ໃນການສ້າງເຂື່ອນໄຟຟ້າ ໃນລາວແລ້ວ ຫຼາຍກວ່າ 80 ໂຄງການ ໃນທົ່ວປະເທດ.
Anonymous wrote:ໃນການສ້າງເຂື່ອນໄຟຟ້າ ໃນລາວແລ້ວ ຫຼາຍກວ່າ 80 ໂຄງການ ໃນທົ່ວປະເທດ.
Anonymous wrote:ຕັ້ງກະທູ້ຂຶ້ນມາແບບຂີ້ຄ້ານ ມັກງ່າຍ ບໍ່ມີຂໍ້ມູນອ້າງອີງ. ມີໝູ່ບ້ານພັດທະນາຈັກໝູ່ບ້ານທີ່ໄດ້ຮັບຜົນປະໂຫຍດຈາໂຄງການເຫຼົ່ານັ້ນ ແບບວ່າບໍ່ໄດ້ເສຍເງິນຄ່າຕິດຕັ້ງ ບໍ່ໄດ້ເສຍເງິນຄ່າໄຟຫັ້ນນະ?
ຕັ້ງກະທູ້ຂຶ້ນມາແບບຂີ້ຄ້ານ ມັກງ່າຍ ບໍ່ມີຂໍ້ມູນອ້າງອີງ. ມີໝູ່ບ້ານພັດທະນາຈັກໝູ່ບ້ານທີ່ໄດ້ຮັບຜົນປະໂຫຍດຈາໂຄງການເຫຼົ່ານັ້ນ ແບບວ່າບໍ່ໄດ້ເສຍເງິນຄ່າຕິດຕັ້ງ ບໍ່ໄດ້ເສຍເງິນຄ່າໄຟຫັ້ນນະ?
ເຈົ້າໜ້າທີ່ຂັ້ນສູງ ໃນກະຊວງພະລັງງານແລະບໍ່ແຮ່ຂອງລາວ ໄດ້ໃຫ້ການຢືນຢັນວ່າ ມາຮອດປັດຈຸບັນນີ້ ລັດຖະບານລາວໄດ້ອະນຸມັດໃຫ້ບໍລິສັດຕ່າງປະເທດເຮັດການສຶກສາ ຄວາມເປັນໄປໄດ້ຂອງໂຄງການກໍ່ສ້າງເຂື່ອນໃນລາວໄປແລ້ວຫຼາຍກວ່າ 80 ໂຄງການໃນທົ່ວປະເທດ ໂດຍກຸ່ມນັກລົງທຶນທີ່ໄດ້ຮັບອະນຸຍາດໃຫ້ດໍາເນີນການດັ່ງກ່າວນີ້ຫຼາຍທີ່ສຸດກໍຄືກຸ່ມນັກລົງທຶນຈາກຈີນຕິດຕາມດ້ວຍກຸ່ມນັກລົງທຶນຈາກໄທ ແລະຫວຽດນາມຕາມລໍາດັບ.
ສາເຫດທີ່ລັດຖະບານລາວ ໄດ້ອະນຸຍາດໃຫ້ບັນດາບໍລິສັດຕ່າງປະເທດ ດໍາເນີນການສຶກສາຄວາມເປັນໄປໄດ້ຂອງໂຄງການກໍ່ສ້າງເຂື່ອນໃນລາວຈໍານວນຫຼາຍດັ່ງກ່າວນີ້ ກໍເພື່ອເປັນການຕອບສະໜອງຕໍ່ເປົ້າໝາຍຂອງລັດຖະບານລາວ ທີ່ຈະພັດທະນາລາວໄປສູ່ການເປັນປະເທດຜູ້ສົ່ງອອກພະລັງງານໄຟຟ້າລາຍໃຫຍ່ທີ່ສຸດ ຫຼືເປັນໝໍ້ໄຟຂອງອາຊ່ຽນໃຫ້ໄດ້ ຊຶ່ງໃນປະຈຸບັນນີ້ກໍປະກົດວ່າມີເຂື່ອນທີ່ກໍ່ສ້າງສໍາເລັດແລ້ວ ແລະກໍໄດ້ທໍາ ການຜະລິດກະແສໄຟຟ້າແລ້ວຈໍານວນ 14 ໂຄງການ ມີກໍາລັງຕິດຕັ້ງລວມກັນ 2,542ເມກາວັດ ແລະກໍສາມາດຜະລິດກະແສໄຟຟ້າໄດ້ລວມກັນຫຼາຍກວ່າ 11,000 ລ້ານກິໂລວັດໂມງ ຕໍ່ປີຫຼືເພີ່ມຂຶ້ນຈາກປີ 2005 ເຖິງ 3 ເທົ່າໂຕ.
