫຼືອຈາກເຈົ້າຂອງບັງກະໂລ ແຕ່ປະກົດວ່າ
ເມື່ອພະນັກງານໄປແຈ້ງຕໍ່ເຈົ້າຂອງທີ່່ພັກອີກ ແລະໃຫ້ຜູ້ທີ່ຮູ້ຈັກໂທຫາ, ທັງໄປປຸກຢູ່ຫ້ອງຂອງເຈົ້າຂອງບັງກະໂລທີ່ຢູ່ດ້ານເທິງຝັ່ງທີ່ເປັນເຈົ້າຂອງດຽວກັບບ້ານພັກສາຍຊອງ ສິ່ງທີ່ບໍ່ໜ້າເຊື່ອຄື: ເຂົາບໍ່ລຸກເລີຍ, ຂະນະນີ້ເປັນເວລາປະມານ4
ໂມງເຊົ້າ, ພວກເຮົາບໍ່ໄດ້ນອນໝົດຄືນ ຜູ້ເປັນເຈົ້າຂອງກໍຍັງບໍ່ໄດ້ລົງມາຈາກຝັ່ງ ເພື່ອມາເບີ່ງຜູ້ມາພັກເລີຍ, ຕອນນີ້ ໝໍ້ໄຟກໍແຕກອີກ ສິ່ງທີ່ຢ້ານກໍຄື ຢ້ານມັນເກີດໄຟໃໝ້ລາມມາຮອດບັງກະໂລ ເພາະຢູ່ຕິດກັນເລີຍ, ຈາກນັ້ນກໍເລີ່ມມີນັກທ່ອງທ່ຽວທີ່ພັກຢູ່ຝັ່ງທີ່ກົງກັນຂ້າມກັນເລີ່ມຕື່ນແລະໄດ້ແຕ່ພຽງຖ່າຍຮູບ, ເວລານີ້ ນ້ຳຢູ່ຫ້ອງນ້ຳກໍບໍ່ມາ ບາງຫ້ອງກໍຂຸ້ນ, ບນຍາກາດປານຢູ່ໃນໜັງ ທຸກຫ້ອງເລີ່ມປິດໄຟເພາະຢ້ານໄຟຊອດ ແຕ່ເປັນການເຕືອນກັນຂອງ
ຜູ້ມາພັກນຳກັນເອງ, ຈາກນັ້ນຈຶ່ງໄດ້ຮັບໂທລະສັບວ່າ ຜູ້ເປັນເຈົ້າຂອງໂທຫາພວກໄຟຟ້າແລ້ວ ແຕ່ເຂົາບໍ່ຮັບແລະເຈົ້າຂອງຈະມາເອົາເຮືອມາຮັບຜູ້ມາພັກຕອນເຊົ້າ, ໂອ້ ຖ້າອີກເປັນຊົ່ວໂມງ..ເຫດການແບບນີ້ ບໍ່ເກີດກັບຕົນເອງກໍບໍ່ຮູ້
ການລໍຄອຍໃຫ້ແຈ້ງຮອດ6ໂມງເຊົ້າເປັນເວລາທີ່ຍາວນານທີ່ສຸດ, ໃນທີ່ສຸດ6ໂມງເຊົ້ານ້ຳກໍຖ້ວມເກືອບຈຳເສົາ ແລະກໍເຫັນເຈົ້າຂອງຂີ່ເຮືອມາເລາະເບີ່ງແລະບອກວ່າໃຫ້ຕຽມເຄື່ອງໄວ້ ຈະໜ້ອຍຊິເອົາເຮືອມາຮັບ ແຕ່ຄວາມຈິງທຸກຄົນ ກຽມເຄື່ອງຕັ້ງແຕ່ຕອນ 4ໂມງພຸ້ນລະ ຫາຈຶ່ງມາບອກ...ແລະເຮືອກໍມາຮັບ ແຕ່ຕອນນັ້ນນ້ຳກໍໄຫຼແຮງ ເສື້ອຊູຊີບກໍບໍ່ມີ ບາງຄົນທີ່ເຮືອເຂົ້າຕິດບັງກະໂລບໍ່ໄດ້ ກໍຕ້ອງຍ່າງລຸຍນ້ຳມາຂຶ້ນເຮືອເອງ ນ້ຳພໍດີຈຸຄາງ ເປັນພາບທີ່ໜ້າເສົ້າທີ່ສຸດ
