Pasalao

ສົມມຸດວ່າ ປະເທດລາວຫຼຸດພົ້ນອອກຈາກຄວາມທຸກຍາກໄດ້ ໃນປີ2015 ນາໆຊາດກໍຈະໃຫ້ການຊ່ວຍເຫຼືອປະເທດລາວຢູ່ ເບາະ? ຫ້າມດ່າກັນບັກຄວາຍບັກງົວເດີ :)

Anonymous wrote:

---

ຖ້າບັນດາທ່ານຫາກໄດ້ຕິດຕາມຂ່າວຄາວຈາກທາງໜ້າໜັງສືພິມ, ວິທະຍຸ ຫຼືໂທລະພາບ ຈະພົບວ່າປະເທດລາວຂອງພວກເຮົາໄດ້ຮັບການຊ່ວຍເຫຼືອຈາກສັງຄົມໂລກຢ່າງຫຼວງຫຼາຍ ແລະຫຼາຍກວ່າໝູ່ກໍແມ່ນໄດ້ຮັບຄວາມຊ່ວຍເຫຼືອຈາກ ຍີ່ປຸ່ນ, ຫວຽດນາມ, ຈີນ, ໄທ, ເກົາຫຼີ ແລະອື່ນໆ ນັ້ນແມ່ນຄວາມສາມາດອັນສະຫຼາດຫຼັກແຫຼມຂອງຜູ້ນຳເຮົາທີ່ມີວິທີການຂົນຂວາຍຂໍຄວາມຊ່ວຍເຫຼືອຈາກສາກົນ ດັ່ງນັ້ນ ຈຶ່ງເຫັນວ່າຈະເປັນວຽກໜັກການໜາອີ່ຫຍັງກໍສາມາດຜ່ານຜ່າໄປໄດ້ໂດຍດີຍ້ອນ ນະໂຍບາຍການຕ່າງປະເທດຂອງລາວຊອດຄ່ອງ ຕ່າງປະເທດກໍເຫັນອົກເຫັນໃຈແລະຢາກຊ່ວຍເຫຼືອ.

ໃນຂະນະດຽວກັນນັ້ນກໍຄົງຫຼີກບໍ່ມົ້ມຂໍ້ຂາດຕົກບົກພ່ອງກໍມີເຊັ່ນດຽວກັນ ເປັນຕົ້ນແມ່ນລັດຖະບານລາວບໍ່ສາມາດທີ່ຈະແກ້ໄຂບັນຫາການສໍ້ລາດບັງຫຼວງລົງໄດ້, ບໍ່ສາມາດແກ້ໄຂຄວາມຫຼຸດໂຕນກັນທາງດ້ານຄົນຮັ່ງກັບຄົນທຸກ, ລັດຖະບານຍັງບໍ່ທັນຍອມຮັບຟັງຄຳຄິດເຫັນຂອງປະຊາຊົນໄປພິຈາລະນາຈັກເທື່ອ, ປະຊາຊົນເອງກໍຍັງຢ້ານຝ່າຍລັດຖະບານໂພດ, ລະຫວ່າງປະຊາຊົນກັບລັດຍັງມີຄວາມຫ່າງເຫີນກັນຫຼາຍ ຈົນປະຊາຊົນສ່ວນຫຼາຍບໍ່ຮູ້ວ່ານາຍົກລັດຖະມົນຕີຊື່ຫຍັງ, ປະທານປະເທດຊື່ຫຍັງກໍບໍ່ຮູ້...

ດັ່ງນັ້ນ, ໃນໂອກາດນີ້ກໍຈຶ່ງຂໍຮຽກຮ້ອງໃຫ້ລັດຖະບານຫັນໜ້າເຂົ້າຫາປະຊາຊົນຕື່ມ ເຮັດແນວໃດໃຫ້ປະຊາຊົນມີຄວາມເຊື່ອໝັ້ນຕໍ່ແນວທາງຂຶ້ນຕື່ມ, ແກ້ໄຂບັນຫາຈົ່ມວ່າຂອງປະຊາຊົນແລະລັດຖະກອນໃຫ້ໜ້ອຍທີ່ສຸດເທົ່າທີ່ຈະເຮັດໄດ້...

