ຄາບຂ່າວມາບອກ wrote: ວັນທີ 20 ຕຸລາທີ່ຜ່ານມາ ທ້າວ ກົງໃຈ ໄດ້ເຂົ້າຮ້ອງຟ້ອງຕໍ່ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ດຳເນີນຄະດີກັບ ທ້າວ ຕຸ້ຍ (ລູກຈ້າງຂັບລົດ) ທີ່ຮ່ວມກັບນາງ ຈັນ ອາຍຸ 26 ປີ ບ້ານໜອງພະຍາ ຊີງເອົາເງິນຈຳນວນ 61 ລ້ານກີບຂອງຜູ້ກ່ຽວ ແລ້ວຫຼົບ ໜີ ພາຍຫຼັງໄດ້ຮັບແຈ້ງຄວາມ ເຈົ້າໜ້າທີ່ກອງສືບສວນ-ສອບສວນຄະດີອາຍາ ປກສ ເມືອງໄຊທານີ ໄດ້ໃຊ້ເວລາຕິດຕາມ 9 ວັນ ກໍສາ ມາດຈັບຕົວລູກຈ້າງດັ່ງກ່າວມາດຳ້ນີນຄະດີ ໃນຂໍ້ຫາຊີງຊັບພົນລະເມືອງ. ເຈົ້າໜ້າທີ່ໃຫ້ຮູ້ວ່າ: ທ້າວ ຕຸ້ຍ ອາຍຸ 33 ປີ ກຳມະກອນຢູ່ບ້ານສີໄຄ ເມືອງສີໂຄດຕະບອງ ເຊິ່ງເປັນຄົນຮັກແພງ ແລະ ເປັນຄົນຂັບລົດ ຂົນສົ່ງງົວ-ຄວາຍ ໃຫ້ທ້າວ ກົງໃຈ (ຜູ້ເສຍຫາຍ) ໃນມື້ເກີດເຫດ ທັງສອງຄົນພາກັນຂັບຂີ່ລົດຮຸນໄດ ໄປຕາມເສັ້ນທາງບ້ານໜອງພະຍາ ເພື່ອຈະໄປຊື້ງົວ ແຕ່ໃນຂະນະທີ່ພວມຂັບຂີ່ລົດຢູ່ນັ້ນ ທ້າວ ຕຸ້ຍ ໄດ້ໂທລະສັບຫານາງ ຈັນ ໃຫ້ອອກມາເອົາເງິນຢູ່ທາງເຂົ້າບ້ານດົງຊຽງ ດີ ພໍຮອດຈຸດນັດພົບ ກໍມີຍິງສາວຄົນໜຶ່ງຂີ່ລົດຈັກມາລໍຖ້າ ຈາກນັ້ນ ທ້າວ ຕຸ້ຍ ໄດ້ຂໍເງິນນຳທ້າວ ກົງໃຈ ເພື່ອໃຫ້ຍິງຄົນນັ້ນ ແຕ່ທ້າວ ກົງໃຈ ປະຕິເສດບໍ່ຍອມເອົາເງິນໃຫ້ ທ້າວ ຕຸ້ຍ ຈຶ່ງດຶງເອົາກະເປົາເງິນ ແລ້ວແລ່ນລົງລົດ ໄປຂີ່ລົດຈັກນຳຍິງຄົນນັ້ນ ເພື່ອຫຼົບໜີ ໃນຂະ ນະນັ້ນ ຜູ້ເສຍຫາຍໄດ້ຮ້ອງຂໍຄວາມຊ່ວຍເຫຼືອ ແລະ ມີພົນລະເມືອງດີຂີ່ລົດສວນທາງມາພົບເຫັນເຫດການພໍດີ ຈຶ່ງຂັບຂີ່ລົດຕາມພວກ ກ່ຽວທັງສອງໄປ ທ້າວ ຕຸ້ຍ ໄດ້ໂຕນລົດຈັກ ພ້ອມທັງເອົາເງິນຈຳນວນດັ່ງກ່າວແລ່ນຫຼົບໜີເຂົ້າໄປໃນປ່າ ສ່ວນນາງ ຈັນ ກໍສາມາດຫຼົບໜີ ໄດ້ທັນເຊັ່ນກັນ. ຫຼັງຈາກນັ້ນ ທ້າວ ຕຸ້ຍ ແລະ ນາງ ຈັນ ໄດ້ນັດພົບກັນຢູ່ຕະຫຼາດຫຼັກ 52 ເມືອງໂພນໂຮງ ແຂວງວຽງຈັນ ຫຼັງຈາກນັ້ນ ທັງສອງໄດ້ພາກັນ ໄປຊື້ສາຍຄໍຄຳ 2 ເສັ້ນ ໜັກ 4 ບາດພ້ອມກີ້ ແລະ ແຫວນ 1 ວົງ ສາຍແຂນ 1 ເສັ້ນ ຢ່າງລະ 2 ສະຫຼຶງ ຈາກນັ້ນພວກກ່ຽວທັງສອງກໍໄດ້ ເອົາຕົວຫຼົບໜີໄປຢູ່ແຂວງຫຼວງນ້ຳທາ ມາຮອດວັນທີ 29 ຕຸລາ 2012 ທັງສອງໄດ້ກັບມານະຄອນຫຼວງວຽງຈັນ ແລະ ຖືກເຈົ້າໜ້າທີ່ກອງ ສືບສວນ-ສອບສວນຄະດີອາຍາ ປກສ ເມືອງໄຊທານີ ຈັບຕົວມາດຳເນີນຄະດີໃນຂໍ້ຫາຊີງຊັບພົນລະເມືອງ.
ທີ່ມາຂໍ້ມູນ:http://www.vientianemai.net/teen/khao/7/8078
