ປັດຈຸບັນ ສັງເກດເຫັນວ່າຊາວໂລກຮູ້ຈັກປະເທດລາວຫຼາຍຂຶ້ນ ໂດຍສະເພາະແມ່ນພາຍຫຼັງທີ່ໂຄງການໄຟຟ້ານໍ້າຂອງ
ໄຊຍະບູລີ ເປີດການກໍ່ສ້າງຢ່າງເປັນທາງການ.
- ການໂຄສະນາຕໍ່ຕ້ານການກໍ່ສ້າງໂຄງການດັ່ງກ່າວຂອງ NGO ກາຍເປັນການໂຄສະນາໃຫ້ຊາວໂລກຮັບຮູ້ປະເທດລາວໄປໃນໂຕ
ຊຶ່ງມີຫຼາຍປະເທດ ແລະຫຼາຍອົງການຈັດຕັ້ງສາກົນທີ່ໃຫ້ການສະໜັບສະໜູນການກໍ່ສ້າງໂຄງການດັ່ງກ່າວ ເນື່ອງຈາກວ່າລັດຖະບານ
ລາວມີການຕັດສິນໃຈຢ່າງສູງ ເພື່ອພັດທະນາໂຄງການນີ້ໃຫ້ກາຍເປັນໂຄງການທີ່ໂປ່ງໃສ, ເປັນໂຄງການໄຟຟ້າແບບຝາຍນໍ້າລົ້ນ(Run off river)ຕົວແບບຂອງໂລກ.
- ລັດຖະບານໄດ້ທູ້ມເທທຶນຮອນອັນມະຫາສານໃນການວ່າຈ້າງບໍລິສັດທີ່ປຶກສາ ອັນດັບໝຶ່ງຂອງໂລກ ເພື່ອຕິດຕາມການອອກແບບ ແລະກໍ່ສ້າງໂຄງການດັ່ງກ່າວ
- ບັນຫາຄວາມກັງວົນຕ່າງໆ ຂອງປະເທດເພື່ອນບ້ານ ແມ່ນໄດ້ຮັບການທົບທວນ ແລະ ແກ້ໄຂຕາມຫຼັກວິຊາການຢ່າງຄົບຖ້ວນ ເພື່ອພັດທະນາໂຄງການດ້ວຍຄວາມ
ໂປ່ງໃສ ພ້ອມທັງຫຼຸດຜ່ອນຜົນກະທົບໃຫ້ຢູ່ໃນລະດັບຕໍ່າສຸດ.
- ຄາດວ່າການກໍ່ສ້າງໂຄງການຈະໃຫ້ສຳເລັດໃນປີ 2018. ໂຄງການດັ່ງກ່າວ ຈະສ້າງຜົນປະໂຫຍດອັນມະຫາສານໃຫ້ແກ່ປະເທດລາວ. ຄາດຄະເນລາຍຮັບທາງກົງທີ່ລັດຖະບານຈະໄດ້ຮັບຕະຫຼອດໄລຍະສຳປະທານ 30 ປີ ປະມານ 3.92 ຕື້ໂດລາ ສະຫາລັດ, ນອກຈາກນີ້ຍັງມີລາຍຮັບທາງອ້ອມອີກຢ່າງຫຼວງຫຼາຍ.
=> ທ່ານຜູ້ອ່ານມີຄວາມສົນໃຈດ້ານຂໍ້ມູນຕ່າງໆ ສາມາດເຂົ້າອ່ານໄດ້ທີ່ WWW.poweringprogress.org
ຂອບໃຈ NGO ທີ່ຊ່ວຍໂຄສະນາໃຫ້ຊາວໂລກຮັບຮູ້ ສປປ ລາວ ຫຼາຍຂຶ້ນ!
ບໍ່ມີປະເທດໃດ ອົງການໃດຕ້ານການສ້າງເຂື່ອນໄຊຍະບຸຣີ ເຂົາພຽງຮ້ອງຂໍໃຫ້ຣັຖບານສຶກສາຜົນກະທົບ
ທີ່ຈະເກີດຂຶ້ນໃນອະນາຄົດໃຫ້ຄັກແນ່ກ່ອນ, ຖ້າຣັຖບານລາວແນ່ໃຈວ່າເຂື່ອນນໍ້າລົ້ນຈະບໍ່ສົ່ງຜົນກະທົບ
ຕໍ່ສະພາບແວດລ້ອມກໍ່ດໍາເນີນການຕໍ່ໄປ ອ້າຍໃຫຍ່ວຽດນາມຈະວ່າແນວໃດກໍ່ຕິດຕາມເບິ່ງຕໍ່ໄປ.
ເຂົ້າໄປອ່ານແລ້ວ ຄືເຫັນແຕ່ຄໍາສະເໜີຂອງລັດຖະບານ ວັກໃດ໋ຕອນໃດທີ່ບົ່ງບອກວາສໂລກຮັບຮູ້?
