ເມື່ອເວລາປະມານ 4:30 ໂມງ (ບໍ່ບອກເຊົ້າຫຼືແລງ) ຂອງວັນທີ 26 ມີນາ 2013 ຜ່ານມາ, ເກີດເຫດຂົວຫັກເຄິ່ງ ຍ້ອນລົດຂົນສົ່ງສິນຄ້າເກີນນໍ້າໜັກແລ່ນຜ່ານ ຂົວຫ້ວຍຜາບັງ ຢູ່ບ້ານວັດທາດ ເມືອງຈໍາປາສັກ ແຂວງຈໍາປາສັກ ແຕ່ໂຊກດີບໍ່ມີຄົນເສຍຊີວິດ ພຽງໄດ້ຮັບບາດເຈັບເລັກນ້ອຍ. ຕາມການເປີດເຜີຍຂອງ ທ່ານ ໜູຈັນ ຈັນທະພົງ ເຈົ້າເມືອງຈໍາປາສັກຕໍ່ນັກຂ່າວໜັງສືພິມປະເທດລາວ ໃນວັນທີ 27 ມີນາ 2013 ນີ້ວ່າ: ໄດ້ມີລົດ 10 ລໍ້ຂົນສົ່ງສິນຄ້າມຸ້ງໜ້າມາຈາກ ເມືອງມຸນ ຜ່ານເມືອງຈໍາປາສັກ ເພື່ອເຂົ້າໄປຫາຕົວເມືອງປາກເຊແຕ່ບັງເອີນເມື່ອລົດແລ່ນມາຮອດກາງຂົວດັ່ງກ່າວໄດ້ເກີດເຫດສິ່ງບໍ່ຄາດຝັນຂຶ້ນ ຄື: ຂົວແຫ່ງນີ້ໄດ້ຫັກແບບກະທັນຫັນ ເຮັດໃຫ້ລົດຂົນສົ່ງສິນຄ້າພິກຂວ້າມມ້ວນລົງພື້ນຫ້ວຍ, ພາຍຫລັງເກີດເຫດ ອໍານາດການປົກຄອງເມືອງ ພ້ອມເຈົ້າໜ້າທີ່ຕໍາຫລວດໄດ້ລົງໄປກວດກາເບິ່ງແລ້ວພົບວ່າ: ລົດຄັນນີ້ຂົນສົ່ງສິນຄ້າມີນໍ້າໜັກເຖິງ 18 ໂຕນ ຍັງບໍ່ໄດ້ສະເລ່ຍນໍ້າໜັກລົດເພີ່ມໃສ່ ຂະນະທີ່ຂົວແຫ່ງດັ່ງກ່າວມີຄວາມສາມາດຮັບນໍ້າໜັກໄດ້ພຽງ 15 ໂຕນ.ແນວໃດກໍດີ ທ່ານເຈົ້າເມືອງໄດ້ກ່າວຕື່ມອີກວ່າ: ທາງອໍານາດການປົກຄອງເມືອງພ້ອມຈະສະເໜີ ແລະ ປັບໃໝດ້ວຍວິທີຊົດເຊີຍ ຫລື ສ້າງຂົວໃຫ້ຊາວເມືອງຈໍາປາສັກຄືນໃໝ່ ເນື່ອງຈາກຄວາມເປັນຈິງທີ່ວ່າຂົວຂອງພວກເຮົາມີຄວາມອາດສາມາດຮັບນໍ້າໜັກໄດ້ພຽງແຕ່ 15 ໂຕນ ແຕ່ຜູ້ກ່ຽວຊໍ້າພັດເມີນເສີຍ ຫລື ລະເມີດລະບຽບຫລັກການທີ່ກໍານົດໄວ້ ເຊິ່ງໄດ້ກໍ່ໃຫ້ເກີດຄວາມເສຍຫາຍດ້ານຊັບສິນຂອງລັດ.