Pasalao

ນ້ອຍຢີ້ wrote:

---

ຂໍຊົມເຊີຍແລະຂໍສະແດງຄວາມຍິນດີນໍານັກກິລາທັງສອງທ່ານແລະຫວັງວ່າໃນການແຂ່ງຂັນຄັ້ງຕໍ່ໄປທ້າວກິລະກອນ ສີພອນໄຊ ຄົງຈະບໍ່ຕື່ນສະໜາມ.

---

 My advice 2 the Olympian is take care of yourself & stay away from BeerLao b4 2016 is coming your way from Rio De janerio

ແລ່ນໄວຂຶ້ນຕັ້ງ 15 ລິບດາ

ມັນເປັນຜົນງານອັນສຸດຍອດອີ່ຫຼີ ຂອງວົງການກິລາແລ່ນບ້ານເຮົາ

Anonymous wrote:

---

ນັກ​ແລ່ນ​ລາວ ມີ​ຜົນງານດີ​ຂຶ້ນ ​ໃນ​ໂອ​ລິ​ມປິກ​ເກ​ມ 2012

ນັກ​ກິລາ​ແລ່ນ​ຂອງ​ລາວ ມີ​ຜົນງານ​ດີ​ຂຶ້ນ​ໃນ​ການ​ແຂ່ງຂັນ​ກິລາ ​ໂອ​ລິ​ມປິກ​ເກ​ມ 2012 ທີ່ ນະຄອນຫຼວງລອນ​ດອນ ປະ​ເທດອັງກິດ ​ເປັນຕົ້ນ​ແມ່ນ​ສ້າງ​ສະຖິຕິ​ໃໝ່ ແລະ ​ເປັນອັນ​ດັບ​ທີ່​ດີກ​ວ່າ 10 ປະ​ເທດ ຈາກ​ການ​ເຂົ້າ​ຮ່ວມ 100 ກວ່າ​ປະ​ເທດ

