ບັນດາຜູ້ຂັບຂີ່ມີຄວາມດີ ໃຈ ເມື່ອເຫັນລາຄານ້ຳມັນຖືກປັບລົງຮອບໃຫມ່ຫວັງຈະສະສົມເງິນໃນກະເປົ໋າໄດ້ຫລາຍຂຶ້ນ.
ກະຊວງອຸດສາຫະກຳ ແລະ ການຄ້າປັບລົງອີກຮອບສຳລັບລາຄານ້ຳມັນແອັດຊັງ ແລະ ກາຊວນຂາຍຕາມຫນ້າປ້ຳ, ໄດ້ໃຈນັກຂັບຂີ່ທັງສອດຄ່ອງກັບກົນໄກຕະຫລາດໂລກທີ່ມີການ ປ່ຽນແປງ ເຊິ່ງການປັບລົງຄັ້ງນີ້ຖືເປັນຮອບທີ 2 ຂອງເດືອນ ແລະ ເປັນຮອບ 4 ໃນປີ 2012 ຫລັງຈາກທີ່ລາຄານ້ຳມັນໄດ້ຂຶ້ນສູງສຸດໃນເດືອນມີນາຜ່ານມາ.
ທ່ານ ດຣ. ນາມ ວິຍະເກດ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າໄດ້ອອກແຈ້ງການສະບັບເລກທີ 1162/ອຄ.ຄພນ ລົງວັນທີ 18 ມິຖຸນາ 2012 ໃຫ້ບັນດາບໍລິສັດນ້ຳມັນເຊື້ອໄຟປັບລາຄານ້ຳມັນຂາຍຍ່ອຍຫນ້າປ້ຳນັບແຕ່ເວລາ 6:00 ໂມງຂອງວັນທີ 19 ມິຖຸນາ 2012 ສະເພາະປ້ຳເຂດເທສະບານຂອງ ນະຄອນຫລວງ ແລະ ແຂວງ, ສ່ວນບັນດາເມືອງທີ່ຢູ່ຫ່າງໄກໃນຂອບເຂດທົ່ວປະເທດຕ້ອງປະຕິບັດໃຫ້ສຳເລັດພາຍໃນ 24 ຊົ່ວໂມງ.
ໂດຍລາຄາທີ່ປັບລົງເທື່ອນີ້ທຸກແຂວງຫລຸດລົງ 300-330 ກີບຕໍ່ລິດສຳລັບຢູ່ນະຄອນຫລວງວຽງຈັນແອັດຊັງພິເສດຂາຍອອກ 11.630 ກີບຕໍ່ລິດທຽບໃສ່ຄັ້ງຜ່ານມາຫລຸດລົງ 310 ກີບ, ແອັດຊັງທຳມະດາລິດຫນຶ່ງ 10.260 ກີບຫລຸດລົງ 300 ກີບ, ລາຄາກາຊວນ 9.090 ກີບລົງ 320 ກີບ, ຢູ່ແຂວງຄຳມ່ວນ ແອັດຊັງພິເສດ 11.640 ກີບ ແອັດຊັງທຳມະດາ 10.290 ກີບ, ລາຄາກາຊວນ 9.130 ກີບຕໍ່ລິດ, ສ່ວນແຂວງສະຫວັນນະເຂດແອັດຊັງພິເສດລິດລະ 11.750 ກີບ ແອັດຊັງທຳມະດາ 10.300 ກີບ, ກາຊວນ 9.130 ກີບ, ດ້ານແຂວງຈຳປາສັກແອັດຊັງພິເສດ 11.750 ກີບ, ທຳມະດາ 10.290 ກີບ ແລະ ກາຊວນ 9.150 ກີບຕໍ່ລິດ. ສ່ວນແຂວງພາກເຫນືອທີ່ ບໍ່ແກ້ວແອັດຊັງແມ່ນ 10.370 ກີບ, ກາຊວນ 9.210 ກີບ ສຳລັບແຂວງຊຽງຂວາງແອັດ ຊັງ 10.500 ກີບ ແລະ ລາຄາ ກາຊວນ 9.300 ກີບຕໍ່ລິດ.
ທີ່ຈິງລາຄານ້ຳມັນຖ້າທຽບໃສ່ອັດຕາແລກປ່ຽນທີ່ແຂງຄ່າຂຶ້ນ ກັບ ລາຄານ້ຳມັນໂລກຫຼຸດລົງເຫືຼອ 80 $ ສະນັ້ນຄວນຈະຢູ່ໃນລະຫວ່າງ 7,000ຫາ8,000ກີບ ສະເພາະແອັດຊັງ ເຮັດແນວນີ້ບໍລິສັດນ້ຳມັນ ກັບຜູ້ອານຸມັດລາຄາຈຳໜ່າຍກໍ່ບໍ່ມີບ່ອນມ້ຽນເງີນແລ້ວຕີ ບາດຕອນລາຄານ້ຳມັນໂລກຂຶ້ນພັດຂຶ້ນລາຄາຕາມກົ້ນບັກໄວໆ