ໂຄງການເຂື່ອນທີ່ມີຂະໜາດໃຫຍ່ທີ່ສຸດ ແລະໄດ້ທໍາການຜະລິດກະແສໄຟຟ້າເພື່ອສົ່ງຂາຍໃຫ້ກັບການໄຟຟ້າຝ່າຍຜະລິດແຫ່ງປະເທດໄທ (EGAT) ນັບຈາກເດືອນມີນາ 2009 ເປັນຕົ້ນມາແລ້ວນັ້ນ ກໍຄືໂຄງການເຂື່ອນໄຟຟ້ານໍ້າເທີນ 2 ບໍ່ພຽງແຕ່ຈະສ້າງລາຍຮັບໃຫ້ແກ່ລັດຖະບານລາວເທົ່ານັ້ນ ຫາກແຕ່ ກໍຍັງມີພັນທະຈະຕ້ອງປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະການອະນຸລັກສະພາບແວດລ້ອມທໍາມະຊາດໃນລາວອີກດ້ວຍ. ດັ່ງທີ່ເຈົ້າໜ້າທີ່ບໍລິສັດໄຟຟ້ານໍ້າເທີນ 2 ໄດ້ໃຫ້ການຊີ້ແຈງໃນຕອນນຶ່ງວ່າ:
“ໂຄງການນໍ້າເທີນ 2 ພວກເຮົາເປັນທັງໂຄງການຜະລິດໄຟຟ້າ ແລ້ວກະເຮັດໃຫ້ວຽກງານພັດທະນາສັງຄົມ ແລະພວກເຮົາຍັງໄດ້ເຮັດໃຫ້ວຽກງານປົກປັກຮັກສາສິ່ງແວດລ້ອມຄວບຄູ່ກັນໄປນໍາພວກເຮົາຈະປົກປັກຮັກສາຊີວະນາໆພັນ, ອານຸລັກສັດປ່າທີ່ຢູ່ໃນເຂດປ່າສະຫງວນແຫ່ງຊາດນາກາຍ ແລະນອກຈາກນັ້ນ ພວກເຮົາກະຍັງມີການສຶກສາອົບຮົມສ້າງຈິດສຳນຶກໃຫ້ແກ່ປະຊາຊົນພວກເຮົາ ກໍຍັງມີການຕິດຕາມຄຸນນະພາບນໍ້າ.”
ທັງນີ້ ນັບຈາກເດືອນມີນາ 2009 ເຖິງເດືອນທັນວາ 2010 ທີ່ຜ່ານມານັ້ນ ບໍລິສັດນໍ້າເທີນ2 ມີລາຍໄດ້ຈາກການຂາຍກະແສໄຟຟ້າດັ່ງກ່າວແລ້ວ ຄິດເປັນມູນຄ່າ 400 ລ້ານໂດລາ ແລະກໍຍັງມີລາຍໄດ້ຈາກການຂາຍກະແສໄຟຟ້າໃຫ້ລັດວິສາຫະກິດໄຟຟ້າລາວ (EDL) ອີກໃນມູນຄ່າ 20 ກວ່າລ້ານໂດລາ ໂດຍທີ່ລັດຖະບານລາວຈະໄດ້ຮັບສ່ວນແບ່ງເປັນຄ່າສໍາປະທານໃນມູນຄ່າສະເລ່ຍ 80 ລ້ານໂດລາຕໍ່ປີ ເປັນເວລາ 25 ປີ.
ແຕ່ຢ່າງໃດກໍຕາມໃນຈຳນວນ 14 ໂຄງການເຂື່ອນດັ່ງກ່າວ ເຖິງແມ່ນວ່າ ຈະເປັນເຂື່ອນທີ່ຢູ່ພາຍໃຕ້ການດູແລແລະຄຸ້ມຄອງຂອງ EDL ຈໍານວນ 9 ເຂອນກໍຕາມແຕ່ກໍມີກໍາລັງຕິດຕັ້ງຮວມກັນພຽງແຕ່ 385 ເມກາວັດ ແລະກໍສາມາດຜະລິດກະແສໄຟຟ້າໄດ້ຮວມກັນໃນປະລິມານບໍ່ເກີນ 1,800 ລ້ານກິໂລວັດໂມງຕໍ່ປີ ແລະໃນນີ້ກໍເປັນກະແສໄຟຟ້າທີ່ຕອບສະໜອງການຊົມໃຊ້ພາຍໃນປະເທດໃນປະລິມານລວມ 1,400 ລ້ານກິໂລວັດໂມງຕໍ່ປີ ຊຶ່ງກໍໝາຍຄວາມວ່າ EDL ມີພະລັງງານໄຟຟ້າອອກໄປຕ່າງປະເທດ ບໍ່ເກີນ 400 ລ້ານກິໂລວັດໂມງ ຕໍ່ປີເທົ່ານັ້ນ.
ສ່ວນອີກ 5 ໂຄງການທີ່ບໍ່ໄດ້ຢູ່ໃນການຄຸ້ມຄອງຂອງ EDL ນັ້ນເປັນການລົງທຶນຂອງຕ່າງປະເທດ ທີ່ສາມາດຜະລິດກະແສໄຟຟ້າໄດ້ໃນປະລິມານລວມກັນຫຼາຍກວ່າ 2,157 ເມກາວັດ ທີ່ສາມາດ ຜະລິດກະແສໄຟຟ້າ ໄດ້ໃນປະລິມານລວມກັນຫຼາຍກວ່າ 9,200 ລ້ານກິໂລວັດໂມງຕໍ່ປີ ແຕ່ເນື່ອງຈາກວ່າ ເຂື່ອນທີ່ເປັນການລົງທຶນຂອງຕ່າງປະເທດໃນລາວນັ້ນມີເປົ້າໝາຍເພື່ອການສົ່ງອອກພະລັງງານໄຟຟ້າໄປຕ່າງປະເທດເປັນດ້ານຫຼັກ ຈຶ່ງເຮັດໃຫ້ມີການຕອບສະໜອງການຊົມໃຊ້ພະລັງງານໄຟຟ້າພາຍໃນລາວໄດ້ຢ່າງຈໍາກັດນັ້ນເອງ.
