Pasalao

 ຫລາຍ​ໂຄງການກໍ່ສ້າງ​ຮອງ​ຮັບ​ການ​ເປັນ​ເຈົ້າພາບ​ກອງ​ປະຊຸມ​ອາ​ເຊັມ ​ແມ່ນ​ຄືບ​ຫນ້າ​ໄປ​ຕາມແຜນ ​ແລະ​ພວມ​ລົງມື​ຢ່າງ​ຂຸ້ນຂ້ຽວ, ​ແຕ່ໂຄງການ​ກໍ່ສ້າງ​ໂຮງ​ແຮມ5​ດາວ ​ເຊິ່ງ​ເປັນ​ຫນຶ່ງ​ໃນ6​ໂຄງການ​ສໍາຄັນ​ ຮັບ​ໃຊ້​ກອງ​ປະຊຸ​ມຄັ້ງນີ້​ ​ແມ່ນ​ມີ​ຄວາມ​ທ້າ​ທາຍ​ກວ່າ​ຫມູ່ ຫລັງ​ຈາ​ຫາ​ກໍ່​ສໍາ​ເລັດ​ການ​ຖົມ​ຊາຍ ​ແລະ​ກຽມ​ລົງມື​ຕອກ​ເສົາ​​ເຂັມ. ​ດ້ານ​ເຈົ້າ​ຂອງ​ໂຄງກາ​ນ​ ຍອມຮັບ​ວ່າ​ໂຄງການ​ດັ່ງກ່າວ​ນີ້ມີ​ຄວາມທ້າຍ​ທາຍຫລາຍ, ​ແຕ່​ຈະ​ພະຍາຍາມ​ຈັດ​ຕັ້ງ​ປະຕິບັດ​ໃຫ້​ສໍາ​ເລັດທັນ ​ໂດຍ​ໄດ້​ມີ​ການ​ຈ້າງ​ຊ່ຽວຊານ​ຈາກ​ຕ່າງປະ​ເທດ​ເຂົ້າມາ​ຊ່ວຍ ​ແລະ ຈະ​ໄດ້​ສຸມ​ວຽກທັງ​ເວັນ​ແລະ​ຄືນ.

ທ່າ​ນນາງ ອໍລະ​ໄທ ສັນຕິ​ຄົງ​ຄາ ປະທານ​ບໍລິສັດ ກຣິດຕະພົງ ກຣຸບຈໍາກັດ ​ໄດ້​ເປີດ​ເຜີຍ​ຕໍ່​ສື​ມວນ​ຊົນ​ວານ​ນີ້​ວ່າ: ຫລັງເຊັນສັນຍາສໍາປະ

ທານກັບນະຄອນຫລວງວຽງ​ຈັນ ໃນຕົ້ນເດືອນທັນວາປີ2011 ກໍ​ເລີ່​ມວຽກ​ທັນທີ ​ໂດຍ​ມາ​ຮອດ​ປະຈຸ​ບັນ​ການ​ຖົມ​ຊາຍ​ໄດ້​ສໍາ​ເລັດ​ລົງ ​ແລະ​ກຽມ ລົງ​ມື້​ຕອກ​ເສົາ​ເຂັມ ​ເພື່ອ​ເລີ່​ມ​ໂຄງ​ສ້າງອາຄານໃຫ້ສໍາເລັດພາຍໃນເດືອນ5-6 ເພື່ອໃຫ້ທັນລະດູຝົນທີ່ຈະມາ​ເຖິງ​ກ່ອນ​ສືບ​ຕໍ່​ລົງ​ຫນ້າ​ວຽກ​ອື່ນໆໃຫ້​ແລ້ວທັນກັບການຮັບ​ໃຊ້ກອງປະຊຸມອາເຊັມ ແຕ່ກໍຕ້ອງໄດ້ສູ້ຊົນກັບເວລາເພາະເວລາຍັງສັ້ນຫລາຍ

