ເຫັນກະທູ້ໜື່ງທີ່ທ່ານຜູ້ໃຊ້ນາມວ່າ: ຄົນໃຕ້. ເວົ້າເລື່ອງລົດເມເກີດອຸປະຕິເຫດ ຂ້າພະເຈົ້າກໍ່ຂໍເພີ່ມເຕີມແດ່ທ້ອນ
ໄລຍະປີ 2013 ມານີ້ປາກົດເຫັນເພີ່ນອອກຂ່າວເລື່ອງປັບປຸງລົດເມໃນ ນວ ຢູ່ເລື້ອຍໆ ແລະ ກໍ່ລົນນະລົງໃຫ້ຄົນນຳໃຊ້
ການບໍລິການລົດເມ. ແຕ່ກໍ່ບໍ່ເຫັນເພີ່ນປັບປຸງເລື່ອງລະບຽບການເດີນລົດເລີຍ ຍັງເປັນຄືເກົ່າ ຄືໃຊ້ທິດສະດີການໃຫ້
ບໍລິການຂອງສາມລໍ້ ຢາກຈອດໃສກໍ່ຈອດ ຕາມໃຈຄົນໂດຍສານ, ຖ້າມີຄົນເອີ້ນກໍ່ແມ່ນຈອດແບບກະທັນຫັນ, ຈອດອັດ
ຮອດຈຸທາງ 3 ແຍກ 4 ແຍກ ບໍ່ສົນໃຈ, ບ່ອນຈອດລົດເມເຮັດໄວ້ເສຍລ້າ ບໍ່ເຂົ້າຈອດ ຈັກເທື່ອ ລົດທົ່ວໄປເຂົາກໍ່ຈອດລະບໍ
ແລ້ວພັດຍົກຂື້ນມາເປັນຂໍ້ອ້າງແບບເດັກນ້ອຍເວົ້າ. ຍ້ອນຈອດບໍ່ເປັນລະບຽບ ຊະຊາຍຕາມໃຈ ແລະ ຈອດແບບກະທັນ
ຫັນຄືແນວນັ້ນຈື່ງພາໃຫ້ເກີດອຸປະຕິເຫດ ມື້ວານຜູ້ຂ້າກໍ່ເກືອບດວນກົ້ນເພີ່ນແລ້ວ ຍ້ອນຄົນໂດຍສານຮ້ອງໃຫ້ເພີ່ນຈອດ
ທັ້ງທີ່ເພີ່ນຫາກໍ່ອອກຈາກຈຸດທີ່ຈອດຜ່ານມານັ້ນ ໄກກັນບໍ່ເຖີງ 200ມ. ແລ້ວເຮັດແນວໃດຄົນຈື່ງຊິຢາກໄປໃຊ້ບໍລິການ
ມັນເສຍເວລາ ຜູ້ຟ້າວວຽກຟ້າວງານ ຮັກສາຄຸນຄ່າເວລາແລ້ວແມ່ນໄປນຳບໍ່ໄດ້. ແລ້ວອີກຈັກປີບໍລິສັດລົດເມຈື່ງຈະປັບ
ປຸງບັນຫານີ້ໃຫ້ເຂົ້າລະບົບ ລະບຽບຄືບ້ານເພີ່ນ ເມືອງທ່ານ ທີ່ຈະເລີນ.
ຄວນປັບປຸງທັງອົງກອນລົດເມນັ້ນ ຍີ່ປູ່ນເຄີຍໃຫ້ການຊ່ວຍເຫລືອຄັ້ງໃຫຍ່ທ້າຍຊຸມປີ 80 ແຕ່ແລ້ວທຸລະກິດນີ້ກຸດສ້ວຍລົງຈົນລົດເມ
ເຫລືອແຕ່ເສດເຫລັກບໍ່ສາມາດຕໍ່ເຕີມຫຍັງໄດ້ບໍ່ເຫັນຊື້ລົດມາເສີມອີກຈົນຍີ່ປູ່ນໄດ້ບໍລິຈາກອີກໃນຄັ້ງນີ້ ໃນຊຸດລົດສີຂຽວ ເມື່ອສົມ
ທຽບກັບເອກຊົນແລ້ວເຫັນວ່າຜູ້ມີລົດເມຄັນດຽວໃນເມື່ອກ່ອນແຕ່ມາຮອດປະຈຸບັນມີເຖິງ ສອງ ສາມຄັນອັນນີ້ແມ່ນຫົວໜ່ວຍນ້ອຍໆ
ຂອງຄອບຄົວ ທືນເຂົາເຈົ້າເອງເຮັດເອງ ເມື່ອເວົ້າເຖິງບໍລິສັດລົດເມແລ້ວ ມີຜູ້ລົງທຶນໃຫ້ຍັງບໍ່ໄປບໍ່ມາ, ເປັນຍ້ອນເຫດໃດຈິ່ງເປັນແບບນີ້?