ຂົວແຫ່ງນີ້ມີຄວາມຍາວ 50 ແມັດອາຍຸຫລາຍກວ່າ 20 ປີແລ້ວ ຖ້າຕີເປັນມູນຄ່າຄວາມເສຍຫາຍຂອງຂົວຈະຢູ່ປະມານ 1 ຕື້ກວ່າກີບ. ໄລຍະຜ່ານມາ ທາງອໍານາດການປົກຄອງເມືອງຈໍາປາສັກກໍໄດ້ສະເໜີທາງແຂວງແລ້ວເພື່ອຂໍອະນຸມັດງົບປະມານຢ່າງໜ້ອຍ 4 ຕື້ກວ່າກີບໃນການດໍາເນີນການກໍ່ສ້າງຂົວໃໝ່ ເພື່ອຮອງຮັບການຂະຫຍາຍຕົວເສດຖະກິດ-ສັງຄົມພາຍໃນແຂວງໃຫ້ມີຄວາມອາດສາມາດຕອບສະໜອງສິ່ງອໍານວຍຄວາມດວກສະບາຍຫລາຍຂຶ້ນກວ່າເກົ່າ ເປັນຕົ້ນ: ການຂົນສົ່ງສິນຄ້າ, ການບໍລິການ, ທ່ອງທ່ຽວ ແລະ ໄປມາຫາສູ່ການຫລາຍຂຶ້ນ. ລາຍລະອຽດມາແລ້ວ ຈາກ “ໜັງສືພິມ ປະເທດລາວ” ສະບັບມື້ນີ້ (28 ມີນາ). ຮູບຈາກຜູ້ໃຊ້ເຟສບຸກ Mangkone Lirdsoophane
ທີ່ມາຂໍ້ມູນ: http://laozaa.com/forum.php?mod=viewthread&tid=8572
ເມືອງຈຳປາສັກບໍ່ມີເດີ ມີແຕ່ເມືອງປາກເຊ ແຂວງຈຳປາສັກ
ຈຳປາສັກ ເປັນຊື່ແຂວງ ເທດສະບານແຂວງຈຳປາສັກ ແມ່ນເມືອງປາກເຊ
ເປັນຫັຍງ ຊິບໍ່ມີ ເຈົ້າກະດາຍ?
ເມືອງຈຳປາສັກ ກະເມືອງຈຳປາສັກ ຢູ່ຝັ່ງຂວາຂອງນ້ຳຂອງ ໃກ້ວັດພູ
ເມືອງປາກເຊ ກະເມືອງປາກເຊ (ແຕ່ກີ້ ເປັນພາກ ຫຼືເມືອງເອກຂອງແຂວງ ເຊໂດນ)
ດຽວນີ້ ທັງສອງເມືອງ ເປັນພາກຂອງແຂວງ ຈຳປາສັກ
Anonymous wrote:ເປັນຫັຍງ ຊິບໍ່ມີ ເຈົ້າກະດາຍ?ເມືອງຈຳປາສັກ ກະເມືອງຈຳປາສັກ ຢູ່ຝັ່ງຂວາຂອງນ້ຳຂອງ ໃກ້ວັດພູເມືອງປາກເຊ ກະເມືອງປາກເຊ (ແຕ່ກີ້ ເປັນພາກ ຫຼືເມືອງເອກຂອງແຂວງ ເຊໂດນ)ດຽວນີ້ ທັງສອງເມືອງ ເປັນພາກຂອງແຂວງ ຈຳປາສັກ
ເຈົ້າໆ ມີກະມີຊັ້ນນະ ຂໍໂທດເດີ ຜູ້ຂ້າສະຫຼາດໜ້ອຍ
ຂໍຖາມແນ່ ອັ່ນແຂວງເຊໂດນເຈົ້ານັ້ນ ຢູ່ໃນລະບອບໃດນໍ ຄືບໍ່ເຄີຍໄດ້ຍິນຈັກເທື່ອ?
