Pasalao

Members Login
Username 
 
Password 
    Remember Me  
Samakomlao -> Pasalao -> Pasalao -> ສະພາ​ແຫ່ງ​ຊາດລາວ ຮັບຮອງ​ເອົາໂຄງການ ​ທາງ​ລົດ​ໄຟ​ຄວາມ​ໄວສູງ​
Post Info TOPIC: ສະພາ​ແຫ່ງ​ຊາດລາວ ຮັບຮອງ​ເອົາໂຄງການ ​ທາງ​ລົດ​ໄຟ​ຄວາມ​ໄວສູງ​
ຮັກຊາດລາວ

Date:
ສະພາ​ແຫ່ງ​ຊາດລາວ ຮັບຮອງ​ເອົາໂຄງການ ​ທາງ​ລົດ​ໄຟ​ຄວາມ​ໄວສູງ​
Permalink  

ທ່ານ ລີ ຊາງ ຈິນ ປະທານ​ກຸ່ມ​ບໍລິສັດ​ທາງ​ລົດ​ໄຟ​ແຫ່ງ​ປະ​ເທດ​ຈີນ ຈັບມື​ກັບທ່ານ​ທອງ​ສິງ ທໍາ​ມະ​ວົງ ນາ ຍົກ​ລັດຖະມົນຕີ​ລາວ ໃນ​ລະຫວ່າງ​ການ​ເຂົ້າມາ​ຢ້ຽມ​ຄໍານັບ​ ​ທ່ານນາຍົກ ເມື່ອ​ບໍ່​ດົນ​ມາ​ນີ້.
 
ນ

22.10.2012

ສະພາ​ແຫ່ງ​ຊາດລາວ​ມີ​ມະຕິ​ຮັບຮອງ​ໂຄງການ​ກໍ່ສ້າງ​ທາງ​ລົດ​ໄຟ​ຄວາມ​ໄວສູງ​ເຊື່ອມ​ຕໍ່​ຈາກ​ຈີນ​ມາລາ​ວ ​ໂດຍ​ການ​ກໍ່​ສາງ​ຈະ​ໃຊ້​ເວລາ 5 ປີ​ຈຶ່ງ​ຈະ​ສໍາ​ເລັດ​ແລະ ຕ້ອງ​ໃຊ້​ເງິນ​ລົງທຶນ​ເຖິງ 7,000 ລ້ານ​ໂດ​ລາ.
      
ສະມາຊິກ​ສະພາ​ແຫ່ງ​ຊາດ​ລາວ​ ໄດ້​ມີ​ມະຕິ​ຮັບຮອງ​ໂຄງການ​ກໍ່ສ້າງ​ທາງ​ລົດ​ໄຟຄວາມ​ໄວ​ສູງ​ເຊື່ອມ​ຕໍ່​ກັບ​ຈີນ​ຢ່າງ​ເປັນ​ທາງ​ການ​ໃນ​ກອງ​ປະຊຸມ​ສະ​ໄໝ​ວິສາມັນ​ຂອງ ສະພາ​ແຫ່ງ​ຊາດ​ລາວ​ຊຸດ​ທີ7 ​ໃນ​ວັນ​ທີ 18 ຕຸລາ​ທີ່​ຜ່ານ​ມາ​ນີ້ ພາຍ​ໃຕ້​ການ​ເປັນ ປະທານ​ຂອງ​ທ່ານ​ນາງ ປາ​ນີ ຍາ​ທໍ​ຕູ ​ໂດຍ​ມີ​ທ່ານ​ສົມ​ສະຫວາດ​ ​ເລັ່ງສະຫວັດ ຮອງ​ນາຍົກລັດຖະມົນຕີຜູ້​ຊີ້ ນໍາວຽກ​ງານ​ດ້ານ​ເສດຖະກິດ​ຂອງ​ລັດຖະບານ​ລາວ ​ເຂົ້າຮ່ວມ​ເພື່ອ​ໃຫ້​ຂໍ້​ມູນ​ໃນ​ລາຍ​ລະອຽດ​ກ່ຽວ​ກັບ​ໂຄງການ​ຕໍ່​ກອງ​ປະ​ຊຸມ​ໃນ​ຄັ້ງ​ນີ້ ດ້ວຍ.

