ຕາມການລາຍງານຄວາມຄືບໜ້າບັນດາໂຄງການກໍ່ສ້າງ ແລະ ການກະກຽມໃສ່ວຽກງານອາເຊັມ ຕໍ່ພິທີເປີດຂະບວນການຂ່ຳນັບຮັບຕ້ອນກອງປະຊຸມສຸດ ຍອດອາເຊັມຄັ້ງທີ 9 ໄດ້ໄຂຂຶ້ນຢ່າງເປັນທາງການໃນວັນທີ 6 ມິຖຸນາ 2012 ໂດຍການເປັນປະທານຂອງ ທ່ານ ດຣ ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດວ່າ: ຄວາມຄືບໜ້າແຕ່ລະໂຄງການທີ່ກະກຽມໃສ່ກອງປະຊຸມມີດັ່ງນີ້: ໂຄງການກໍ່ສ້າງ-ຂະຫຍາຍສະໜາມບິນ ສາກົນວັດໄຕ ທີ່ຈະຮອງຮັບເຮືອບິນໂບອິງ-ແອບັສຈຳນວນ 35 ລຳນັ້ນມີຄວາມຄືບໜ້າ ແລະ ເຮັດສຳເລັດແລ້ວ 80%, ໂຄງການກໍ່ສ້າງອາຄານກຽດຕິຍົດ ຫລັງໃໝ່ເພື່ອຕ້ອນຮັບແຂກພິເສດຂອງ ລັດຖະບານມີຄວາມຄືບໜ້າ 45%, ໂຄງການກໍ່ສ້າງເຮືອນພັກປະມຸກລັດ ແລະ ຫົວໜ້າລັດຖະບານ ອາເຊັມຢູ່ຫາດ ດອນຈັນມີຄວາມຄືບໜ້າ ແລະ ສຳເລັດແລ້ວ 80%, ໂຄງການກໍ່ສ້າງເຮືອນພັກປະມຸກລັດ ແລະ ຫົວໜ້າລັດຖະບານ ອາເຊັມຢູ່ບ້ານພະຂາວມີຄວາມຄືບໜ້າ 20%, ໂຄງການກໍ່ສ້າງຫໍປະຊຸມແຫ່ງຊາດມີຄວາມຄືບໜ້າແລ້ວ 50%, ໂຄງການກໍ່ສ້າງໂຮງແຮມ 5 ດາວ ຫລັງໃໝ່ຢູ່ດອນຈັກໄດ້ດຳເນີນໄປຢ່າງເຄັ່ງຮ້ອນ ຄາດ ວ່າຈະສ້າງສຳເລັດ 100 ຫ້ອງສຳລັບຮັບໃຊ້ກອງປະຊຸມ, ໂຄງການປັບປຸງໂຮງແຮມດອນຈັນພາເລສຈະສືບຕໍ່ປັບປຸງໃຫ້ສຳເລັດ ພ້ອມດຽວກັນນັ້ນ ກໍມີໂຄງການ ຍົກລະດັບໂຮງແຮມຕ່າງໆທົ່ວນະຄອນຫລວງວຽງຈັນຈຳນວນ 168 ແຫ່ງ ພ້ອມຈຳນວນຫ້ອງນອນ 14.000 ຫ້ອງ.
