Pasalao

ເພື່ອເປັນກຽດ ແລະໃຫ້ກຳລັງໃຈທ່ານດຣ ຄຳເຜີຍປານມະໄລທອງ ຂ້າພະເຈົ້າຂໍສະເໜີ ປະຫວັດຂອງທ່ານເຕິ້ງສຽວຜີງ ອາດີດຜູ້ນຳ ຂອງຈີນ ຜູ້ທີ່ມີບົດບາດໂດຍກົງໃນການປະຕິຮູບປະເທດຈີນເປັນປະເທດທີ່ມີຄວາມເຕີບໂຕທາງດ້ານເສດຖະກິດໃນປະຈຸບັນ.

 ຊາວຈີນຕ່າງກໍ່ສັນລະເສີນ ທ່ານເຕີ້ງສຽວຜີງວ່າເປັນຜູ້ນຳທີ່ປະເສີດ ໂດຍມີຄວາມອັດສະລິຍະບຸລຸດ ເຊິ່ງເປັນຜູ້ອອກແບບຄວາມທັນສະໄໝໃຫ້ຊາດ ແລະປະຕິຮູບສັງຄົມຈີນ ດ້ວຍການນຳສະເໜີແນວຄວາມຄິດ ການປົດປ່ອຍຄວາມຄິດແລະຄົ້ນຫາສັດຈະຈາກຄວາມຈິງ ຈົນກະທັ້ງສາມາດເຮັດໃຫ້ຈີນຈາກປະເທດທີ່ຍາກຈົນໃນອະດີດກາຍມາເປັນປະເທດທີ່ຈະເລີນເຕີບໂຕທາງດ້ານເສດຖະກິດທີ່ຢືນຢູ່ມນແຖວໜ້າຂອງໂລກໄດ້ໃນປະຈຸບັນ.

ແຕ່ເສັ້ນທາງຂອງທ່ານເຕີ້ງ ກໍເຕັມໄປດ້ວຍມໍລະສຸມຕ່າງໆນາໆ.

ຄວາມຜິດພາດຈາກ ການປະຕິວັດ ວັທະນາທຳ. ທ່ານຕີ້ງໄດ້ພະຍາຍາມສະເໜີແນວຄວາມຄິດປະຕິຮູບຕ່າງໆອອກມາ ແຕ່ກໍ່ຖືກກ່າວຫາເປັນຜູ້ບໍ່ຫວັງດີຕໍ່ລະບອບສັງຄົມນິຍົມຄອມມິວນິສ ຈົນທ່ານໄດ້ຖືກປົດອອກຈາກຕຳແໜ່ງທາງການເມືອງທັງໝົດ ແລະຖືກສົ່ງໄປເຮັດວຽກຢູ່ໂຮງງານຜະລິດລົດແທກເຕີ ໃນມົນທົດຈຽງຊີ ຈົນເຖິງປີ1973 ຈິ່ງໄດ້ຖືກຮຽກເຂົ້າມາຮັບຕຳແໜ່ງທາງການເມືອງອີກຄັ້ງ ດ້ວຍການເປັນຮອງນາຍົກລັດຖະມົນຕີ ແລະທ່ານຈຶ່ງສືບຕໍ່ນຳສະເໜີທິດສະດີໃນການປະຕິຮູບປະເທດຂອງທ່ານ ຈົນກະທັ້ງທິດສະດີຂອງທ່ານຖືກຮັບຮອງເອົາເປັນທິດສະດີຊີນຳໃນການປະຕິຮູບປະເທດ ແລະເປັນທີມາຂອງຄວາມຈະເລີນກ້າວໜ້າ ແລທັນສະໄໝຂອງຈີນຈົນເຖິງປະຈຸບັນ. 

ຄວາມຄິດຂອງຕີ້ງ ໄດ້ຜ່ານບົດທົດສອບອັນຍິ່ງໃຫຍ່ ແລະປະກົດເປັນຈິງໄດ້. ເຖິງທ່ານຈະຈາກໂລກນີ້ໄປແຕ່ຄວາມຄິດຂອງທ່ານຍັງດັງກ້ອງກັງວານຢູ່ໃນຮູຂອງຄົນລຸ້ນຫຼັງ ແລະເປັນສິ່ງທີ່ໜ້າສືກສາຮຽນຮູ້ ແລະນຳມາໝູນໃຊ້ ເຂົ້າໃນການຊີ້ນຳໃນການພັທະນາປະເທດເຮົົາໃຫ້ຈະເລີນກ້າວໜ້າ ແລະທັນສະໄໝໄດ້ຄືກັນ.

ດັ່ງນັ້ນ,ຄວາມຄິດຂອງທ່ານຄຳເຜີຍປານມະໄລທອງ ຈະເປັນສ່ວນສຳຄັນໃນການນຳເອົາປະເທດລາວສູ້ຄວາມຈະເລີນກ້າວໜ້າ.ທ່ານເຮັດຖືກຕ້ອງແລ້ວ ຂໍເປັນກຳລັງໃຈໃຫ້ທ່ານສືບຕໍ່ແນວຄວາມຄິດຂອງທ່ານຕໍ່ໄປຢ່າໄດ້ທໍ້ເດີທ່ານ.

ຂໍຂອບໃຈ!!! "W Go"