ກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ກຽມຈັດພິທີຍົກຍອດຊໍ່ຟ້າຂຶ້ນປະດິດສະຖານເທິງຫໍຫລັກ ເມືອງວຽງຈັນ ຢູ່ບ້ານເພຍວັດ ເມືອງສີສັດຕະນາກໃນວັນທີ 23 ເມສາ 2012 ໂດຍປະທານປະເທດແຫ່ງ ສປປ ລາວ ຈະໃຫ້ກຽດເຂົ້າຮ່ວມ, ດ້ານຄວາມຄືບຫນ້າໂຄງການສ້າງສຳເລັດ ເກືອບ 90% ແຕ່ງົບປະມານຍັງຕ້ອງການອີກ 9 ຕື້.
ທ່ານ ວຽງແກ້ວ ສຸກສະຫວັດດີ ວ່າການແທນຫົວຫນ້າກົມມໍລະດົກກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ເປີດເຜີຍກັບສື່ວານນີ້ວ່າ: ໂຄງການກໍ່ສ້າງຫໍຫລັກເມືອງວຽງຈັນ ເປັນໂຄງການຂອງລັດຖະບານ ໂດຍແມ່ນກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວເປັນເຈົ້າຂອງໂຄງການມາຮອດປະຈຸບັນຕາມການປະເມີນຄັ້ງຫລ້າສຸດຂອງຄະນະກຳມະການເຖິງຜົນສຳເລັດໃນການກໍ່ສ້າງແມ່ນຄືບຫນ້າແລ້ວ 85% ພາຍຫລັງໄດ້ວາງສິລາລືກລົງມືດຳເນີນການສ້າງກໍ່ສ້າງມາແຕ່ເດືອນກຸມພາ 2010 ເຊິ່ງຫນ້າວຽກທີ່ສຳເລັດປະ ກອບມີວຽກຮື້ຖອນທັບມ້າງກຳແພງອ້ອມອາຄານ, ວຽກຂຸດດິນ ແລະຖົມ, ວຽກເບຕົງ, ກໍ່, ໂບກ, ຕິດລ່ຽມແກະສະລັກດອກດວງລວດລາຍ, ວຽກຕັດຫລັງຄາພ້ອມມຸງດິນຂໍ, ວຽກສີ, ວຽກ ທີ່ສຳຄັນແມ່ນໄດ້ນຳຂະບວນໄມຈັນຫອມຈາກເມືອງທ່າແຂກແຂວງຄຳມ່ວນ ມາສູ່ນະຄອນຫລວງວຽງຈັນ ເພື່ອຄວັດແກະສະລັກເປັນເສົາຫລັກເມືອງ ແລະ ທຳພິທີຫລໍ່ຍອດຊໍ່ຟ້າໄປແລ້ວ 100%.
ໂຄງການສ້າງຫໍຫລັກເມືອງ ຖ້າທຽບໃສ່ແຜນການຖືວ່າຍັງຊັກຊ້າເປັນເວລາ 1 ປີ ກວ່າໆ ຍ້ອນການອອກແບບບໍ່ລະອຽດ ຕ້ອງດັດແກ້ບາງຫນ້າວຽກ ເພື່ອໃຫ້ຖືກຕ້ອງຕາມລັກສະນະວັດທະນະທຳລາວ ແລະ ເປັນສັນຍະລັກແຫ່ງຄວາມສາມັກຄີຂອງຊາວລາວທັງຊາດ.
ທ່ານ ວຽງແກ້ວ ສຸກສະຫວັດດີ ເຜີຍອີກວ່າ: ຈາກບາງຫນ້າ ວຽກທີ່ດັດແກ້ເຊັ່ນ: ວຽກເພີ່ມຫລັງຄາຊັ້ນ 2, ແຂນນາງ, ກ້ອງແທ່ນຊໍ່ຟ້າ, ເພດານ, ຄວັດລາຍດ້ວຍໄມ້, ເບຕົງ ແລະ ວຽກລະອຽດລວມທັງຫ້ອງວາງສະແດງ ເຮັດໃຫ້ມູນຄ່າການກໍ່ສ້າງຫໍຫລັກເມືອງໃນເບື້ອງຕົ້ນຄາດຄະເນໄວ້ປະມານ 15 ຕື້ກີບ, ຈິ່ງເພີ່ມຂຶ້ນມາເປັນ 21,349 ກວ່າຕື້ກີບໃນປະຈຸບັນ.
