Pasalao

Anonymous wrote:

---

ຮູບເງົາສາລະຄະດີ Surviving the Peace ເວົ້າເຖິງຜົນກະທົບຂອງ ລະເບີດບໍ່ທັນແຕກໃນລາວ (ເບິ່ງວີດີໂອລາວ/ອັງກິດ)

ເສດເຫລືອຈາກສົງຄາມ ຮວມທັງລະເບີດທີ່ຍັງບໍ່ແຕກແລະລະເບີດຝັງດິນນັ້ນ ຍັງພົບເຫັນ ຢູ່ໃນຫລາຍໆປະເທດທົ່ວໂລກ ເຖິງແມ່ນວ່າສົງຄາມໄດ້ສິ້ນສຸດລົງ ຫລາຍສິບປີແລ້ວກໍຕາມ. ໄພອັນຕະລາຍເຫລົ່ານີ້ຍັງສືບຕໍ່ທໍາລາຍຊີວິດຂອງປະຊາຊົນຢູ່ໃນເຂດທ້ອງຖິ່ນ ທີ່ອາດບໍ່ຮູ້ ເລີຍວ່າ ເຂົາເຈົ້າກໍາລັງອາໄສຢູ່ໃນທົ່ງລະເບີດ. ເມື່ອໄວໆມານີ້ ອົງການນາໆຊາດ ອົງການ ນຶ່ງທີ່ຊ່ວຍເກັບກູ້ແລະທໍາລາຍອາວຸດທີ່ຕົກຄ້າງມາ ແຕ່ປາງສົງຄາມ ຢູ່ຕາມເຂດ ສູ້ລົບຕ່າງໆ ໄດ້ນຳອອກສາຍສາລະຄະດີຮູບເງົາເລື່ອງນຶ່ງ ທີ່ມີຊື່ວ່າ Surviving the Peace ຫລື “ການມີຊີວິດຢູ່ລອດໃນຍາມສະຫງົບ” ຊຶ່ງສະແດງໃຫ້ເຫັນວ່າເສດເຫລືອຈາກສົງຄາມເຫຼົ່ານັ້ນ ມີຜົນກະທົບແນວໃດຕໍ່ຊີວິດການເປັນຢູ່ຂອງປະຊາຊົນ ເຖິງແມ່ນວ່າປະເທດຂອງເຂົາເຈົ້າ ໄດ້ໂຜ່ໂຕອອກມາຈາກສົງຄາມແລ້ວກໍຕາມ. ຜູ້ສື່ຂ່າວວີໂອເອ Amra Alirejsovic ມີລາຍ ງານກ່ຽວກັບເລື່ອງນີ້ ດັ່ງດາຣາຈະນຳມາສະເໜີທ່ານ.

---

 http://www.voanews.com/lao/news/--Surviving-the-Peace-1-28-12-138286114.html