Pasalao

ບ່າວແຂ້ວຫ້ຽນ wrote:

---

ຂ້ອຍບໍ່ເຄີຍເຂົ້າໂຮງຮຽນຢູ່ປະເທດລາວແລະບໍ່ຮູ້ຫຼັກໄວຍາກອນລາວໃໝ່ເທົ່າທີ່ຄວນ

ຈຶ່ງຂໍຄວາມຊ່ວຍເຫຼືອຈາກບັນດາທ່ານໃນການຍະວ່າງລະວ່າງຄໍາແລະປະໂຫຍກ.

ຄໍາທີ່ຢູ່ໃນຮູບສີ່ຫຼ່ຽມແດງຄວນຍະວ່າງຫຼືບໍ່?

http://senotimes.com/textDetail.php?textID=1428

ຂອບໃຈທີ່ຊ່ອຍອະທິບາຍ.

---

 ເປັນການຍະວ່າງທີ່ຜິດທັງນັ້ນ ຕ່າງແຕ່ຜິດດ້ວຍເຈດຕະນາ ຫຼືຄອມມັນພາຜິດເທົ່ານັ້ນເອງ ແຕ່ໜ້າຊິເປັນເຈດຕະນາຫຼາຍກວ່າ

Anonymous wrote:

---

ຂໍນ້ອມນະມັດສະການພຣະອາຈານສາຍເຊລໍາເພົາ. ພຣະອາຈານຊ່ອຍອະທິບາຍຫຼັກການໃນການຈໍ້າເມັດ ຈໍ້າຈຸດ ແລະຍະວ່າງໃຫ້ຟັງແດ່, ຂອບໃຈຫຼາຍໆຂ້ານ້ອຍ.

---

 ການຍະວ່າງຄວນທຳຈັ່ງຊື້

໑. ຄຳລາວນັ້ນເປັນປະໂຫຍກໆໆໆ ເມື່ອສຸດປະໂຫຍກໜຶ່ງ ໃຫ້ຍະວ່າງ, ຫາກມີສອງປະໂຫຍກຫຼາຍປະໂຫຍກໃຫ້ຍະວ່າງແຕ່ລະປະໂຫຍກໄປ, ຫາກປະໂຫຍກນັ້ນສຸດແລ້ວ ແຕ່ຍັງບໍ່ທັນສຸດເລື່ອງໃກ້ໃຊ້ ຈໍ້າຈຸດ(;) ຫາກຈົບເລື່ອງນີ້ແລ້ວ ໃຫ້ຈຸດ(.) ຈຶ່ງລົງແຖວສ້າງເລື່ອງໃໝ່.

໒. ຄຳເສື່ອມ, ຄຳຕໍ່ບາງຄັ້ງກໍໃຫ້ຍະວ່າງເຊັ່ນ "ທ້າວແກ້ວ ແລະທ້າວສີ" (ໃຫ້ເບິ່ງແລະຍະຫວ່າງ ແກ້ວ ແລະ) ບໍ່ຄວນຍະ (ສີ)ອອກຈາກກັນ) "ຄວາຍກັບງົວ" ອັນນີ້ບໍ່ຄວນຍະຫວ່າງ.

ຫາກເຮັດໄດ້ແບບນີ້ ຖືກຫຼັກໄວຍາກອນແທ້ ທີ່ສຳຄັນບໍ່ຄວນຂຽນເປັນຄວາມເຊັ່ນ "ເມື່ອຂ້ອຍ ເດີນທາງ ໄປປະເທດ ມາເລເຊັຍ ກາງເດືອນ ທີ່ແລ້ວນັ້ນ ຂ້ອຍໄດ້ພົບກັບ ທ່ານ ສົມພອນ ລາວໄປ ທຸຣະກິດ ທີ່ນັ້ນ...." ແບບນີ້ບໍ່ຄວນຂຽນເດັດຂາດ.

໓. ຊື່ເເລະນາມສະກຸນ ເຊັ່ນ

ທ້າວ ແກ້ວ ສອນມີໄຊ ຄວນຂຽນ (ທ້າວແກ້ວ ສອນມີໄຊ)

ທ່ານ ແກ້ວ ສອນມີໄຊ ຄວນຂຽນ (ທ່ານແກ້ວ ສອນມີໄຊ)

ພະນະທ່ານ ແກ້ວ ສອນມີໄຊ ຄວນຂຽນ (ພະນະທ່ານແກ້ວ ສອນມີໄຊ).

ພຈ. ແກ້ວ ສອນມີໄຊ ຄວນຂຽນ (ພຈ.ແກ້ວ ສອນມີໄຊ)

ພຣະອາຈານ ແກ້ວ ສອນມີໄຊ ຄວນຂຽນ (ພຣະອາຈານແກ້ວ ສອນມີໄຊ)