ທ່ານນາງປານີ ຢາທໍຕູ້ ປະທານສະພາແຫ່ງຊາດລາວ
​​
ການ​ລົງມະຕິ​ດັ່ງກ່າວ​ຂອງ​ສະມາຊິກ​ສະພາ​ແຫ່ງ​ຊາດ​ລາວ​ໃນ​ຄັ້ງ​ ນີ້ກໍ​ເປັນ​ການ​ຮັບຮອງ​ໂຄງການ​ດ້ວຍ​ສຽງ​ສ່ວນ​ໃຫຍ່ ກໍ​ຄື 100 ສຽງ ​ແຕ່​ໃນ​ຂະນະ​ດຽວ​ກັນກໍ​ມີ​ຢູ່ 9 ສຽງ​ ທີ່​ສະ​ແດງ​ການ​ຄັດຄ້ານ​ ໂຄງການ​ແລະ​ອີກ 2 ສຽງ​ທີ່​ງົດ​ການ​ອອກສຽງ ດ້ວຍ​ເຫດ​ນີ້​ຈຶ່ງ​ເປັນ ​ຜົນ​ເຮັດ​ໃຫ້​ລັດຖະບານ​ລາວ​ ສາມາດ​ຈະ​ເລີ່​ມດໍາ​​ເນີນ​ໂຄງການ ​ຮ່ວມ​ກັບ​ທາງ​ການ​ຈີນ​ໄດ້​ນັບ​ແຕ່​ນີ້​ເປັນ​ຕົ້ນ​ໄປ.
 
ທັງ​ນີ້​ໂດຍ​ທາງ​ການ​ຈີນ​ຄາດ​ວ່າການ​ກໍ່​ສາງ​ທາງ​ລົດ​ໄຟ​ຄວາມ​ໄວ​ສູງຈາກ​ ຊາຍແດນ​ຈີນ ກັບ​ລາວ​ທີ່​ດ່ານ​ບໍ່​ຫານ-ບໍ່​ເຕັນ​ໃນ​ແຂວງ​ຫຼວງ​ນໍ້າ​ທາ ມາ​ຍັງ​ນະຄອນ​ວຽງ​ຈັນນັ້ນ ຈະ​ຕ້ອງ​ໃຊ້​ເງິນ​ທຶນ​ເຖິງ 7,000 ລ້ານ​ໂດ​ລາ ​ໂດຍ​ຖ້າ​ຫາກ​ອິງ​ຕາມ​ການ​ຖະ​ແຫຼ​ງຂອງ​ທ່ານ​ສົມ​ສະຫວາດ ທີ່​ໄດ້​ໃຫ້ການ​ຢືນຢັນ​ວ່າ​ ທາງ​ການ​ລາວ​ ແລະ​ຈີ​ນຈະ​ຮ່ວມທຶນ​ກັນ​ໃນ​ສັດສ່ວນ 30% ຕໍ່ 70% ຂອງ​ມູນ​ຄ່າ​ການ​ລົງທຶນ​ທັງ​ໝົດ​ນັ້ນ ກໍ​ໝາຍຄວາມ​ວ່າ ​ທາງ​ການ​ລາວ​ຈະ​ຕ້ອງ​ຮ່ວມ​ລົງທຶນ​ໃນ​ມູນ​ຄ່າ​ເຖິງ 2,100 ລ້ານ​ ໂດ​ລາ ນັ້ນ​ເອັງ.
 
