ໃຜໄດ້ເບິ່ງລາຍການຮ້ອຍມືສ້າງເມືອງທີ່ຖ່າຍທອດທາງຊ່ອງ 9 ຂອງໄທ. ຂ້ອຍຄິດວ່າເປັນໂຄງການທີ່ດີຫຼາຍແລະເປັນແນວຄິດທີ່ກ້າວໜ້າຫຼາຍ. ຮັດຖະບານວາງງົບປະມານໄວ້ໂດຍໃຫ້ຊູຸມຊົນສະເໜີແນວຄິດແລະພັດທະນາໂຄງການມາສະເໜີເອົາງົບ. ແຕ່ທີ່ເດັ່ນກວ່ານັ້ນແມ່ນໄດ້ເຮັດເປັນລາຍການແລ້ວໃຫ້ແຕ່ລະໂຄງການມານໍາສະເໜີຄວາມຄິດຂອງຕົນ. ປະເດັນກະຄືເຮັດໃຫ້ຜູ້ຊົມທົ່ວໄປໄດ້ຄວາມຮູ້ໄປນໍາແລະທີ່ໜ້າສົນໃຈໄປກວ່ານັ້ນແມ່ນໄດ້ມີຄະນະກໍາມະການທີ່ມາຈາກຫຼາຍສາຂາວິຊາຊີບພ້ອມທັ່ງນັກຮຽນເປັນຜູ້ຕັດສິນໃຫ້ຄະແນນເຊິ່ງເປັນຂະບວນການທີ່ມີຄວາມໂປ່ງໃສທີ່ສຸດ. ຂ້ອຍເຫັນວ່າລັດຖະບານລາວຄວນມີໂຄງການແບບນີ້ຄືສິດີ ປະຊາຊົນຈະໄດ່ມີສ່ວນຮ່ວມໃນການພັດທະນາປະເທດ. ປະຈຸບັນເຫັນເວົ້າກັນຫຼາຍເລື່ອງໂຄງການ ສາມສ້າງ ແຕ່ບໍຮູ້ວ່າຈະໄດ້ຮັບປະສິດທິຜົນຄືແນວໃດທັ້ງໆທີ່ທຸ້ມງົບປະມານຢ່າງມະຫາສານກັບໂຄງການນີ້. ລັດຖະບານຄວນໄວ້ວາງໃຈປະຊາຊົນໃຫ້ຫຼາຍຂຶ້ນເພື່ອເຂົ້າມາມີສ່ວນຮ່ວມໃນການສ້າງສາປະເທດບໍ່ແມ່ນວ່າອັນໃດກໍ່ຕ້ອງແມ່ນລັດເປັນຜູ້ຈັດການ ທັ້ງໆທີ່ຮູ້ຢູ່ວ່າມັນຈະບໍ່ໄດ້ຜົນຫຍັງແລະຈະລົ້ມເຫຼວຕັ້ງແຕ່ບໍ່ໄດ້ປະຕິບັດໂຄງການ. ສິ່ງທີ່ເຫັນວ່າດີຢ່າງໜຶ່ງໃນປະຈຸບັນກໍ່ຄືວ່າລັດຖະບານໄດ້ເປີດໃຫ້ພາກເອກະຊົນເຂົ້າມາມີສ່ວນຮ່ວມໂດຍສະເພາະອອກດໍາລັດສະມາຄົມທີ່ບໍ່ຫວັງຜົນກໍາໄລ ແລະມູນນິທິ ແຕ່ສະຖານະການປະຈຸບັນກະຊ່ວງພາຍໃນທີ່ເປັນຜູ້ຮັບຜິດຊອບໃນເຮື່ອງນີ້ຍັງເປັນໄດໂນເສົາຢູ່ ເພາະຍັງບໍ່ປະຕິບັດຕາມດໍາລັດຢ່າງເຕັມທີ່ຊໍາບໍ່ໜໍາຍັງສ້າງເງື່ອນໄຂຖ່ວງດຶງອີກ. ຖ້າທ່ານໃດເປັນຜູ້ມີອໍານາດໃນເລື່ອງນີ້ລອງສອບຖາມກັບກົ່ມທີ່ກ່ຽວຂ້ອງນີ້ລອງເບິ່ງເດີທ່ານ.