ເພາະຖ້າເກີດຫຍັງຂຶ້ນມາກໍອັນຕະລາຍທີ່ສຸດ ຜູ້ຊາຍກໍຍັງໄຄແນ່ ແຕ່ຜູ້ຍິງ ຍິ່ງເປັນຕາຢ້ານທີ່ສຸດ...ນີ້ແມ່ນເຫດການທີ່ຄົງຈະບໍ່ມີວັນລືມ ໃນການໄປທ່ຽວວັງວຽງໃນຄັ້ງນີ້, ແຕ່ກໍຍັງຢາກໄປວັງວຽງຢູ່, ສຸດທ້າຍຂໍຝາກເຖິງເຈົ້າຂອງບັລກະໂລແມ່ນຢາກໃຫ້ມີຄວາມຮັບຜິດຊອບຫຼາຍກວ່ານີ້ ໃຫ້ຄິດວ່າຖ້າເປັນລູກຫຼານຂອງຕົນຕົກໃນສະພາບແບບນີ້ຈະຮູ້ສຶກແນວໃດ? ສັງເກດໃນຂະນະທີ່ກຳລັງລຳລຽງຄົນນັ້ນ ຍັງເຫັນເຈົ້າຂອງມານັ່ງຢູ່ເຄົາເຕີ້ເສຍ ແທນທີ່ຈະລົງເຮືອໄປເບີ່ງຫຼືຢືນສັ່ງນັ້ນນີ້, ສ່ວນຜູ້ເປັນເມຍກໍເອົາລູກເສຍຢູ່ໜ້າເຄົາເຕີ ບໍ່ຍ່າງໄປສ່ອງເບີ່ງສະພາບເລີຍ ເພາະຕອນນີ້ຂ້ອຍໄດ້ມາຂຶ້ນຝັ່ງແລ້ວ ແລະຍ່າງມາຂໍໃຫ້ຜູ້ເປັນເມຍເຈົ້າຂອງ
ຊອກເສື້ອຊູູຊີບໃຫ້ພວກເຮືອເອົາໄປນຳ ເພາະນ້ຳມັນແຮງຫຼາຍ ແຕ່ໄດ້ຄຳຕອບວ່າ: ມັນບໍ່ເປັນຫຍັງຕິ ເຂົາກໍຂີ່ເຮືອກັນທຸກມື້ ບໍ່ເຫັນເປັນຫຍັງ ຂ້ອຍກໍຢາກໃຈຮ້າຍແດ່ ກາເລີຍວ່າ ຖ້າມີຄົນຕົກນ້ຳມາມັນຈະອັນຕະລາຍ ກັນໄວ້ດີກວ່າແກ້, ເພິ່ນຈຶ່ງໂທສັ່ງໃຫ້ຄົນເອົາເສື້ອຊູຊີບມາ ແຕ່ກໍບໍ່ທັນໄດ້ໃສ່ຊ້ຳ ເພາະເຂົາຂົນສົ່ງກັນແລ້ວກ່ອນ....ຂໍຈົບມັນຍາວອີ່ຫຼີ ຂໍລະບາຍແດ່...ແຕ່ກໍຂໍຂອບໃຈເດີ້ ທີ່ເພິ່ນກໍຊ່ວຍຈົນທຸກຄົນປອດໄພ...
นั้นละ
นำ้มันยู่แต่นำ้. เสือกไปปุกเรือนใส่ทางมันไหล
คนมันบ่อดีเอง