ໂດຍລວມມາຮອດປະຈຸບັນ ໂຄງການຍັງມີຄວາມຕ້ອງການງົບປະມານເພື່ອມາປະກອບສ່ວນໃນການກໍ່ສ້າງໂຄງການກໍ່ສ້າງຫໍຫລັກເມືອງວຽງຈັນໃຫ້ສຳເລັດ 100% ໃນເດືອນກັນຍາ ແລະພີທີທາງສາສະຫນາສົມໂພດສາມວັນສາມຄືນ ໃນເດືອນຕຸລາກ່ອນກອງປະຊຸມເອີຣົບ-ອາຊີ (ອາເຊັມ) ທີ່ ສປປ ລາວ ໄດ້ຮັບກຽດເປັນເຈົ້າພາບຈະໄຂຂຶ້ນໃນຕົ້ນເດືອນພະຈິກຈຳນວນ ທັງຫມົດ 9 ຕື້ກີບຈາກຜູ້ທີ່ມີຈິດໃສສັດທາເຫລື້ອມໃສທຳບຸນກຸສົນ.
ເຖິງແນວໃດກໍ່ຕາມຈຳນວນເງິນທີ່ຕ້ອງການ 9 ຕື້ກ່ວາກີບ ແມ່ນລະດົມໄດ້ຈຳນວນຫນຶ່ງແລ້ວຈາກຮ່ວງເງິນແຮຂອງລັດຖະບານ, ງົບປະມານປະຈຳປີຂອງກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ແລະ ເງິນສົມທົບອຸປະຖຳຈາກສັງຄົມ ຖ້າຍັງພໍ່ທັນພຽງພໍທາງບໍລິສັດຮັບເຫມົາຈະເປັນຜູ້ອອກກ່ອນຫລັງຈາກນັ້ນລັດຈິ່ງຈະໃຊ້ແທນຄືນ.
ທ່ານ ວຽງແກ້ວ ສຸກສະຫວັດດີ ແຈ້ງໃຫ້ຮູ້ວ່າ: ໃນວັນທີ 23 ເມສາ 2012 ທາງກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວໃນນາມເຈົ້າ ຂອງໂຄງການ ກຽມຈັດພິທີຍົກ ຍອດຊໍ່ຟ້າຂຶ້ນປະດິດສະຖານເທິງຫໍຫລັກເມືອງວຽງຈັນ ຫລັງໄດ້ມີພິທີຫລໍ່ຍອດຊໍ່ຟ້າໄປແລ້ວ ໃນວັນທີ 2 ເມສາ ໂດຍໃຊ້ທອງສຳລິດໃນການຫລໍ່ຈຳນວນ 370 ກິໂລກະຣາມ, ສູງ 6,28 ຊັງຕີແມັດ ໂດຍຈະໄດ້ຮັບກຽດຈາກ ທ່ານເລຂາທິການໃຫຍ່ປະທານປະເທດແຫ່ງ ສປປ ລາວ ດຶງຝ້າຍມົງຄຸນຍົກຍອດຊໍ່ຟ້າຂຶ້ນ ປະດິດສະຖານເທິງກໍຫລັກເມືອງຢ່າງເປັນທາງການພ້ອມ ທັງມີການເຊີນພະສົງຈຳນວນ 14 ອົງສູດໄຊຍັນໂຕຍົກຍອດຊໍ່ຟ້າຂຶ້ນ ພ້ອມທັງມີການຄົບງັນຕາມປະເພນີຕະຫລອດຄືນ ດັ່ງນັ້ນ ຈິ່ງເຊີນຊວນພໍ່ແມ່ພີ່ນ້ອງປະຊາຊົນລາວບັນດາເຜົ່າໃນຂອບເຂດທົ່ວປະເທດ ໂດຍສະເພາະຊາວ ນະຄອນຫລວງວຽງຈັນເຂົ້າຮ່ວມໃນພິທີອັນເປັນສິລິມຸງຄຸນ ພ້ອມທັງທຳບຸນແກ່ການກຸສົນສົມທົບທຶນສ້າງຫໍຫລັກເມືອງທີ່ມີຄວາມສຳຄັນຕໍ່ການອະນຸຮັກ ມູນມໍລະດົກອັນລ້ຳຄ່າຂອງຊາດທັງເປັນການຢັ້ງຢືນເຖິງຄວາມເຂັ້ມແຂງ, ສາມັກຄີ ແລະ ອົງອາດກ້າຫານໃນການຕໍ່ສູ້ກູ້ຊາດ ແລະ ສ້າງບ້ານແປງເມືອງໃຫ້ຈະເລີນຮຸ່ງເຮືອງສີ ວິໄລຂອງເມືອງວຽງຈັນຢັ້ງຢືນເຖິງທີ່ຕັ້ງຂອງເມືອງວຽງຈັນໃນສະໄຫມອານາຈັກລ້ານຊ້າງ.