ຫາກ​ແຕ່​ວ່າການ​ຈັດ​ຫາ​ເງິນ​ທຶນ​ໃນ​ມູນ​ຄ່າ​ດັ່ງກ່າວ​ນີ້​ກໍ​ບໍ່​ແມ່ນ​ ເລຶ່ອງງ່າຍ​ສໍາລັບ​ລັດຖະບານ​ລາວ ດ້ວຍ​ເຫດ​ນີ້ ຈຶ່ງ​ເຮັດ​ໃຫ້​ລັດຖະບານ​ລາວ​ສາມາດ​ຮ່ວມ​ລົງທຶນກັບ​ຈີນ​ໄດ້​ໃນ​ຮູບ​ຂອງ​ຊັບ​ ສິນ ​ແລະ​ການ​ອໍານວຍ​ຄວາມ​ສາມາດ​ໃນ​ດ້ານ​ຕ່າງໆ​ໃ ຫ້ກັບ​ໂຄງການ ດັ່ງ​ທີ່​ທ່ານ​ສົມ​ສະຫວາດ ​ໄດ້​ໃຫ້ການ​ຊີ້​​ແຈງວ່າ:
 
“ບໍລິສັດ​ຮ່ວມ​ທຶນ​ໄດ້​ເວົ້າ​ກັນ​ ວ່າ​ຝ່າຍ​ຈີນ​ແມ່ນ​ຈະ​ປະກອບ​ເປັນ​ເງິນສົດ​ແລະ​ອຸບ ປະກອນ ຖື​ຮຸ້ນ​ນີ້​ກໍ​ແມ່ນ 70% ສ່ວນ​ຝ່າຍ​ລາວ​ຈະ​ຖື​ຮຸ້ນ 30% ​ໃນ​ນີ້​ກໍ​ລວມຄ່າ​ເວນ ຄືນ​ທີ່​ດິນ ຍົກຍ້າຍ​ຈັດ​ສັນ​ປະຊາຊົນ​ຫຼື​ວ່າ ຄ່າ​ເກັບ​ກູ້​ລະ​ເບີດ​ບໍ່​ທັນ​ແຕກ.”
 
​​ທາງ​ລົດ​​ໄຟ​ສະ​ເພາະ​ທີ່ຢູ່​​ໃສ​ເຂດລາວ​ຈະ​ມີ​ລະຍະ​ທາງ​ຍາວ​ເກືອບ 420 ກິ​ໂລ​ແມັດ ຊຶ່ງ​ຕາມ​ການ​ກໍ່ສ້າງ​ທີ່​ເຊື່ອມ​ຕໍ່​ຈາກ​ຈີນ​ຢູ່​ທີ່​ດ່ານ​ຊາຍ​ແດນ​ບໍ່​ ເຕັນ​ໃນ​ແຂວງ​ຫຼວງ​ນໍ້າ​ທານັ້ນ ຈະ​ມີ​ການ​ກໍ່ສ້າງ​ສະຖານີ​ໃຫຍ່ 5 ​ແຫ່ງ ກໍ​ຄື​ຢູ່​ທີ່​ດ່ານ​ບໍ່​ເຕັນ ອຸດົມ​ໄຊ ຫຼວງ​ພະ​ບາ​ງ ວັງ​ວຽງ ​ແລະ​ນະຄອນ​ວຽງ​ຈັນ ນອກ​ນັ້ນ ກໍ​ຈະ​ເປັນ​ສະຖານີ​ຍ່ອຍອີກ 26 ​ແຫ່ງ ສ່ວນ​ການ​ກໍ່​ສ້າງ​ຢູ່​ໃນ​ເຂດ​ປະ​ເທດ​ຈີນ​ນັ້ນ ທາງ​ການ​ຈີນ​ກໍ​ໄດ້ເລີ່​ມລົງມື​​ກໍ່ສ້າງນັບ​ແຕ່​ເດືອນ​ຕຸລາ  2010 ​ເປັນ​ຕົ້ນ​ມາ​ແລ້ວ. ​ໂດຍ​ເປັນ​ການ​ເລີ່​ມການ​ກໍ່ສ້າງ​ຈາກ​ເຂດ​ສິບ​ສອງ​ພັນ​ນາ ມົນທົນ​ຢູນນານ ​ເພື່ອ ​ຈະ​ຕໍ່​ມາ​ຍັງ ຊາຍ​ແດນ​ລາວ​ທີ່​ດ່ານ​ບໍ່​ເຕັນ​ໃຫ້​ໄດ້​ໃນ​ປີໜ້າ.
 