ສະຫະພັນ ແລ່ນ-ລານ ແຫ່ງ​ຊາດ ​ໄດ້​ສົ່ງ​ນັກ​ກິລາ ​ແລ່ນ ໄປ​ຮ່ວມ ​ໂອ​ລິ​ມປິກ​ເກ​ມ 2012 ທີ່ລອນ​ດອນ ຈຳ​ນວນ 2 ຄົນ: ນາງ ​​ແລນ​ລີ້ ພຸດ​ທະ​ວົງ ​ແລະ ທ້າວ ກິ​ລະ​ກອນ ສີ​ພອນ​ໄຊ ​​ລົງ​ແຂ່ງ ປະ​ເພດ ແລ່ນ 100 ແມັດ ຊາຍ-ຍິງ. ໃນ​ໂອກາດ​ນີ້ ທ່ານ ສິດທິ​ໄຊ ສັກ​ປະ​ເສີດ, ​ເລຂາທິການ ທັງ​ເປັນ​ຄູ​ຝຶກ ສະຫະພັນ ແລ່​ນ-ລານ ​ແຫ່ງ​ຊາດ ທີ່​​ເດີນທາງ​ໄປ​ຮ່ວມ ​ໂອ​ລິ​ມປິກ​ເກ​ມ 2012 ​ໃຫ້​ສຳ​ພາດ​ວ່າ: ​ເປັນ​ທີ່​ຮູ້​ກັນ​ແລ້ວ​ວ່າ ງານ​ກິລາ ​ໂອ​ລິ​ມປິກ ​ແມ່ນ​ງານໃຫຍ່ ​ມີ​ນັກ​ແລ່ນ​ທີ່​ເກັ່ງ​ຈາກຫຼາຍ​ປະ​ເທດ​ເຂົ້າ​ຮ່ວມ, ສຳລັບ​ລາວ ໄດ້​ສົ່ງ​ນັກ​ແລ່ນ​ເຂົ້າ​ຮ່ວມ 2 ຄົນ ເຖິງ​ແມ່ນ​ວ່າ​ ​ໂອກາດ​​ໃນ​ການ​ຍາດ​ໄດ້​ຫຼຽນແມ່ນ​ຍາກຫລາຍ. ແຕ່​ສິ່ງ​ທີ່​ໜ້າ​ພາກພູມ​ໃຈ ​ແລະ ປະສົບ​ຜົນສຳ​ເລັດ​ແມ່ນ ນາງ ​ແລນ​ລີ້ ພຸດ​ທະ​ວົງ, ສາມາດ​ທຳລາຍ​ສະຖິຕິ​ ຂອງ​ຕົນ​ເອງ ຈາກ​ທີ່​ເຄີຍ​ສ້າງ​ໄວ້ 13 ວິນາ 30 ລິບດາ ​ເຊິ່ງ​ໃນ​ໂອ​ລິ​ມປິກ​ເກ​ມ ສ້າງ​ໄດ້ 13 ວິ​ນາທີ 15 ລິບດາ, ພິ​ເສດ ຄະ​ແນນ​ລວມຂອງ ນາງ ​ແລນ​ລີ້ ຍັງ​ດີລື່ນ​ນັກ​ກິລາ​ 10 ກວ່າ​ປະ​ເທດ ຈາກ​ການ​ເຂົ້າ​ຮ່ວມ​ທັງໝົດ 100 ກວ່າ​ປະ​ເທດ, ນັບ​ໄດ້​ວ່າ​ເປັນ​ບາດກ້າວ​ສຳຄັນ​ຂອງ​ວົງ​ການ​ແລ່ນ​ຂອງ​ລາວ ​ເພາະວ່າ ນັກ​ກິລາ​ທີ່​ເຂົ້າ​ຮ່ວມ​ສ່ວນ​ໃຫຍ່​ມີ​ຄວາມ​ໄວ​ສູງ ​ແລະ ນັກ​ແລ່ນ​ລະດັບ​ອາຊີບ​ກັນ​ແລ້ວ, ສ່ວນ ທ້າວ ກິ​ລະ​ກອນ ສີ​ພອນ​ໄຊ ​ເຮັດ​ບໍ່​ໄດ້​ດີ​ເທົ່າ​ທີ່​ຄວນ ເນື່ອງ​ຈາກ​ຕື່ນ​ສະຫນາມ​ແຂ່ງ ຈຶ່ງ​ບໍ່​ອາດ​ທຳລາຍ​ສະຖິຕິ​ຂອງ​ຕົນ​ເອງ​ໄດ້

ພາຍຫລັງ​ທີ່​ກັບ​ມາ​ຈາກ ລອນດອນ ນັກ​ກິລາ​ທັງ 2 ຄົນນີ້ ຈະ​ສົມທົບ​ກັບ​ຫມູ່​ເພື່ອນ ເຂົ້າ​ສູນຝຶກ​ຊ້ອມ​ກຽມ​ຮອງ​ຮັບ​ການ​ເປັນ​ເຈົ້າພາບ ກິລາ​ມະຫາວິທະຍາ​ໄລ ອາ​ຊຽນ ຄັ້ງທີ XVI ທີ່ ສປປ ລາວ ​ໃນ​ທ້າຍປີ 2012 ນີ້. ຕາມ​ການສະ​ເໜີຂອງສະຫະພັນ ແລ່ນ-ລານ ແຫ່ງ​ຊາດ ​ແລະ ​ໄດ້​ຮັບ​ການ​ອະ​ນຸມັດ​ຈາກ​ລັດຖະບານ ໃຫ້​ສົ່ງ​ນັກ​ກິລາ​ເຂົ້າ​ຮ່ວມ​ແຂ່ງຂັນ ງານ​ດັ່ງກ່າວເຖິງ 50 ຄົນ