Anonymous wrote: ກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ກຽມຈັດພິທີຍົກຍອດຊໍ່ຟ້າຂຶ້ນປະດິດສະຖານເທິງຫໍຫລັກ ເມືອງວຽງຈັນ ຢູ່ບ້ານເພຍວັດ ເມືອງສີສັດຕະນາກໃນວັນທີ 23 ເມສາ 2012 ໂດຍປະທານປະເທດແຫ່ງ ສປປ ລາວ ຈະໃຫ້ກຽດເຂົ້າຮ່ວມ, ດ້ານຄວາມຄືບຫນ້າໂຄງການສ້າງສຳເລັດ ເກືອບ 90% ແຕ່ງົບປະມານຍັງຕ້ອງການອີກ 9 ຕື້. ທ່ານ ວຽງແກ້ວ ສຸກສະຫວັດດີ ວ່າການແທນຫົວຫນ້າກົມມໍລະດົກກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ເປີດເຜີຍກັບສື່ວານນີ້ວ່າ: ໂຄງການກໍ່ສ້າງຫໍຫລັກເມືອງວຽງຈັນ ເປັນໂຄງການຂອງລັດຖະບານ ໂດຍແມ່ນກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວເປັນເຈົ້າຂອງໂຄງການມາຮອດປະຈຸບັນຕາມການປະເມີນຄັ້ງຫລ້າສຸດຂອງຄະນະກຳມະການເຖິງຜົນສຳເລັດໃນການກໍ່ສ້າງແມ່ນຄືບຫນ້າແລ້ວ 85% ພາຍຫລັງໄດ້ວາງສິລາລືກລົງມືດຳເນີນການສ້າງກໍ່ສ້າງມາແຕ່ເດືອນກຸມພາ 2010 ເຊິ່ງຫນ້າວຽກທີ່ສຳເລັດປະ ກອບມີວຽກຮື້ຖອນທັບມ້າງກຳແພງອ້ອມອາຄານ, ວຽກຂຸດດິນ ແລະຖົມ, ວຽກເບຕົງ, ກໍ່, ໂບກ, ຕິດລ່ຽມແກະສະລັກດອກດວງລວດລາຍ, ວຽກຕັດຫລັງຄາພ້ອມມຸງດິນຂໍ, ວຽກສີ, ວຽກ ທີ່ສຳຄັນແມ່ນໄດ້ນຳຂະບວນໄມຈັນຫອມຈາກເມືອງທ່າແຂກແຂວງຄຳມ່ວນ ມາສູ່ນະຄອນຫລວງວຽງຈັນ ເພື່ອຄວັດແກະສະລັກເປັນເສົາຫລັກເມືອງ ແລະ ທຳພິທີຫລໍ່ຍອດຊໍ່ຟ້າໄປແລ້ວ 100%. ໂຄງການສ້າງຫໍຫລັກເມືອງ ຖ້າທຽບໃສ່ແຜນການຖືວ່າຍັງຊັກຊ້າເປັນເວລາ 1 ປີ ກວ່າໆ ຍ້ອນການອອກແບບບໍ່ລະອຽດ ຕ້ອງດັດແກ້ບາງຫນ້າວຽກ ເພື່ອໃຫ້ຖືກຕ້ອງຕາມລັກສະນະວັດທະນະທຳລາວ ແລະ ເປັນສັນຍະລັກແຫ່ງຄວາມສາມັກຄີຂອງຊາວລາວທັງຊາດ. ທ່ານ ວຽງແກ້ວ ສຸກສະຫວັດດີ ເຜີຍອີກວ່າ: ຈາກບາງຫນ້າ ວຽກທີ່ດັດແກ້ເຊັ່ນ: ວຽກເພີ່ມຫລັງຄາຊັ້ນ 2, ແຂນນາງ, ກ້ອງແທ່ນຊໍ່ຟ້າ, ເພດານ, ຄວັດລາຍດ້ວຍໄມ້, ເບຕົງ ແລະ ວຽກລະອຽດລວມທັງຫ້ອງວາງສະແດງ ເຮັດໃຫ້ມູນຄ່າການກໍ່ສ້າງຫໍຫລັກເມືອງໃນເບື້ອງຕົ້ນຄາດຄະເນໄວ້ປະມານ 15 ຕື້ກີບ, ຈິ່ງເພີ່ມຂຶ້ນມາເປັນ 21,349 ກວ່າຕື້ກີບໃນປະຈຸບັນ. ໂດຍລວມມາຮອດປະຈຸບັນ ໂຄງການຍັງມີຄວາມຕ້ອງການງົບປະມານເພື່ອມາປະກອບສ່ວນໃນການກໍ່ສ້າງໂຄງການກໍ່ສ້າງຫໍຫລັກເມືອງວຽງຈັນໃຫ້ສຳເລັດ 100% ໃນເດືອນກັນຍາ ແລະພີທີທາງສາສະຫນາສົມໂພດສາມວັນສາມຄືນ ໃນເດືອນຕຸລາກ່ອນກອງປະຊຸມເອີຣົບ-ອາຊີ (ອາເຊັມ) ທີ່ ສປປ ລາວ ໄດ້ຮັບກຽດເປັນເຈົ້າພາບຈະໄຂຂຶ້ນໃນຕົ້ນເດືອນພະຈິກຈຳນວນ ທັງຫມົດ 9 ຕື້ກີບຈາກຜູ້ທີ່ມີຈິດໃສສັດທາເຫລື້ອມໃສທຳບຸນກຸສົນ. ເຖິງແນວໃດກໍ່ຕາມຈຳນວນເງິນທີ່ຕ້ອງການ 9 ຕື້ກ່ວາກີບ ແມ່ນລະດົມໄດ້ຈຳນວນຫນຶ່ງແລ້ວຈາກຮ່ວງເງິນແຮຂອງລັດຖະບານ, ງົບປະມານປະຈຳປີຂອງກະຊວງຖະແຫລງຂ່າວ-ວັດທະນະທຳ ແລະ ທ່ອງທ່ຽວ ແລະ ເງິນສົມທົບອຸປະຖຳຈາກສັງຄົມ ຖ້າຍັງພໍ່ທັນພຽງພໍທາງບໍລິສັດຮັບເຫມົາຈະເປັນຜູ້ອອກກ່ອນຫລັງຈາກນັ້ນລັດຈິ່ງຈະໃຊ້ແທນຄືນ. ທ່ານ ວຽງແກ້ວ ສຸກສະຫວັດດີ ແຈ້ງໃຫ້ຮູ້ວ່າ: ໃນວັນທີ 23 ເມສາ 2012 ທາງກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວໃນນາມເຈົ້າ ຂອງໂຄງການ ກຽມຈັດພິທີຍົກ ຍອດຊໍ່ຟ້າຂຶ້ນປະດິດສະຖານເທິງຫໍຫລັກເມືອງວຽງຈັນ ຫລັງໄດ້ມີພິທີຫລໍ່ຍອດຊໍ່ຟ້າໄປແລ້ວ ໃນວັນທີ 2 ເມສາ ໂດຍໃຊ້ທອງສຳລິດໃນການຫລໍ່ຈຳນວນ 370 ກິໂລກະຣາມ, ສູງ 6,28 ຊັງຕີແມັດ ໂດຍຈະໄດ້ຮັບກຽດຈາກ ທ່ານເລຂາທິການໃຫຍ່ປະທານປະເທດແຫ່ງ ສປປ ລາວ ດຶງຝ້າຍມົງຄຸນຍົກຍອດຊໍ່ຟ້າຂຶ້ນ ປະດິດສະຖານເທິງກໍຫລັກເມືອງຢ່າງເປັນທາງການພ້ອມ ທັງມີການເຊີນພະສົງຈຳນວນ 14 ອົງສູດໄຊຍັນໂຕຍົກຍອດຊໍ່ຟ້າຂຶ້ນ ພ້ອມທັງມີການຄົບງັນຕາມປະເພນີຕະຫລອດຄືນ ດັ່ງນັ້ນ ຈິ່ງເຊີນຊວນພໍ່ແມ່ພີ່ນ້ອງປະຊາຊົນລາວບັນດາເຜົ່າໃນຂອບເຂດທົ່ວປະເທດ ໂດຍສະເພາະຊາວ ນະຄອນຫລວງວຽງຈັນເຂົ້າຮ່ວມໃນພິທີອັນເປັນສິລິມຸງຄຸນ ພ້ອມທັງທຳບຸນແກ່ການກຸສົນສົມທົບທຶນສ້າງຫໍຫລັກເມືອງທີ່ມີຄວາມສຳຄັນຕໍ່ການອະນຸຮັກ ມູນມໍລະດົກອັນລ້ຳຄ່າຂອງຊາດທັງເປັນການຢັ້ງຢືນເຖິງຄວາມເຂັ້ມແຂງ, ສາມັກຄີ ແລະ ອົງອາດກ້າຫານໃນການຕໍ່ສູ້ກູ້ຊາດ ແລະ ສ້າງບ້ານແປງເມືອງໃຫ້ຈະເລີນຮຸ່ງເຮືອງສີ ວິໄລຂອງເມືອງວຽງຈັນຢັ້ງຢືນເຖິງທີ່ຕັ້ງຂອງເມືອງວຽງຈັນໃນສະໄຫມອານາຈັກລ້ານຊ້າງ.
ມືງຢາກວິຈານເລື່ງຫຍັງ
