ສະຫະພັນບານເຕະແຫ່ງອາຊີ ຫຼື AFC ໄດ້ທຳການຈົກສະຫຼາກແບ່ງສາຍ ເຕະບານລຸ້ນອາຍຸບໍ່ເກີນ 22 ປີ ຫຼື U-22 ອາຊຽນ ຄັບ 2013 ຮອບຄັດເລືອກຂຶ້ນວັນທີ 13 ກຸມພາ 2012 ທີ່ສຳນັກງານໃຫຍ່ AFC ນະຄອນຫຼວງກວາລາລຳເປີ ປະເທດມາເລເຊຍ ໂດຍທີມຊາດລາວຖືກຈັດຢູ່ຮ່ວມກຸມ F ປະກອບມີ: ສປປ ເກົາຫຼີ ສປ ຈີນ ໄທ ຮົງກົງ ແລະ ກຳປູເຈຍ.
ອີງຕາມຂໍ້ມູນຈາກສະຫະພັນບານເຕະແຫ່ງຊາດລາວ ໄດ້ແຈ້ງໃຫ້ຊາບໃນວັນທີ 15 ກຸມພາ 2012 ຜ່ານມາວ່າ: ການແຂ່ງຂັນເຕະບານລຸ້ນອາຍຸບໍ່ເກີນ 22 ປີ ອາຊຽນ ຄັບ ຮອບຄັດເລືອກ 2013 ຫຼື “AFC U-22 Asian Cup 2013 Qualifiers” ໄດ້ທຳການຈົກສະຫຼາກແບ່ງສາຍເປັນທີ່ຮຽບຮ້ອຍແລ້ວ ແລະ ຈະທຳການແຂ່ງຂັນກັນໃນລະຫວ່າງວັນທີ 23ມິຖຸນາ ຫາ 3ກໍລະກົດ 2012ຊຶ່ງທີມຊາດລາວຖືກຈັດຢູ່ຮ່ວມກຸ່ມ F ປະກອບມີ: ສປປ ເກົາຫຼີ ສປ ຈີນ ໄທ ຮົງກົງ ແລະ ກຳປູເຈຍ ເພື່ອຄັດເລືອກເອົາທີມທີ່ມີຄະແນນດີທີ່ສຸດ ທີມອັນດັບທີ 1-2ຜ່ານເຂົ້າໄປຫຼິ້ນໃນຮອບຕໍ່ໄປ... ຂະນະທີ່ ສປປ ລາວຈະເປັນເຈົ້າພາບຈັດການແຂ່ງຂັນໃນຮອບຄັດເລືອກນີ້.