ທາງດ້ານ​ທ່ານ ລີ ຊາງ ຈິນ ປະທານ​ກຸ່ມ​ບໍລິສັດ​ທາງ​ລົດ​ໄຟ​ແຫ່ງ​ປະ​ເທດ​ຈີນ​ກໍ​ໄດ້ ​ໃຫ້ການ​ຢືນຢັນ​ໃນ​ລະຫວ່າງ​ການ​ເຂົ້າມາ​ຢ້ຽມ​ຄໍານັບ​ທ່ານ​ທອງ​ສິງ ທໍາ​ມະ​ວົງ ນາຍົກ​ລັດຖະມົນຕີ​ລາວ​ ​ເມື່ອ​ບໍ່​ດົນ​ມາ​ນີ້ ກໍ​ວ່າການ​ກໍ່ສ້າງ​ທາງ​ລົດ​ໄຟ​ຄວາມ​ໄວ​ສູງ​ໃນລາວ​ ເພື່ອ​ເຊື່ອມ​ຕໍ່​ກັບ​ຈີນ​ຈະ​ເລີ່​ມລົງມື​ດໍາ​ເນີນ​ການ​ໃນ​ໝໍ່ໆ​ນີ້ ​ໂດຍ​ລັດຖະບານ​ຈີນ​ໄດ້​ມອບ​ໝາຍ​ໃຫ້​ກຸ່ມ​ບໍລິສັດ​ທາງ​ລົດ​ໄຟ​ຈີນ​ເປັນ​ຜູ້​ ຮັບຜິດຊອບ​ຂອງ​ຝ່າຍ​ຈີນ.
 
​ແຕ່​ຢ່າງ​ໃດ​ກໍ​ຕາມ ທ່ານ​ລີ ຊາງ ຈິນ ກໍ​ຍອມ​ຮັບ​ວ່າການ​ກໍ່ສ້າງ​ທາງ​ລົດ​ໄຟ​ຄວາມໄວ​ສູງ​ໃນ​ເຂດລາວ​ມີ​ຄວາມ​ ຫຍຸ້ງຍາກ​ຫຼາຍ​ທີ່​ສຸດ​ເຂດ​ນຶ່ງ ​ເນື່ອງ​ຈາກ​ວ່າ​ພື້ນ​ທີ່ ທີ່​ຈະກໍ່ສ້າງ​ທາງ​ລົດ​ໄຟ​ນັ້ນ​ເປັນ​ທັງ​ເຂດ​ພູດ​ອຍ ​ແລະ​ແມ່​ນໍ້າ​ລໍາ​ເຊ ຊຶ່ງ​ເຮັດ​ໃຫ້​ຕ້ອງ​ມີ ການ​ເຈາະ​ອຸ​ໂມງ​ກໍ​ຄິດ​ເປັນ​ລະຍະ​ທາງ​ລວມ​ເຖິງ 190 ກິ​ໂລ​ແມັດ ​​ແລະ​ຍັງ​ຈະ ຕ້ອງສ້າງ​ຂົວ​ຫຼາຍ​ແຫ່ງ​ທີ່​ມີ​ລະຍະ​ທາງ​ຍາວ​ລວມ​ເຖິງ 90 ​ກິ​ໂລ​ແມັດ​ດ້ວຍ​ນັ້ນ ຈຶ່ງ​ບໍ່​ພຽງ​ແຕ່​ຈະ​ເຮັດ​ໃຫ້​ໃຊ້​​ເວລາ​ໃນ​ການ​ດໍາ​ເນີນ​ງານ​ຫຼາຍ​ຂຶ້ນ​ ເທົ່າ​ນັ້ນ ຫາກ​ແຕ່​ຍັງ​ຈະ​ຕ້ອງ​ໃຊ້​ເງິນ​ທຶນ​ຫຼາຍ​ຂຶ້ນອີກດ້ວຍ.
ແຫລ່ງທີ່ມາຂໍ້ມູນ: http://lao.voanews.com/content/laos-national-assembly-approved-speed-train-project-to-link-with-china/1530903.html