ທ່ານ ນາງ​ອໍລະ​ໄທ ກ່າວ​ຕື່ມ​ວ່າ: ໂຄງການກໍ່ສ້າງ​ໂຮງ​ແຮມ5ດາວ ຕັ້ງ​ຢູ່​ຫາດ​ດອນ​ຈັນ​ຕອນ​ໃຕ້​ເບື້ອ​ງຫລັງ​ເຮືອນ​ຮັບ​ແຂກ​ໄມຕີ​ຈິດ ນະຄອນ

ຫລວງ​ວຽງ​ຈັນ ມີເນື້ອທີ່ສໍາປະທານ4ເຮັກຕາປາຍ ແຕ່ຈະໃຊ້ເຮັດໂຮງແຮມ4ເຮັກຕາ ປະກອບດ້ວຍອາຄານ​ໂຮງ​ແຮມ​ສູງ8​ຊັ້ນ196ຫ້ອງ 

ນອນ, ຮ້ານອາຫານ, ຫ້ອງປະຊຸມ,​ ສວນ​ຂຽວ. ແບ່ງການກໍ່ສ້າງອອກເປັນສອງໄລຍະໂດຍໄລຍະທໍາອິດຈະ​ເນັ້ນໃສ່ການເຮັດອາຄານທີ່

ພັກກັບຫ້ອງອາຫານທີ່ຮັບໃຊ້ບັນດາແຂກກອງປະຊຸມອາ​ເຊັມກ່ອນ.

ຈາກນັ້ນໄລຍະທີສອງຈະເຮັດສະໂມສອນຂະຫນາດໃຫຍ່ເພື່ອຮອງຮັບການຈັດກອງປະຊຸມ, ງານລ້ຽງ-ງານດອງຕ່າງໆ ໂດຍຈະພະຍາຍາມໃຫ້ສໍາເລັດໂດຍໄວ ນອກນັ້ນກໍຈະຈັດສະຖານທີ່ຮອບ  ນອກໂດຍຈະເຮັດຮ້ານອາຫານຊົມວິວແຄມຂອງໄວ້ຄອຍບໍລິການແຂກ ທີ່ມາພັກໂຮງແຮມ ແລະ ບຸກຄົນທົ່ວໄປ, ລວມມູນ​ຄ່າ​ການ​ລົງທຶນ​ທັງ​ຫມົດ30​ລ້ານ​ໂດ​ລາ​ສະຫະລັດ.

ປະຈຸ​ບັນທຸກໆຫນ້າວຽກແມ່ນມີຄວາມທ້າທາຍ ເນື່ອງຈາກມີໄລຍະເວລາທີ່ສັ້ນ ແຕ່ທີ່ສຳຄັນແມ່ນເລື່ອງທຳມະຊາດ. ຖ້າທໍາມະຊາດເອື້ອອໍານວຍກໍຈະບໍ່ຫຍຸ້ງຍາກຫຍັງຫລາຍ ແລະ ​ຈະ​ສູ້​ຊົນ​ສ້າງ​ໃຫ້​ສໍາ​ເລັດ​ຕາມ​ແຜນການ ​ເຊິ່ງຄາດ​ວ່າ​ຈະ​ໃຊ້​ແຮງ​ງານ​ເຂົ້າ​ໃນ​ການ​ກໍ່​ສ້າງ500-600​ຄົນ​. ​ແລະ​ໄດ້​ມີ​ການ​ຈາກ​ຊ່ຽວຊານ​ຈາກ​ຕ່າງປະ​ເທດສະ​ເພາະ​ເພື່ອ​ຄຸ້ມ​ຄອງ​ດ້ານ​ຄຸນະພາບ ​ເພາະ​ຕ້ອງ​ແຂ່ງ​ກັບ​ເວລາ​ແຕ່ຕ້ອງ​ໄດ້​ຄຸນະພາບ, ທ່ານ​ຜູ້ອຳນວຍການ​ກ່າວ​ເນັ້ນ​ກັບ​ສື່​ມວນ​ຊົນ​ທີ່​ບໍລິສັດ​ກຣິດຕະພົງ.