---

I come from a remote village, I can tell you the villagers only know the name of their village chief. They will have no ideas if asked the names of province/district governors. Not to mention about the name of prime minister and the president. I guess they only know President Kaisone.

Anonymous wrote:

---

ເວົ້າບອ່ນສຸດ ເກັ່ງເລື້ອງຂໍທານ

---

ບາດລາວຊ່ອຍປະເທດອື່ນພັດບໍ່ເວົ້າເຖິງ ເຈົ້າກະດາຍ, ເວົ້າແລ້ວ ຊ່ອຍໄປຊ່ອຍມາຫັ້ນລະ. ເຂົາເອົາເງິນມາຊ່ອຍເຮົາ ເຮົາກໍ່ຊ່ອຍເຂົາຕັດໄມ້ຫັ້ນເດ ບໍ່ເຫັນບໍ?

Anonymous wrote:

---

ຊີ້ນໄປ-ປາມາ... ຂອງທຳມະດາ...

ຜູ້ຢູ່ຄືຜູ່ສ້າງ  ຜູ່ຫວັງມ້າງ-ຫ້າງແຕ່ມອງ

ຊ່ອງເອົາແຕ່ຄວາມຜິດ  ຄິດຫາແຕ່ແນວອຸບາດ.

---

"ຊີ້ນໄປປາມາ" ຄໍາເວົ້ານີ້ອາດຈະຖືກ ກັບນັກການເມືອງຫລາຍກ່ວາ ປະຊາຊົນຜູ່ທຸກຍາກແທ້ໆໄດ້ຮັບ ບໍ່ຮອດ 10% ຊໍ້າ.

ເງິນຊ່ວຍເຫຼືອທີ່ໄຫຼເຂົ້າມາລາວສເລັ່ຽແລ້ວ ແຕ່ລະປີເພິ້ມຂຶ້ນ ປະມານ 20% ແລະຖົງເສື້ອຂອງຜູ່ນໍາບາງຄົນກໍ່ຕຶງຂຶ້ນ 22% ສໍາລັບປີ2011-2012 ລັດຖະບານລາວໄດ້ຮັບເງິນຊ່ວຍ ເຫຼືອທັງໝົດໄດ້ປະມານ 630ລ້ານໂດລາ ໃນນັ້ນມູນຄ່າຊ່ວຍ ເຫຼືອລ້າມີປະມານ 529ລ້ານໂດລາ ສ່ວນເຫຼືອນັ້ນແມ່ນການ ຊ່ອຍເຫຼືອໃນອັດຕາດອກເບັ້ຽຕໍ່າ ແລະເພິ່ນກໍ່ວ່າໄດ້ນໍາເອົາ ເງິນຊ່ວຍເຫຼືອເຫຼົ່ານັ້ນໄປໃຊ້ໃນການພັດທະນາເພື່ອລົບລ້າງ ຄວາມຍາກຈົນຂອງປະຊາຊົນໃນຂອບເຂດທົ່ວປະເທດ. ຄວາມຈິງແລ້ວ ທ່ານ ດຣ. ບົວສີ ລໍວັນໄຊ ກໍ່ຮູ້ຢູ່ເຕັມເອິກວ່າ ເງິນເຫຼົ່າຕົກເຮັ່ຽເສັຽຫາຍໄປໃສແດ່ ແຕ່ເພິ່ນບໍ່ກ້າອ້າປາກເວົ້າ ອອກມາໃຫ້ມວນຊົນຮູ້, ຖ້າເບິ່ງທ່ານນາງ ດຣ. ວຽງທອງ ສີພັນດອນ ຊິກ້າຫານຫຼິ້ນລະຄອນສາກໃດອີກ !