ເຫັນບົດນີ້ເປັນໜ້າສົນໃຈກໍ່ເລີຍນຳມາລົງ ເພື່ອໃຫ້ຜູ້ທ່ີຍັງບໍ່ໄດ້ມີໂອກາດໄດ້ອ່ານນຳ
" ໃນເດືອນຂ້ອນປີ 2011 ທີ່ຫາກໍຜ່ານມາເດືອນປາຍນີ້ ຜູ້ຂຽນມີໂອກາດໄດ້ອ່ານບົດຂອງເພື່ອນຄໍລຳ ນານາສາລະ ຊຶ່ງເຮັດໜ້າທີ່ເປັນເວທີແລກປ່ຽນຄຳຄິດເຫັນຈາກມວນຊົນ ເວົ້າອີກແນວໜຶ່ງກໍແມ່ນເວທີຂອງໝົດທຸກຄົນ.
ເພື່ອນຄໍລຳທີ່ເອີ່ຍເຖິງນັ້ນ ຂຽນສະແດງຄຳຄິດເຫັນກ່ຽວກັບການຜັນສຽງພາສາລາວແບບຜິດຜ້ຽນຂອງ ໂຄສົກ ຫຼື ຜູ້ຈັດລາຍການວິທະຍຸ ກໍຄືສື່ເອເລັກໂຕຼນິກອື່ນໆ ໂດຍຍົກໃຫ້ເຫັນການອອກສຽງຄຳວ່າ: ຖືວ່າ ແບບບໍ່ເຂົ້າຫູຈົນຊິຟັງບໍ່ອອກວ່າແມ່ນ ຖືວ່າ ເພາະການອອກສຽງຄຳວ່າ: ຖື ນັ້ນ ທັ່ງລົມອອກແຮງຄ້າຍກັບເວົ້າສຽງໂຕ T ໃນ ພາສາອັງກິດ ເພື່ອນຄໍລຳທີ່ຂຽນບົດນີ້ຄົງເປັນນັກອັກສອນສາດທີ່ຮອບຮູ້ເລື່ອງ ລະບົບການອອກສຽງ ການກຳນົດຈັງຫວະຂອງລີ້ນເວລາກະທົບທັ່ງກັບແຂ້ວ ເພື່ອຜະລິດສຽງໂຕ ທ ໃນພາສາລາວ ຜູ້ຂຽນບໍ່ມີຄວາມຮູ້ດ້ານນີ້ ຮູ້ແຕ່ວ່າມີຄົນລາວບາງຄົນ ໂດຍສະເພາະ ພວກທີ່ມັກເຮັດແນວແປກໆໃໝ່ໆ ໂດຍບໍ່ຫ່ວງວ່າສິ່ງນັ້ນແປກປອມ ຫຼື ບໍ່ ພວກເພິ່ນຄິດວ່າຍິ່ງເວົ້າອອກສຽງໃຫ້ຄືພາສາຕ່າງປະເທດ ກໍແຮງຍິ່ງເຮັດໃຫ້ຕົນເອງ ທັນສະໄໝ ດັ່ງນັ້ນຈຶ່ງບໍ່ແປກ ທີ່ມີບາງຄົນອອກສຽງໂຕ ch ໃນພາສາລາວ ດ້ວຍການທັ່ງລົມກະທົບລີ້ນແຮງໆ ຄືໂຕ T ໃນພາສາອັງກິດ ດັ່ງນັ້ນ ຖືວ່າ ຈຶ່ງອອກສຽງຄື TuVa.
