ເອທີເອັມຕູ້ດຽວໃຊ້ໄດ້ 8 ທະນາຄານຄາດພື້ນທີ່ 95% ທົ່ວປະເທດຈະມີໃຊ້
ທະນາຄານການຄ້າຕ່າງປະເທດລາວ ມະຫາຊົນ, ທະນາຄານລາວ-ຫວຽດ, ທະນາຄານລາວຝຣັ່ງ, ທະນາຄານພັດທະນາລາວ, ທະ ນາຄານສົ່ງເສີມກະສິກຳ, ທະນາຄານເອັດສ໌ທີ, ທະນາຄານຮ່ວມພັດທະນາ ແລະ ທະນາຄານອິນດູຈີນຈັບມືກັນເຊື່ອມໂຍງລະບົບຕູ້ ATM ເພື່ອຫລຸດຜ່ອນຕົ້ນທຶນ, ສ້າງຄວາມອາດສາມາດໃນການກະຈາຍ-ຂະຫຍາຍຕູ້ ATM ໃຫ້ຄວບຄຸມພື້ນທີ່ 95% ທົ່ວປະເທດ ແລະ ສ້າງສິ່ງອຳນວຍຄວາມສະດວກຮູບແບບໃຫມ່ໃຫ້ແກ່ການບໍລິການ ຜ່ານຕູ້ ATM ຢູ່ ສປປ ລາວ.
ຕໍ່ບັນຫາດັ່ງກ່າວ, ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ຈຶ່ງເກີດ ແນວຄວາມຄິດລິເລີ່ມທີ່ຈະ ເຊື່ອມໂຍງເອົາລະບົບຕູ້ ATM ຂອງແຕ່ລະທະນາຄານເຂົ້າກັນ ເພື່ອໃຫ້ລູກຄ້າຂອງແຕ່ລະທະນາ ຄານສາມາດນຳໃຊ້ຕູ້ ATM ຂອງກັນ ແລະ ກັນໄດ້,ອີກຢ່າງຫນຶ່ງກໍ່ເພື່ອເປັນການຫລຸດຕົ້ນທຶນໃນການໃຊ້ຈ່າຍຕ່າງໆ, ປະຢັດເນື້ອທີ່ ແລະ ຈະສາມາດກະ ຈາຍຕູ້ ATM ລົງສູ່ເຂດທ້ອງຖິ່ນເພື່ອເພີ່ມຄວາມສະດວກໃຫ້ແກ່ຜູ້ໃຊ້ບໍລິການໄດ້ຫລາຍຂຶ້ນ.
ທ່ານ ພັນຊະນະ ຄຸນນຸວົງ, ຮອງຜູ້ອຳນວຍການໃຫຍ່ທະນາ ຄານການຄ້າຕ່າງປະເທດລາວ ມະຫາຊົນໃຫ້ຮູ້ວ່າ: ອີງໃສ່ສະພາບການແຂ່ງຂັນໃນຂົງເຂດ ການທະນາຄານທີ່ນັບມື້ສູງຂຶ້ນ, ທຸກໆທະນາຄານຕ່າງກໍ່ຂະ ຫຍາຍເຄືອຂ່າຍບໍລິການ, ຈາກສະພາບການແຂ່ງຂັນດັ່ງກ່າວ ເຮັດໃຫ້ຈຳນວນຕູ້ ATM ເພີ່ມຂຶ້ນຢ່າງໄວວາ, ສະເພາະ 8 ທະນາຄານ ມີຕູ້ ATM ຫລາຍກວ່າ 400 ກວ່າຫນ່ວຍ, ຢ່າງໃດກໍ່ຕາມແຕ່ລະທະນາຄານກໍ່ບໍ່ອາດ ສາມາດຈະຂະຫຍາຍຕູ້ ATM ໄປຍັງທຸກພື້ນທີ່ໃນທົ່ວປະເທດໄດ້ ເນື່ອງຈາກຂໍ້ຈຳກັດທາງດ້ານທຶນ, ຄວາມປອດໄພ ແລະ ຈຳ ນວນລູກຄ້າຜູ້ໃຊ້ບັດ ATM ໃນ ພື້ນທີ່ດັ່ງກ່າວ.
ດັ່ງນັ້ນ 8 ທະນາຄານຈຶ່ງໄດ້ ຕົກລົງຮ່ວມມືກັນທີ່ຈະເຊື່ອມໂຍງ ລະບົບຕູ້ ATM ເຂົ້າກັນ ເພື່ອຈະສາມາດຂະຫຍາຍການບໍລິການຜ່ານຕູ້ ATM ໃຫ້ຄຸມພື້ນທີ່ ທົ່ວປະເທດໃຫ້ໄດ້ 95%, ການ ເຊື່ອມໂຍງໃນຄັ້ງນີ້ ທຄຕລ ຈະ ເປັນຜູ້ພັດທະນາເຄືອຂ່າຍຫລັກ ເພື່ອເປັນສູນກາງເຊື່ອມໂຍງ ເອົາລະບົບ ATM ຂອງແຕ່ລະທະນາຄານທີ່ເຂົ້າຮ່ວມໂຄງການໄວ້ນຳກັນໂດຍ ທຄຕລ ຈະໄດ້ເຊັນສັນຍາກັບຜູ້ສະຫນອງຕ່າງປະເທດເພື່ອດຳເນີນການພັດທະນາ ແລະ ຕິດຕັ້ງລະບົບ ເຊື່ອມໂຍງດັ່ງກ່າວ, ຄາດວ່າ ຈະສາມາດທົດລອງນຳໃຊ້ໃນຕົ້ນປີ 2013 ເປັນຕົ້ນໄປ, ເບື້ອງຕົ້ນຈະໃຫ້ບໍລິການຖອນເງິນສົດ ແລະ ກວດເຊັກຍອດເງິນໃນບັນຊີກ່ອນຈາກນັ້ນຈິ່ງຄ່ອຍໆພັດ ທະນາການບໍລິການອື່ນໆອີກໃນຂັ້ນຕໍ່ໄປ.
ນອກຈາກນັ້ນ, ທ່ານ ສອນໄຊ ສິດພະໄຊ, ຮອງຜູ້ວ່າການທະນາຄານແຫ່ງ ສປປ ລາວ ໃຫ້ຮູ້ຕື່ມວ່າ: ໂຄງການດັ່ງກ່າວຈະ ເປັນການລິເລີ່ມທີ່ສຳຄັນສຳລັບທະນາຄານພາຍໃນປະເທດ ເຊິ່ງເປັນວິວັດທະນາການໃຫມ່ ທີ່ບໍ່ເຄີຍມີມາກ່ອນ, ພ້ອມດຽວກັນກໍ່ເພື່ອຮອງຮັບການເຊື່ອມ ໂຍງປະຊາຄົມເສດຖະກິດອາ ຊຽນໃນປີ 2015 ຈະມາເຖິງນີ້, ພ້ອມດຽວກັນຍັງມີແຜນທີ່ຈະເຊື່ອມໂຍງລະບົບ ATM ກັບບັນດາທະນາຄານປະເທດ ອ້ອມຂ້າງອີກດ້ວຍ, ຫາກເປັນໄປໄດ້ຄາດວ່າຈະກຳນົດເອົາ ວັນທີ 14 ກຸມພາ 2013 ເປັນມື້ເປີດນຳໃຊ້ຕົວຈິງ.
Ecom
ເປັນຂ່າວດີຫຼາຍ, ຫວັງວ່າຈະມີທະນາຄານຢົງຊິນໃນຈໍານວນ 8 ທະນາຄານນັ້ນ.
