 |
| ຂອບໃຈພາບຈາກ facebook |
ຊາຍໜຸ່ມນອນເສຍຊີວິດຈົມກອງເລືອດພ້ອມລົດຈັກທີ່ຜູ້ກ່ຽວຂັບຂີ່ມາ ພາຍຫຼັງເກີດມີຄົນຮ້າຍຂັບຂີ່ລົດເກງຕັດ ໜ້າ ກ່ອນຈະໃຊ້ອາວຸດປືນຍິງໃສ່ຜູ້ກ່ຽວເຮັດໃຫ້ເສຍຊີວິດຄາທີ່ຢູ່ເສັ້ນທາງຜ່ານຕະຫຼາດທົ່ງຂັນຄຳ ເມືອງຈັນທະບູລີ ນະຄອນ ຫຼວງວຽງຈັນ
ເຈົ້າໜ້າທີ່ຫ້ອງຕຳຫຼວດ ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 2 ມິຖຸນາ ນີ້ ເວລາປະ ມານ 16 ໂມງ ມີສະພາບເກີດເຫດພວກບໍ່ດີຍິງກັນຕາຍ ຢູ່ລະຫວ່າງເສັ້ນທາງຜ່ານຕະຫຼາດທົ່ງຂັນຄຳ ເມືອງ ຈັນ ທະບູລີ ນະຄອນຫຼວງ ວຽງຈັນ, ທາງເຈົ້າໜ້າທີ່ຕຳ ຫຼວດກອງ ສືບສວນ-ສອບສວນ ແລະ ໜ່ວຍງານນິຕິວິທະຍາ ນະ ຄອນຫຼວງວຽງຈັນ ກໍໄດ້ລົງກວດ ກາສະຖານທີ່ເກີດເຫດ ແລະ ພົບຮ່າງທີ່ໄຮ້ວິນຍານຂອງຊາຍ ໜຸ່ມ ຜູ້ໜຶ່ງນອນເສຍຊີວິດຈົມກອງ ເລື່ອດກັບລົດຈັກທີ່ຜູ້ກ່ຽວຂັບຂີ່ມາ, ພ້ອມທັງປືນສັ້ນ ແລະ ຢາເສບຕິດຈຳນວນໜຶ່ງ. ຜ່ານຈາກການພິສູດ ແລະ ສືບສວນ-ສອບສວນ ຂອງເຈົ້າໜ້າທີ່ພົບວ່າຜູ້ຖືກຍິງ ເສຍຊີວິດ ຊື່ທ້າວ ກຸ່ຍ ອາຍຸປະມານ 24 ປີ ຢູ່ບ້ານ ສີເມືອງ ເມືອງ ສີສັດຕະນາກ ນະຄອນ ຫຼວງວຽງ ຈັນ .
ຈາກການສັນນິຖານຂອງເຈົ້າໜ້າທີ່ຢູ່ສະຖານທີ່ເກີດເຫດບອກ ວ່າ: ສາເຫດການຍິງກັນຕາຍ ຄັ້ງ ນີ້ອາດເກີດຈາກການຂັດແຍ່ງທາງດ້ານຢາເສບຕິດຫຼາຍກ່ວາບັນຫາອື່ນ ເນື່ອງຈາກວ່າທີ່ຜ່ານມາຜູ້ຕາຍ ເຄີຍມີປະຫວັດການເຄື່ອນໄຫວຄ້າຂາຍຢາເສບຕິດມາກ່ອນແລ້ວເຊິ່ງມັນ ສະແດງອອກໃນຂະນະທີ່ເຈົ້າໜ້າທີ່ທຳການສັນນະສູດສົບກໍໄດ້ພົບປືນສັ້ນພ້ອມຢາເສບຕິດຈຳນວນ ໜຶ່ງຢູ່ໃນການ ຄອບຄອງຂອງຜູ້ຕາຍ.
ລາວພັດທະນາ