Anonymous wrote:Anonymous wrote:ເປັນຫັຍງ ຊິບໍ່ມີ ເຈົ້າກະດາຍ?ເມືອງຈຳປາສັກ ກະເມືອງຈຳປາສັກ ຢູ່ຝັ່ງຂວາຂອງນ້ຳຂອງ ໃກ້ວັດພູເມືອງປາກເຊ ກະເມືອງປາກເຊ (ແຕ່ກີ້ ເປັນພາກ ຫຼືເມືອງເອກຂອງແຂວງ ເຊໂດນ)ດຽວນີ້ ທັງສອງເມືອງ ເປັນພາກຂອງແຂວງ ຈຳປາສັກ ເຈົ້າໆ ມີກະມີຊັ້ນນະ ຂໍໂທດເດີ ຜູ້ຂ້າສະຫຼາດໜ້ອຍຂໍຖາມແນ່ ອັ່ນແຂວງເຊໂດນເຈົ້ານັ້ນ ຢູ່ໃນລະບອບໃດນໍ ຄືບໍ່ເຄີຍໄດ້ຍິນຈັກເທື່ອ?
ກ່ອນປີ 1975 ແຂວງຈໍາປາສັກແບ່ງອອກເປັນ 3 ແຂວງ ຄື: ແຂວງເຊໂດນ, ແຂວງຈໍາປາສັກ ແລະແຂວງສີທັນດອນ.
ຫຼັງປີ 1975 ເພິ່ນໄດ້ລວມ 3 ແຂວງເຂົ້າມາເປັນແຂວງດຽວ.
ຕາມສັງເກດເບິ່ງນີ້ ຄືສິແມ່ນຂົວຂ້າມຫ້ວຍສະຫົວ ເມືອງຈໍາປາສັກ.
ເພກະຢ່າມັນທ້ອນ ເພາະມັນແມ່ນເສດເຫຼືອ ຂອງຈັກກະພັດ ປະໄວ້
Anonymous wrote:Anonymous wrote:Anonymous wrote:ເປັນຫັຍງ ຊິບໍ່ມີ ເຈົ້າກະດາຍ?ເມືອງຈຳປາສັກ ກະເມືອງຈຳປາສັກ ຢູ່ຝັ່ງຂວາຂອງນ້ຳຂອງ ໃກ້ວັດພູເມືອງປາກເຊ ກະເມືອງປາກເຊ (ແຕ່ກີ້ ເປັນພາກ ຫຼືເມືອງເອກຂອງແຂວງ ເຊໂດນ)ດຽວນີ້ ທັງສອງເມືອງ ເປັນພາກຂອງແຂວງ ຈຳປາສັກ ເຈົ້າໆ ມີກະມີຊັ້ນນະ ຂໍໂທດເດີ ຜູ້ຂ້າສະຫຼາດໜ້ອຍຂໍຖາມແນ່ ອັ່ນແຂວງເຊໂດນເຈົ້ານັ້ນ ຢູ່ໃນລະບອບໃດນໍ ຄືບໍ່ເຄີຍໄດ້ຍິນຈັກເທື່ອ? ກ່ອນປີ 1975 ແຂວງຈໍາປາສັກແບ່ງອອກເປັນ 3 ແຂວງ ຄື: ແຂວງເຊໂດນ, ແຂວງຈໍາປາສັກ ແລະແຂວງສີທັນດອນ.ຫຼັງປີ 1975 ເພິ່ນໄດ້ລວມ 3 ແຂວງເຂົ້າມາເປັນແຂວງດຽວ.
ໂອ໋..ຂ້ອຍໄດ້ຄວາມຮູ້ທາງປະຫວັດມາເພີ່ມຕື່ມອີກແລ້ວໄດ໋ນິ ຂອບໃຈທຸກໆທ່ານທີ່ຊ່ວຍປະກອບຄຳຄິດຄຳເຫັນໃນທາງສ້າງສັນ.