ລັດຖະບານຫວຽດນາມ ບໍ່ຂັດຂ້ອງໃດໆຕໍ່ກັບການສ້າງເຂື່ອນດັ່ງກ່າວ,....
ໂຄສົກກະຊວງການຕ່າງປະເທດ, ສສ ຫວຽດນາມ ອອກຖະແຫຼງການ ກ່ຽວກັບທັດສະນະ
ຂອງລັດຖະບານແຫ່ງ ສສ ຫວຽດນາມ ຕໍ່ການເປີດພິທີກໍ່ສ້າງໂຄງການໄຟຟ້າໄຊຍະບູລີຢ່າງເປັນທາງການ
ຄັດຈາກ: http://www.thiennhien.net/2012/11/09/can-nghien-cuu-tong-the-tac-dong-cua-dap-xayaburi/
ການຂຸດຄົ້ນ ແລະນໍາໃຊ້ທ່າແຮງບົ່ມຊ້ອນທາງດ້ານຊັບພະຍາກອນທຳມະຊາດດ້ວຍຄວາມເປັນທຳ, ເໝາະສົມແມ່ນມີຄວາມສຳຄັນເປັນຢ່າງຍິ່ງ, ເປັນການປະ ກອບສ່ວນຢ່າງຕັ້ງໜ້າເຂົ້າໃນການພັດທະນາແບບຍືນຍົງທົ່ວເຂດອ່າງໂຕ່ງແມ່ນໍ້າຂອງ ກໍຄືສິດຜົນປະໂຫຍດ ລວມຂອງປະຊາຊົນບັນດາປະເທດທີ່ແມ່ນໍ້າຂອງໄຫຼຜ່ານ.
ຜ່ານການພົບປະເຈລະຈາກັບ ສປປ ລາວ ກໍຄື MRC ກ່ຽວກັບແຜນພັດທະນາໂຄງການໄຟຟ້ານໍ້າຂອງ ໄຊຍະ ບູລີ ໃນເຂດແມ່ນໍ້າຂອງຕອນລຸ່ມ, ລັດຖະບານ ສ.ສຫວຽດນາມ
ໄດ້ສະແດງທັດສະນະຂອງຕົນ ກ່ຽວກັບແຜນພັດທະນາບັນດາໂຄງການໄຟຟ້າ ຕາມລຳແມ່ນໍ້າຂອງ ຕ້ອງເອົາເຂົ້າໃນແຜນໂດຍລວມກ່ຽວກັບການບໍລິຫານຄຸ້ມຄອງ ແລະ
ການພັດທະນາແບບຍືນຍົງຂອງແມ່ນໍ້າຂອງ ຊຶ່ງລັດຖະບານຫວຽດນາມ ໄດ້ຮຽກຮ້ອງໃຫ້ບັນດາປະເທດພາຄີແມ່ນໍ້າຂອງຮ່ວມກັນດຳເນີນການສຶກສາຜົນກະທົບໂດຍລວມ
ຈາກການພັດທະນາໂຄງການໄຟຟ້າຕາມລຳນໍ້າຂອງ ຕໍ່ການພັດທະນາແບບຍືນຍົງ.
“ ພວກຂ້າພະເຈົ້າໄດ້ຂ່າວວ່າ ລັດຖະບານລາວ ໄດ້ຕົກລົງເປີດພິທີການກໍ່ສ້າງໂຄງການໄຟຟ້ານໍ້າຂອງໄຊຍະບູລີຢ່າງເປັນທາງການ ພາຍຫຼັງໄດ້ມີການດັດແກ້ການອອກແບບໂຄງການຄືນໃໝ່ ເພື່ອຫຼຸດຜ່ອນຜົນກະທົບທີ່ອາດຈະເກີດຂຶ້ນໃນເຂດຕອນລຸ່ມຂອງເຂື່ອນໃຫ້ໜ້ອຍທີ່ສຸດ . ພວກຂ້າພະເຈົ້າຫວັງວ່າ, ລັດຖະບານລາວຈະສືບຕໍ່ສຶກສາຜົນກະທົບດ້ານສິ່ງແວດລ້ອມ ກໍຄືເຮັດສຳເລັດສົມບູນການອອກແບບເຂື່ອນໄຟຟ້າໄຊຍະບູລີ; ພ້ອມກັນນັ້ນ ກໍສົມທົບກັບ ຫວຽດນາມ, ໄທ ແລະກໍາປູເຈຍ ເພື່ອຮ່ວມກັນສຶກສາຄົ້ນຄວ້າແບບສັງລວມ, ລະອຽດ ແລະຄົບຖ້ວນ ບັນດາຜົນກະທົບສະສົມຕ່າງໆ ທາງດ້ານເສດຖະກິດ, ສັງຄົມ-ສິ່ງແວດລ້ອມ ຂອງທັງໝົດທຸກໂຄງການທີ່ນອນໃນແຜນພັດທະນາຕາມລຳນໍ້າຂອງໃນອະນາຄົດ”.
