Pasalao

ເຫັນຫົວບົດ ເຂົ້າໃຈວ່າເພິ່ນຊວນລົມເລື້ອງ wave ກົດເຂົ້າມາຈຶ່ງ
ຮູ້ວ່າເພິ່ນຊວນລົມເລື້ອງເວັບ. ຕາມທີ່ສັງເກດ, ຄົນລາວຈະເຂົ້າ
ມາຮ່ວມສົນທະນາໃນຫ້ອງສົນທະນາພາສາລາວ ແວັບເຄືອຂ່າຍ
ສັງຄົມຕ່າງໆ ຕະລອດຮອດຫ້ອງສົນທະນາແພວທັອກຊຶ່ງສາມາດ
ໄດ້ຍິນທັງສຽງແລະເຫັນແວັບແຄມພ້ອມຢ່າງເປັນຂະບວນຟົດ
ຟື້ນແມ່ນໃນໄລຍະເດືອນຕຸລາຫາເດືອນກຸມພາ, ເພາະໃນໄລຍະ
ນີ້ຢູ່ທະວີບຢູໂຣບແລະອາເມຣິກາເປັນຣະດູໜາວ ຄົນສ່ວນ
ຫລາຍບໍ່ມຢາກອອກບ້ານ ກໍ່ເລີຍພາກັນເຂົ້າອິນເຕີເນັດມາເວົ້າ
ມາລົມກັບພີ່ນ້ອງໝູ່ຄູ່ທີ່ຢູ່ຫ່າງໄກ. ພໍຍ່າງເຂົ້າຣະດູໃບໄມ້ປົ່ງ
ຫາຣະດູຮ້ອນ ຄົນສ່ວນຫລາຍຈະພາກັນໄປຫລິ້ນໄປທ່ຽວຢ້ຽມ
ຢາມພີ່ນ້ອງໝູ່ຄູ່ຢູ່ຕ່າງເມືອງ ຕ່າງແຂວງແລະຢູ່ຕ່າງປະເທດ
ສ່ວນຫລາຍຈະພາກັນໄປເມືອງລາວ ສະຫລອງບຸນປະຈໍາປີ
ເຊັ່ນບຸນປີໃໝ່ ບຸນບັ້ງໄຟ ດັ່ງນີ້ເປັນຕົ້ນ.
ສໍາລັບຄົນຢູ່ລາວ ໄອທີຂອງຫ້ອງການຫລາຍບ່ອນໄດ້ມີການເຂັ້ມ
ງວດກວດຂັນ ບໍ່ປ່ອຍໃຫ້ພະນັກງານ ລັດຖະກອນເຂົ້າມາຫລິ້ນ
ອິນເຕີເນັດຊະຊາຍເພາະນອກຈາກບໍ່ໄດ້ວຽກແລ້ວກໍ່ຍັງເປັນການ
ສິ້ນເປືອງງົບປະມານອີກດ້ວຍ ມີແຕ່ຜູ່ທີ່ມີຕໍາແໜ່ງສູງໆ ເຊັ່ນ
ທ່ານສີສຸກ ທ່ານຄົນໃຕ້ ທ່ານຊະນະໄພ... ຈຶ່ງເຂົ້າມາໄດ້ສະບາຍ.