ບໍລິສັດລັດວິສະຫະກິດລົດເມກໍບໍ່ຕ່າງຫຍັງກັບສະຫະກອນຮວມໝູ່ນັ້ນແລ້ວ ຫ້າວຫັນແຕ່ຫົວທີບໍ່ຕ່າງຫຍັງກັບໝາກຄ່າງ
ບາດດົນໄປກໍໂຫງ້ຍປັບ. ຖ້າເປັນຂອງເອກກະຊົນຫຼືຂອງນາຍທຶນແນ່ນອນຕ້ອງຮັບໃຊ້ຜູ້ໂດຍສານຢ່າງສຸດອົກສຸດໃຈເພາະ
ຢ້ານມີຄູ່ແຂ່ງຫຼືມີຄູ່ແຂ່ງແລ້ວກໍຢ້ານເສຍທ່າໃຫ້ຄູ່ແຂ່ງ ແລະຜູ້ຂັບລົດເມກໍຈະຢູ່ພາຍໃຕ້ກົດລະບຽບທຸກປະການ. ອີກດ້ານ
ໜຶ່ງຄວນວາງລະບຽບອອກໃຫ້ຜູ້ໂດຍສານຂຶ້ນແລະລົງບ່ອນທີ່ມີປ້າຍຈອດລົດເມເທົ່ານັ້ນ ແລະຫ້າມບໍ່ໃຫ້ຜູ້ຂັບລົດເທຈອດ
ເອົາຜູ້ໂດຍສານຕາມຖະໜົນຫຼືບ່ອນບໍ່ມີປ້າຍຈອດລົດເມ. ໃຫ້ ຕລ ຈາລະຈອນເຜີ້ມຄວາມເຂັ້ມງວດໃນການກວດເບິ່ງລົດ
ທີ່ຈອດຕັນປ້າຍຈອດລົດເມ ຖ້າໃຜຝືນກໍເອົາໃບສັ່ງປັບໃຫ້ໂລດ ເຖິງເຈົ້າຂອງລົດຈະໃຫຍ່ຂັບຟ້າກໍຕາມ.
Anonymous wrote:ບໍລິສັດລັດວິສະຫະກິດລົດເມກໍບໍ່ຕ່າງຫຍັງກັບສະຫະກອນຮວມໝູ່ນັ້ນແລ້ວ ຫ້າວຫັນແຕ່ຫົວທີບໍ່ຕ່າງຫຍັງກັບໝາກຄ່າງບາດດົນໄປກໍໂຫງ້ຍປັບ. ຖ້າເປັນຂອງເອກກະຊົນຫຼືຂອງນາຍທຶນແນ່ນອນຕ້ອງຮັບໃຊ້ຜູ້ໂດຍສານຢ່າງສຸດອົກສຸດໃຈເພາະຢ້ານມີຄູ່ແຂ່ງຫຼືມີຄູ່ແຂ່ງແລ້ວກໍຢ້ານເສຍທ່າໃຫ້ຄູ່ແຂ່ງ ແລະຜູ້ຂັບລົດເມກໍຈະຢູ່ພາຍໃຕ້ກົດລະບຽບທຸກປະການ. ອີກດ້ານໜຶ່ງຄວນວາງລະບຽບອອກໃຫ້ຜູ້ໂດຍສານຂຶ້ນແລະລົງບ່ອນທີ່ມີປ້າຍຈອດລົດເມເທົ່ານັ້ນ ແລະຫ້າມບໍ່ໃຫ້ຜູ້ຂັບລົດເທຈອດເອົາຜູ້ໂດຍສານຕາມຖະໜົນຫຼືບ່ອນບໍ່ມີປ້າຍຈອດລົດເມ. ໃຫ້ ຕລ ຈາລະຈອນເຜີ້ມຄວາມເຂັ້ມງວດໃນການກວດເບິ່ງລົດທີ່ຈອດຕັນປ້າຍຈອດລົດເມ ຖ້າໃຜຝືນກໍເອົາໃບສັ່ງປັບໃຫ້ໂລດ ເຖິງເຈົ້າຂອງລົດຈະໃຫຍ່ຂັບຟ້າກໍຕາມ.
ບັນຫາສຳຄັນກໍ່ແມ່ນຜູ້ບໍລິຫານຫັ້ນລະ, ຖ້າຜູ້ບໍລິຫານດີ ມີວິໄສທັດກວ້າງໄກ ຮູ້ຈັກປັບປຸງໃຫ້ສອດຄ່ອງກັບສະພາບ
ຜົນມັນກໍ່ອອກມາດີ, ອັນນີ້ແລ້ວເທົ່າໃດປີກໍ່ຍັງບໍລິຫານກັນແບບດັ້ງເດີມ ບໍ່ມີປັບປຸງແບບແຜນໃຫ້ມີອັນໃໝ່. ອັນຕາມ
ມາກໍ່ຄືລະບົບລວມ, ທີ່ຈີງແລ້ວການຂົນສົ່ງມວນຊົນນີ້ມັນກໍ່ຈະມີກຳໄລໜ້ອຍ ແລະ ລັດກໍ່ບໍ່ຫວັງຜົນກຳໄລນຳທຸລະກິດອັນ
ນີ້ ກົງກັນຂ້າມ ເບື້ອງລັດກໍ່ຕ້ອງໄດ້ຖົມຂຸມໃຫ້ຊ້ຳ ເພື່ອອຳນວຍຄວາມສະດວກໃຫ້ແກ່ສັງຄົມ.
ສຳລັບບ່ອນຈອດລົດເມນັ້ນ ກໍ່ຖືກຕາມຄຳເຫັນຂອງທ່ານ ຕຳລວດຈະລາຈອນຕ້ອງເລາະເບີ່ງ, ແຕ່ຖ້າຄືທຸກມື້ນີ້ ຊິໄປເວົ້າໄປວ່າ
ໃຫ້ຜູ້ຈອດກໍ່ບໍ່ສົມຄວນ ເພາະລົດເມບໍ່ໃຊ້ບ່ອນຈອດຕາມທີ່ຈັດໄວ້, ຖ້າຫາກນຳໃຊ້ຕາມກົດຕາມເກນແລ້ວຄິດວ່າຜູ້ໃຊ້ລົດທົ່ວໄປ
ກໍ່ຄົງຈະຄ່ອຍປັບປ່ຽນໄປເອງຕາມສະພາບ
