ມີຄົນໂພສຮູບພາບໂຮງຮຽນບ້ານຈະບານທີ່ສ້າງບໍ່ແລວລົງເຟສບຸກ ແລະຕໍ່ມາກໍລົງແວບໄຊຕ່າງໆຂອງຊາວລາວທີ່ຢູ່ຕ່າງປະເທດ
ແລະຄັ້ງຫລ້າສຸດແມ່ນແວບໄຊຂອງສັມະຄົມລາວຊຶ່ງເປັນແວບໄຊຂອງສປປລາວ. ຮູບພາບຂອງໂຮງຮຽນບ້ານດັ່ງກ່າວນີ້ໄດ້ເຮັດ
ໃຫ້ຊາວລາວຢູ່ຕ່າງປະເທດໄດ້ສົ່ງສັນຍານເຖິງຊຶ່ງກັນແລະກັນເພື່ອຂໍຄວາມຊ່ວຍເຫລືອເພື່ອແຜ່ຈາກຊາວລາວໃນປະເທດແລະຢູ່
ຕ່າງປະເທດທຸກໆປະເທດມາສົມທົບທຶນຮ່ວມກັນເພື່ອຈະສ້າງໂຮງຮຽນບ້ານຈະລານນີ້ສຳເຣັດລົງຢ່າງໄດ້ມາຕະຖານ. ຂ່າວນີ້ໄດ້ແຜ່
ໄປທົ່ວທຸກມູມໂລກ ແລະສື່ຂອງ Indochina-Manager Online ກໍໄດ້ນຳເອົາຂ່າວນີ້ອອກມາສູ່ສາຍຕາຂອງມວນຊົນຜ່ານມາບໍ່
ເທົ່າໃດວັນນີ້. ເຮົາມາພາກັນຕິດຕາມເບິ່ງວ່າຈະມີເຫຕການດັ່ງກ່າວນີ້ວ່າຈະເປັນຕົນເປັນໂຕຂຶ້ນມາຈິງໆຫລືບໍ່, ມາຄອຍເບິ່ງຕໍ່ໄປ.
facebook ມີປະໂຫຍດຫຼາຍ ແຕ່ເສັຽດາຍບາງກະຊວງ ບາງຫ້ອງການ ໄອທີ block ໄວ້ບໍ່ໃຫ້ເຂົ້າໄກ້
ມີແຕ່ຜູ່ຮູ້ໃຊ້ kproxy ທີ່ສາມາດຕິດຕາມຂ່າວຄາວເຫດການທີ່ເກີດຂຶ້ນໃນທົ່ວທຸກມຸມໂລກໄດ້.
ຂໍຍ້ອງຍໍຊົມເຊີຍທຸກໆຄົນທີ່ມີນໍ້າໃຈແລະບໍຣິຈາກເວລາແລະຊັບສິນສ້າງຄວາມຫວັງຂອງເດັກນ້ອຍ
ໄຮ້ໂອກາດໃຫ້ເປັນຄວາມຈິງຂຶ້ນມາໄດ້.
ຢາກຮູ້ເດວ່າ ມັນຮອດຫູທ່ານຜູ້ໃຫ່ຍ ຫຼືບໍ່?
ຖ້າຮອດແລ້ວ ກະຢາກໃຫ້ເພີ່ນສົນໃຈ ກັບບ່ອນອື່ນຄືກັນ
ເອົາເງິນຈາກຂາຍໄຟຟ້າເຂື່ອນນ້ຳງື່ມ໒ ເດືອນດຽວ ແປງໄດ້ ສ້າງໄດ້
ຫຼາຍຫຼັງ...
Anonymous wrote:ຢາກຮູ້ເດວ່າ ມັນຮອດຫູທ່ານຜູ້ໃຫ່ຍ ຫຼືບໍ່?ຖ້າຮອດແລ້ວ ກະຢາກໃຫ້ເພີ່ນສົນໃຈ ກັບບ່ອນອື່ນຄືກັນເອົາເງິນຈາກຂາຍໄຟຟ້າເຂື່ອນນ້ຳງື່ມ໒ ເດືອນດຽວ ແປງໄດ້ ສ້າງໄດ້ຫຼາຍຫຼັງ...
ທ່ານບົວລານ ສິລິປັນຍາ ໄດ້ຍິນລູກຫຼານເພິ່ນລົມກັນແລ້ວ ແຕ່ເພິ່ນຊິກ້າເວົ້າໃຫ້ຂັ້ນເທິງຟັງຫຼືບໍ່ກະບໍ່ຮູ້ຄືກັນເດີ.
ມີຫລາຍໆຄົນໃນຣັຖໝູ່ຂ້ອຍຢູ່ນັ້ນຕ່າງກເຫັນດີທີ່ຈະສົມທົບທຶນເພື່ອຈະສ້າງໂຮງຮຽນຫລັງນີ້ໃຫ້ສຳເຣັດ
ລົງໂດຍໄວ. ແຕ່ໃຜໆກໍລໍຖ້າຢາກຮູ້ຂໍ້ມູນກ່ຽວກັບການບໍຣິຈາກກ້ອນທຶນນັ້ນຈະມີແຜນການດຳເນີນງານ
ໄປວິທີໃດ? ແມ່ນໃຜທີ່ຈະເປັນໂຕຕັ້ງໂຕຕີເກັບກຳກ້ອນທຶນເຫລົ່ານັ້ນ? ຈະມີເຈົ້າໜ້າທີ່ຫລືພະນັກງານຂອງ
ຣັຖະບານ ສປປລ ເຂົ້າມາພົວພັນນຳບໍ່? ຣັຖະບານລາວຈະໃຫ້ຄວາມຮ່ວມມືກັບພວກເຮົາຫລືບໍ່? ຣັຖະບານ
ລາວຈະອະນຸຍາດໃຫ້ນັກວິຊາວະກອນຫລືສະຖາປານິກລາວນອກລົງມືສ້າງເອງໄດ້ບໍ່? ສິ່ງເຫລົ່ານີ້ແມ່ນພວກ
ເຮົາຄວນຈະຮູ້ກ່ອນອື່ນໝົດເພື່ອຄວາມແນ່ນອນ.
