ວັນເປັນເຈົ້າພາບຈັດກອງປະຊຸມອາເຊັມຂອງ ສປປ ລາວ ຍັງອີກບໍ່ພໍເທົ່າໃດເດືອນ ເຊິ່ງມາຮອດປະຈຸບັນ ບັນດາຫນ້າວຽກກະກຽມຮອງຮັບເວທີດັ່ງກ່າວ ຫລາຍໂຄງການມີຄວາມຄືບຫນ້າເປັນທີ່ພໍໃຈ ໂດຍຄາດວ່າ ອາດມີບາງໂຄງການແລ້ວກ່ອນແຜນ.
ບັນດາໂຄງການທີ່ກະກຽມ ໃຫ້ແກ່ການເປັນເຈົ້າພາບຈັດ ກອງປະຊຸມອາເຊັມຄັ້ງທີ 9 ຂອງສປປ ລາວ ທີ່ຈະເປີດຂຶ້ນຢ່າງເປັນທາງການໃນທ້າຍປີນີ້ ມາຮອດປະຈຸບັນໄດ້ມີຄວາມຄືບຫນ້າຕາມລຳດັບ ແລະ ຈະສຳເລັດຕາມແຜນວາງໄວ້ເປັນຕົ້ນແມ່ນເຮືອນພັກປະມຸກລັດ/ຫົວຫນ້າລັດຖະບານຢູ່ດອນຈັນສຳເລັດປະມານ 75%, ຫໍປະຊຸມແຫ່ງຊາດ (ຫລັກ 6) 70%, ໂຮງແຮມ 5 ດາວຫລັງໃຫມ່ 25%, ໂຄງການປັບປຸງ ແລະ ຂະຫຍາຍສະຫນາມບິນສາ ກົນວັດໄຕ ໂດຍລວມຄືບຫນ້າແລ້ວ 70% ລວມທັງໂຄງການກໍ່ສ້າງຫມູ່ບ້ານຈັດສັນບ້ານໄຊສົມບູນ ຫລັກ 21 ສຳລັບປະຊາຊົນທີ່ຖືກຍົກຍ້າຍຈາກດອນຈັນ ກໍ່ມີຄວາມຄືບຫນ້າໄວເຊັ່ນດຽວກັນຂໍ້ມູນດັ່ງກ່າວໄດ້ມີການເປີດເຜີຍໃນກອງປະຊຸມເຜີຍແຜ່ຄັ້ງທີ 2 ກ່ຽວກັບຄວາມຄືບຫນ້າໃນການກະກຽມເປັນເຈົ້າພາບກອງປະຊຸມສຸດຍອດອາເຊັມ 9 ແລະ ກອງປະຊຸມປິ່ນອ້ອມຕ່າງໆທີ່ຈັດຂຶ້ນວັນທີ 21 ພຶດສະພານີ້.
ກອງປະຊຸມດັ່ງກ່າວໃຫ້ກຽດ ເປັນປະທານຂອງ ທ່ານ ບຸນເກີດ ສັງສົມສັກ ລັດຖະມົນຕີຊ່ວຍວ່າການກະຊວງການຕ່າງປະເທດ ທັງເປັນຫົວຫນ້າເຈົ້າຫນ້າທີ່ອາວຸໂສອາເຊັມຂອງ ສປປ ລາວ ພ້ອມມີບັນດາທູຕານຸທູດປະ ເທດສະມາຊິກອາເຊັມປະຈຳສປປ ລາວ ທີ່ມີສຳນັກງານຢູ່ບາງກອກ, ຮ່າໂນ້ຍ ແລະ ປັກກິ່ງ ລວມທັງບັນດາສະຖານທູດປະເທດອື່ນໆ ແລະ ອົງການຈັດຕັ້ງສາກົນທີ່ມີສຳນັກງານຢູ່ນະຄອນຫລວງວຽງຈັນເຂົ້າຮ່ວມ.
Anonymous wrote:ສາເຫດໃດໂຮງແຮມ5ດາວຈຶ່ງຊ້າກວ່າໝູ່?
ສາເຫດໃດໂຮງແຮມ5ດາວຈຶ່ງຊ້າກວ່າໝູ່?
ສົງໄສຍ້ອນຍັງບໍ່ທັນມີດາວຄົບຫ້າຕິ
