 |
| ປ່າສະຫງວນພູເຂົາຄວາຍ |
ປັດຈຸບັນ, ສປປ ລາວ ມີປ່າສະຫງວນແຫ່ງຊາດເພີ່ມຂຶ້ນອີກ 2 ແຫ່ງເປັນ 24 ແຫ່ງ ກວມເນ້ືອທີ່ເກືອບ 4 ລ້ານເຮັກ ຕາ. ນອກຈາກນັ້ນ ຍັງມີປ່າສະຫງວນຂອງແຂວງ 66 ແຫ່ງ ແລະ ປ່າສະຫງວນຂອງເມືອງ 143 ແຫ່ງ.
ຕາມຂໍ້ມູນໃນບົດລາຍງານຂອງລັດຖະບານ ກ່ຽວກັບການ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໄລຍະ 6 ເດືອນຕົ້ນສົກປີ 2012-2013 ໃຫ້ຮູ້ວ່າ: ລັດຖະບານ ໄດ້ຮັບຮອງເອົາປ່າສະຫງວນແຫ່ງຊາດຕື່ມອີກ 2 ແຫ່ງຄື ປ່າສະ ຫງວນພູຫີຜີ ແຂວງອຸດົມໄຊ ເນື້ອທີ່ 87 ພັນກວ່າເຮັກຕາ ແລະ ປ່າສະຫງວນລະວິງ-ລະເວີນ ແຂວງສະຫວັນນະເຂດ ເນື້ອທີ່ 86 ພັນເຮັກຕາ. ມາຮອດປັດຈຸບັນ, ສປປ ລາວ ມີປ່າສະຫງວນແຫ່ງຊາດເພີ່ມຂຶ້ນເປັນ 24 ແຫ່ງ ເຮັດໃຫ້ເນື້ອທີ່ປ່າສະຫງວນແຫ່ງຊາດມີຫລາຍກວ່າ 3,8 ລ້ານເຮັກຕາ. ນອກນັ້ນ ຍັງມີປ່າສະຫງວນຂອງແຂວງຫລາຍກວ່າ 600.000 ເຮັກຕາ ແລະ ປ່າສະຫງວນຂອງເມືອງ 400.000 ກວ່າເຮັກຕາ, ລວມແລ້ວທົ່ວປະເທດ ມີເນື້ອທີ່ປ່າສະຫງວນຫລາຍກວ່າ 4,7 ລ້ານເຮັກຕາ. ພ້ອມນີ້, ລັດຖະບານຍັງໄດ້ຮັບຮອງເອົາການສ້າງຕັ້ງປ່າປ້ອງກັນແຫ່ງຊາດ 47 ແຫ່ງ ມີເນື້ອທີ່ປະມານ 7,2 ລ້ານເຮັກຕາ; ສຳເລັດການປັກຫລັກໝາຍເຂດແດນປ່າປ້ອງກັນ ແລະ ປ່າສະ ຫງວນ ໃນຈຸດຫລໍ່ແຫລມ ຂອບເຂດທົ່ວປະເທດ
ໄດ້ 679 ຫລັກ, ປັກຫລັກໝາຍຂອບເຂດຟື້ນຟູປ່າໄດ້ 1.000 ກວ່າຫລັກ, ປັກປ້າຍບອກເຂດແດນປ່າປ້ອງກັນ ແລະ ປ່າສະຫງວນໄດ້ 492 ປ້າຍ, ສຳເລັດການສ້າງແຜນຟື້ນຟູປ່າໄດ້ໃນເນື້ອທີ່ 300.000 ກວ່າເຮັກຕາ ບັນລຸ 27% ຂອງແຜນການປີ. ຂະນະທີ່ການແບ່ງຄວາມຮັບຜິດຊອບ ກ່ຽວກັບການຄຸ້ມຄອງຊັບພະຍາກອນປ່າໄມ້ ລະ ຫວ່າງ ກະຊວງຊັບພະຍາ ກອນທຳມະຊາດ ແລະ ສິ່ງແວດລ້ອມ ກັບກະຊວງກະສິກຳ ແລະ ປ່າໄມ້ ແມ່ນສຳເລັດໂດຍພື້ນຖານ, ໃນນັ້ນ ການຄຸ້ມຄອງປ່າສະຫງວນ ແລະ ປ່າປ້ອງກັນ ແມ່ນຂຶ້ນກັບກະຊວງຊັບພະ ຍາກອນທຳມະຊາດ ແລະ ສິ່ງແວດລ້ອມ, ສ່ວນປ່າປ້ອງກັນ ແມ່ນຍັງຂຶ້ນກັບກະຊວງກະສິກຳ ແລະ ປ່າໄມ້.
