ທີ່ມາ:
http://bailane.com/Forum/ViewForum.aspx?sid=101&hid=4847
ໃນໄລຍະສອງສາມປີຜ່ານມາ ການຕົ້ມຕຸນໃນ ເມືອງວຽງຈັນມີຫລາຍ ແຕ່ທີ່ເປັນຄະດີດັງທີ່ສຸດແມ່ນ ຄະດີນາງນ້ອຍຮ້ອຍລ່ຽມ (ດັງໂດຍທີ່ບໍ່ອອກຂ່າວ ທາງວິທະຍຸ ໂທລະທັດ) ຊຶ່ງຜູ້ກ່ຽວມີພອນສະຫວັນພິເສດສາມາດເລາະຕົວະຕົ້ມຕາມຫ້າງຮ້ານຕ່າງໆ ເປັນຕົ້ນແມ່ນຮ້ານແລກປ່ຽນເງິນຕາ ເທື່ອລະຫລາຍຫນື່ນໂດລາ, ທຸກໆຄັ້ງທີ່ມັນໄປເລາະຕົວະຕົ້ມຄົນ
ຜູ້ຖືກເສຍຫາຍຈະໄປແຈ້ງຄວາມນໍາຕໍາຫລວດ ແລະພວກຕໍາຫລວດຈະເຮັດເສີຍໆ ຄືບໍ່ມີຫຍັງເຫີດຂື້ນ (ເລຶ່ອງປົກກະຕິ) ຫລັງຈາກຜູ້ເສຍຫາຍຈ້າງນັບແຕ່ນາຍບ້ານ ຂື້ນມາຫາຕໍາຫລວດ ເຂົາຈະເຮັດຕິວີ້ງເຕັ້ນຊອກຫາຜູ້ກ່ຽວ ແຕ່ຖ້າຈ່າຍຫນ້ອຍຈະເຮັດຕິຫາບໍ່ເຫັນ (ທັງໆທີ່ຕໍາຫລວດມີຂໍ້ມູນຫມົດ ຮູ້ການເຄື່ອນໄຫວ ແລະເຮືອນຢູ່), ຖ້າຫາກສະເຫນີໃຫ້ປະມານ 20% ຫລື 30% ຂອງມູນຄ່າທີ່ມັນຕົ້ມໄປ ຕໍາຫລວດຈະເອົາລົດໄປໃສ່ເອົານາງນ້ອຍຮ້ອຍລ່ຽມ ເຂົົ້າໄປໄວ້ຄຸກໂລດ. ຫລັງຈາກຈັບໄດ້ບໍ່ດົນຄົນໂທດຈະຈ້າງຕໍາຫລວດເພື່ອຂໍອອກຄຸກແລ້ວຕໍາຫລວດກໍ່ເຮັດຕິວ່າຜູ້ກ່ຽວເຈັບປ່ວຍ ແລ້ວກໍ່ປ່ອຍອອກໄປ, ອອກໄປບໍ່ດົນກໍ່ເກີດມີຄະດີຄືເກົ່າອີກ ກັບໄປວຽນມາ ບໍ່ມີວັນຊີ້ນສຸດ....ສະຫລຸບແລ້ວຕໍາຫລວດຫາເງິນນໍານາງນ້ອຍຮ້ອຍລ່ຽມ ໂດຍທີ່ເອົາມັນເຂົ້າຄຸກກະໄດ້ເງິນ ເອົາມັນອອກຄຸກກະໄດ້ເງິນ ຜູ້ໂຕການຮັບຄ່າຈ້າງແມ່ນທ້າວແແຂ້ວເຈີງຫົວຫນ້າຄຸກໂພນຕ້ອງ ຊື່ ພັນໂທ ຄໍາຜາຍ ທີ່ຫາເງິນນໍາຄົນໂທດ ແລະຜູ້ອັບປະໂຫຍດ ຈົນໄດ້ເຮືອນຫລັງໃຫຍ່ ແລະລົດງາມ. ຖ້າຫາກສືບຕໍ່ເປັນແນວນີ້ ໃຜເດຊິເປັນທີ່ເພີ່ງປະຊາຊົນ? ໄປຫາຕໍາຫລວດກໍ່ກາຍເປັນຫນ່ວຍຮັບຈ້າງພິເສດ ເພື່ອຈັບໂຈນ ໄປແລ້ວ ຖືວ່າສັງຄົມເຊື່ອມສຸດໆ ຄັນຊິຟ້ອງຕໍາຫລວດກະບໍ່ຮູ້ຊິຟ້ອງນໍາໃຜ ດີບໍ່ດີເຂົາຊິຈັບຫົວອີກຊໍ້າ , ໂອປະເທດຊາດ ກໍ່ຂາດທີ່ເພີ່ງປານນີ້ບໍ? ຕໍາຫລວດກະມີກົມກວດກາຢູ່ບໍ?
ໂຕໃຜໂຕມັນ
ຄວາມເຫັນ
ເຫັນດ້ວຍ
ບໍ່ເຫັນດ້ວຍ
ແຈ້ງລຶບ
ສົ່ງຂໍ້ຄ