ນອກຈາກນັ້ນ ຜູ້ຂຽນຍັງເຫັນວ່າ ບາງຄົນແກ້ງອອກສຽງໂຕ ຈ ໃນພາສາລາວຄືດຽວກັບໂຕ ch ໃນພາສາອັງກິດ ເຊັ່ນ: ເວລາອອກສຽງຄຳວ່າ ໃຈ ໃນ ຫົວໃຈ ກໍ ຈ້ອມຂີ້ສົບເຂົ້າ ແລ້ວທັ່ງລົມລອດຫວ່າງແຂ້ວອອກມາແຮງ ເປັນ: HuaChay (ຫົວໃຈ) ບໍ່ເຊື່ອທ່ານລອງຟັງໂຄສົກສາຍຕາສັ້ນ (ແປວ່າບໍ່ເບິ່ງກ້ວາງເຫັນໄກກ່ວາກັບຄວາມເປັນຊາດ) ອອກສຽງຄຳວ່າ: ຫົວໃຈ ກໍຈະຍິນສຽງແປກໆ ຫຼື ບໍ່ກໍໃຫ້ຟັງຄຳວ່າ: ຫົວໃຈ ອອກຈາກປາກຂອງນັກຮ້ອງປະເພດກະເທີນບາງຄົນກໍໄດ້.
ນອກຈາກການເສືອກອອກສຽງພະຍັນຊະນະ ທຖ ແລະ ຈ ເປັນຄືສຽງໂຕ T ແລະ ch ໃນພາສາອັງກິດແລ້ວ ກໍຍັງມີສຽງໂຕ S ຫັນລີ້ນທີ່ເຮັດຄືສຽງໂຕ R ໃນ ພາສາອັງກິດ ເພື່ອສະແດງວ່າຕົນຮູ້ພາສາອັງກິດດີ ຈົນຊິເວົ້າຄວາມລາວບໍ່ເປັນ ຖ້າເປັນພວກດັງໂມຕາລວກ ເຈົ້າຂອງພາສາ ຜູ້ຂຽນຄົງບໍ່ວ່າຫຍັງ ອັນນີ້ດັງແໝບ ໃຫຍ່ຍ້ອນແຈ່ວປາແດກແທ້ໆ ແຕ່ມາເສືອກກະໂຫຼກລືມຊາດ."
ໂດຍ: ຄົນແດດດຽວ
ສໍາຫຼັບ ຂພຈ ວ່າ ຄວາມດີທີ່ຈະເວົ້ານໍາພວກນີ້ບໍ່ມີແລ້ວ..........
ເພາະເຂົາເປັນຄົນມີການສຶກສາຢູ່ ມີຄວາມສາມາດຢູ່
ຈຶ່ງໄດ້ຮັບການຄັດເລືອກຈາກຄົນຈໍານວນລ້ານມາທໍາໜ້າທີ່ນີ້
ແຕ່ ການສະແດງອອກໃນພຶດຕິກໍານອກລູ່ ນອກທາງ ຢ່າງໄຮ້ກຽດນີ້
ເປັນສັນດານຂອງຄົນທີ່ບໍ່ມີສັກສີ , ບໍ່ມີແນວຄິດຊາດນິຍົມ
ສອງຢ່າງນີ້ ບໍ່ມີມະຫາວິທະຍາໄລໃດສອນໄດ້ ແລະອັດສີດໃສຫົວໃຈຂອງຄົນໄດ້ .
ມັນເປັນທາດແທ້ຂອງເຂົາ
ເມື່ອບໍ່ດີແນວນີ້ ກໍບໍ່ຄວນໃຊ້ອີກ,
ສຶກສາອົບຮົມບໍ່ໄດ້ ກໍ ຂ້າຖິ້ມ !
ເພາະຄົນດີ ມີຄວາມສາມາດຈະເຮັດໄດ້ນັ້ນບໍ່ອຶດ
ຂໍແຕ່ໃຫ້ເຂົາເຈົ້າມີໂອກາດ
ການສ້າງຄົນຊໍ່ານີ້ບໍ່ເປັນການຍາກພໍປານໃດດອກ
Tiva = ທີວ້າ
ບໍ່ແມ່ນຖີວາ
ນັກອ່ານຂ່າວອ່ານພາສາອັງກິດຜິດສຳນຽງຂອງຄວາມເວົ້າໃນພາສາອັງກິດຍ້ອນອ່ານຕາມໂຕລາວທີ່ຂຽນບໍ່ຖືກສຳນຽງຂອງຄວາມທີ່ຢູ່ໃນພາສາອັງກິດນັ້ນເອງ