ທ່ານ ສິດທິ​ໄຊ ສັກ​ປະ​ເສີດ ​ໃຫ້​ຮູ້​ຕື່ມ​ອີກ​ວ່າ: ​ໃນ​ການ​ແຂ່ງຂັນ ກິລາ​ມະຫາວິທະຍາ​ໄລ ອາ​ຊຽນ XVI ​ໃນ​ນາມ​ທີ່​ເຮົາ​ເປັນ​ເຈົ້າພາບ ຈຶ່ງ​ມີ​ເງື່ອນ​ໄຂ​ສະດວກ​ໃນ​ການ​ສົ່ງ​ນັກ​ກິລາ ​ເຂົ້າ​ຮ່ວມ​ແຂ່ງຂັນ, ອີກ​ສິ່ງ​ໜຶ່ງ ກິລາ ​ແລ່​ນ-ລານ ມີ​ຊີງ​ຫຼຽນ​ກັນ​ຫຼາ​ຍລາຍການ, ດັ່ງນັ້ນ ຈຶ່ງ​ໄດ້​ສະ​ເໜີຂໍ​ງົບປະມານ​ກັບ​ລັດຖະບານ ເພື່ອ​ກຽມ​ນັກ​ກິລາ​ເຂົ້າ​ຮ່ວມ​ການ​ແຂ່ງຂັນ​ດັ່ງ​ກ່າວ ​ແລະ ​ໄດ້​ຮັບ​ອະ​ນຸມັດ​ໂກ້​ຕ້າ​ນັກ​ກິລາທັງ​ຫມົດ 50 ຄົນ. ເຖິງ​ແມ່ນ​ວ່າ ມີ​ໂກ​ຕ້າ ສົ່ງ​ນັກ​ກິລາ​ເຂົ້າ​ຮ່ວມ​ເຖິງ 50 ຄົນ ກໍ​ຕາມ. ແຕ່​ຖ້າ​ຫາກ​ນັກ​ກິລາ​ບໍ່ຜ່ານ​ການ​ຄັດ​ເລືອກ ​ແລະ ບໍ່​ໄດ້​ ມາດຕະຖານ ກໍ​ຈະ​ສົ່ງ​ເຂົ້າຮ່ວມ​ພຽງ 45 ຄົນ ເທົ່າ​ນັ້ນ

ສຳລັບ​ນັກ​ກິລາ​ທີ່​ຈະ​ມາ​ເຂົ້າ​ສູນ​ຝຶກ​ຊ້ອມ ສ່ວນ​ໃຫຍ່​ແມ່ນເປັນ​ນັກ​ກິລາ​ທີ່​ມີຜົນງານ​ຢູ່ງານ​ມະຫະກຳ​ກິລ​າ​ແຫ່ງ​ຊາດ ​ແລະ ສົມທົບ​ກັບ​ນັກ​ກິລາ​ໄວໜຸ່ມ ທີ່​ສ້າງ​ຜົນງານ​ໃນ​ງານ​ກິລາ ສະ​ເຫຼີ​ມສະຫຼອງ ວັນ​ສ້າງຕັ້ງກິລາ​ລາວ ຄົບຮອບ 46 ປີ ທີ່ ​ແຂວງ ຄຳ​ມ່ວນ​ຜ່ານ​ມາ, ສຳລັບນັກ​ກິລາ 2 ຄົນ ທີ່​ຜ່ານ​ການ​ແຂ່ງຂັນ ໂອ​ລິ​ມປິກ 2012 ມາ​ແລ້ວ ແມ່ນ​ເປັນ​ຕົວ ​ຫລັກ​ທີ່​ຈະ​ຮ່ວມ ກິລາ ມ.ອາ​ຊຽນ ທີ່​ຈະ​ມາ​ເຖິງ​ນີ້

---

ສ່ວນ ທ້າວ ກິ​ລະ​ກອນ ສີ​ພອນ​ໄຊ ​ເຮັດ​ບໍ່​ໄດ້​ດີ​ເທົ່າ​ທີ່​ຄວນ ເນື່ອງ​ຈາກ​ຕື່ນ​ສະຫນາມ​ແຂ່ງ ຈຶ່ງ​ບໍ່​ອາດ​ທຳລາຍ​ສະຖິຕິ​ຂອງ​ຕົນ​ເອງ​ໄດ້

This has to be the most irresponsible and laughable excuse fabricated to explain for the failure of an athlete.