__________________
Anonymous

Date:
RE: ສະພາ​ແຫ່ງ​ຊາດລາວ ຮັບຮອງ​ເອົາໂຄງການ ​ທາງ​ລົດ​ໄຟ​ຄວາມ​ໄວສູງ​
Permalink  

ເຈົ້າໄປໃສມາ? ຫາກະຕື່ນນອນບໍ່ ?



__________________
Anonymous

Date:
Permalink  

ຂອບໃຈທີ່ນໍາຂ່າວດີນີ້ມາບອກ ແລະຫວັງວ່າ ສປປລ ຈະໄດ້ຜົນປະໂຫຍດສູງສຸດຈາກໂຄງການນີ້.



__________________
Anonymous

Date:
Permalink  

ເປັນຂ່າວທີ່ຈະແຈ້ງຊັດເຈນ ເຮັດທຸລະກິດຕ້ອງກ້າໄດ້ກ້າເສຍ ເຮັດຢຸດໆຢ່ອນອາດເປັນການເສຍໂອກາດ. ບໍ່ວ່າໄທ ແລະປະເທດອື່ນເປັນຫຍັງເຂົາຈິ່ງຕ້ອງການລົດ​ໄຟ​ຄວາມ​ໄວສູງ​ ທັງໆທີ່ເຂົາມີລົດໄຟຢູ່ແລ້ວ ນ່າຄິດນະ

ຂພຈ ຂໍສະໜັບສະໜູນ ລຖບ ລາວຢ່າງສຸດອົກສຸດໃຈ



__________________
Anonymous

Date:
Permalink  

 

 frustrated.gif



__________________
Anonymous

Date:
Permalink  

Anonymous wrote:

 

 frustrated.gif

 ຕີຫົວຕົນເອງໃຫ້ເຈັບໂດຍໄຮ້ປະໂຫຍດຫຍັງເດ໋ພໍ່ລຸ? ພັກລັດຕັດສິນໃຈຖືກຕ້ອງແລ້ວ

ທີ່ລົງທຶນສ້າງທາງລົດໄຟຄວາມໄວສູງນີ້ໂດຍບໍ່ໃຫ້ຈີນມີສ່ວນກິນນໍາ, ປະເທດລາວຈະ

ກາຍເປັນເສືອຕິດປີໃນອະນາຄົດໄກ້ໆນີ້ ຖ້າເບິ່ງໂລດ.



__________________
Anonymous

Date:
Permalink  

ລາວຄາໄປເລາະຫລີ້ນບຸນຊ່ວງເຮືອແຕ່ລະບ່ອນຢູ່ຫາກໍ່ກັບມາ ຈື່ງຕົກຂ່າວ



__________________
Anonymous

Date:
Permalink  

ຂ້ານ້ອຍບໍ່ມີຄໍາເຫັນຫຍັງ ແຕ່ຢາກຂໍຝາກລິ້ງຂ່າວຕ່າງປະເທດໃຫ້ທ່ານອ່ານແລະພິຈາລະນາ

ນໍາກັນວ່າ ຈີນຈະເອົາບໍ່ທອງແດງ ບໍ່ຄໍາແລະບໍ່bauxite ຢູ່ໃສ.

http://www.railwaygazette.com/news/single-view/view/chinese-loan-agreements-revive-trans-laos-project.html



__________________
Page 1 of 1  sorted by
Quick Reply

Please log in to post quick replies.
Samakomlao -> Pasalao -> Pasalao -> ສະພາ​ແຫ່ງ​ຊາດລາວ ຮັບຮອງ​ເອົາໂຄງການ ​ທາງ​ລົດ​ໄຟ​ຄວາມ​ໄວສູງ​


Create your own FREE Forum
Report Abuse 		Powered by ActiveBoard