ກຸ່ມຄົນຮ້າຍທີ່ເຄື່ອນໄຫວປຸ້ນຊັບຢູ່ເມືອງສີສັດຕະນາກ ຖືກເຈົ້າໜ້າທີ່ໜ່ວຍແກ້ໄຂປຸ້ນຈີ້-ຊີງຊັບ ແລະ ລັກຊັບພົນລະເມືອງຂອງກອງບັນຊາການ ປກສ ເມືອງສີສັດຕະນາກ ຕິດຕາມຈັບຕົວມາດຳເນີນຄະດີໄດ້ທັງໝົດ 6 ຄົນ ຄື: 1. ທ້າວ ວິໄຊ ຫຼື ດອນ ອາຍຸ 20 ປີ ບ້ານເພຍວັດ ເມືອງສີສັດຕະນາກ 2. ທ້າວ ຄຳຫຼ້າ ຫຼື ເປີ້ນ ອາຍຸ 19 ປີ ບ້ານຝາຍ ເມືອງໄຊເຊດຖາ 3. ທ້າວ ບຸນສົມ ຫຼື ຕຽນ ອາຍຸ 28 ປີ ຢູ່ບ້ານສີເມືອງ ເມືອງສີສັດຕະນາກ 4.ທ້າວ ອານຸສອນ ຫຼື ຕ້ຳ ອາຍຸ 19 ປີ ບ້ານວັດໄຕໃຫຍ່ ເມືອງສີໂຄດຕະບອງ 5. ທ້າວ ອິນທະບັນດິດ ຫຼື ຕູ່ນີ່ ບ້ານບຶງຂະຫຍອງ ເມືອງສີສັດຕະນາກ 6. ທ້າວ ນິຍົມລັດ ຫຼື ອໍ່ລໍ້ ອາຍຸ 23 ປີ ບ້ານເພຍວັດ ເມືອງສີສັດຕະນາກ ຜູ້ຕ້ອງຫາທັງ 6 ຄົນ ຖືກກັກຕົວໃນຕົ້ນເດືອນພະຈິກ 2011 ທີ່ຜ່ານມາ.
ທ້າວ ວິໄຊ ຮັບສາລະພາບວ່າ: ໃນໄລຍະຜ່ານມາ ໄດ້ຮ່ວມກັບກຸ່ມແກ້ງເຄື່ອນໄຫວປຸ້ນຊັບ ແລະ ຊີງຊັບມາແລ້ວ 8 ຄັ້ງ ໃນນີ້ມີ 1. ໃນວັນທີ 14 ຕຸລາ 2011 ເວລາປະມານ 17:00 ໂມງ ໄດ້ຮ່ວມກັບພັກພວກ 3 ຄົນ ໃຊ້ປືນສັ້ນ 2 ກະບອກ ປຸ້ນຊັບຢູ່ໃນຮ້ານຂາຍສົ່ງເບຍທີ່ບ້ານໂພນປ່າເປົ້າ ເມືອງສີສັດຕະນາກ ໄດ້ສ່ວນແບ່ງຈາກການປຸ້ນ 4.900.000 ກີບ ກັບ 2.000 ບາດ 2. ໃນໄລຍະເດືອນທັນວາ 2011 ເວລາປະມານ 23:00 ໂມງ ຮ່ວມກັບພັກພວກ 3 ຄົນ ໃຊ້ງ້າວປຸ້ນຈີ້ຜູ້ຍິງສອງຄົນ ຢູ່ໜ້າຮ້ານກຸ້ງເຜົາ ເຂດບ້ານທາດຂາວ ໄດ້ຊັບສິນຢູ່ໃນກະເປົາເງິນ ລວມມີເງິນບາດ 3.100 ບາດ ເງິນກີບ 460.000 ກີບ ໂທລະສັບ 1 ໜ່ວຍ 3. ໃນເດືອນທັນວາ 2011 ເວລາປະມານ 24:00 ໂມງ ຮ່ວມກັບພັກພວກໃຊ້ງ້າວປຸ້ນຈີ້ເອົາກະເປົາເງິນຂອງຍິງສາວ ຢູ່ສາມແຍກໂຮງແຮມສາມໄຊ ໄດ້ຊັບສິນໃນກະເປົາ ມີເງິນ 460.000 ກີບ ກັບໂທລະສັບ 1 ໜ່ວຍ 4. ໃນວັນທີ 28 ທັນວາ ເວລາປະມານ 22:00 ໂມງ ໄດ້ຮ່ວມກັບກຸ່ມແກ້ງ 5 ຄົນ ປຸ້ນຊັບຢູ່ໃນຮ້ານເສີມສວຍທີ່ບ້ານບຶງຂະຫຍອງ ຄັ້ງນີ້ໃຊ້ເຄື່ອງຊ໋ອດໄຟຟ້າກັບປືນສັ້ນໜຶ່ງກະບອກ ໄດ້ສ່ວນແບ່ງເງິນກີບ 5 ລ້ານ ກັບ 30.000 ບາດ ເງິນໂດລາ 100 ໂດລາ ແລະ ໂທລະສັບ 1 ໜ່ວຍ 5. ເວລາປະມານ 23:00 ໂມງຂອງວັນທີ 2 ພະຈິກ 2011 ໄດ້ຮ່ວມກັບກຸ່ມແກ້ງ 3 ຄົນ ປຸ້ນຊັບໃນຮ້ານຂາຍເສື້ອຜ້າ ຢູ່ທີ່ເສັ້ນທາງຄູວຽງ ເຂດບ້ານພະໄຊ ໄດ້ສ່ວນແບ່ງ 1.300.000 ກີບ ສະເພາະຄະດີນີ້ ທ້າວ ຄຳຫຼ້າ ໄດ້ຮ່ວມກັບກຸ່ມແກ້ງ ເຄື່ອນໄຫວປຸ້ນຊັບ-ຊີງຊັບມາແລ້ວ 16 ຄັ້ງ ແລະ ເຄີຍຕ້ອງໂທດໜຶ່ງຄັ້ງ ທ້າວ ບຸນສົມ ຫຼື ຕຽນ ໄດ້ຮ່ວມກັບພັກພວກເຄື່ອນໄຫວປຸ້ນຊັບ-ຊີງຊັບມາແລ້ວ 7 ຄັ້ງ ແລະ ເຄີຍຕ້ອງໂທດມາແລ້ວ 1 ຄັ້ງ ໃນຄະດີນັກເລັງອັນຕະພານ ທ້າວ ອານຸສອນ ຫຼື ຕ້ຳ ຮ່ວມກັບກຸ່ມແກ້ງເຄື່ອນໄຫວປຸ້ນຊັບ-ລັກຊັບ 3 ຄັ້ງ ທ້າວ ອິນທະບັນດິດ ເຂົ້າຮ່ວມ 3 ຄັ້ງ ແລະ ທ້າວ ນິຍົມລັດ ເຂົ້າຮ່ວມ 2 ຄັ້ງ.
ເຈົ້າໜ້າທີ່ກອງສືບສວນ-ສອບສວນຄະດີອາຍາ ປກສ ເມືອງສີສັດຕະນາກ ໃຫ້ຮູ້ວ່າ: ຜູ້ຕ້ອງຫາທັງໝົດ 6 ຄົນ ໄດ້ມີການເຄື່ອນໄຫວປຸ້ນຊັບ-ຊີງຊັບເປັນກຸ່ມແກ້ງ ແລະ ໃນການປຸ້ນຊັບແຕ່ລະຄັ້ງ ແມ່ນມີການວາງແຜນຈັດແບ່ງໜ້າທີ່ກັນຢ່າງລະອຽດ ສ່ວນຜູ້ເປັນຫົວໂປ່ໂຕການ ແລະ ພັກພວກຈຳນວນໜຶ່ງ ຍັງຫຼົບໜີການຈັບກຸມຂອງເຈົ້າໜ້າທີ່.
ປັດຈຸບັນ ເຈົ້າໜ້າທີ່ ປກສ ເມືອງສີສັດຕະນາກ ໄດ້ລາຍງານຜົນການສອບສວນຂັ້ນຕົ້ນ ໃຫ້ຫົວໜ້າໄອຍະການປະຊາຊົນ ເຂດ III ເພື່ອຂໍຄຳສັ່ງກັກຂັງພາງ ແລະ ຄຳສັ່ງເປີດການສອບສວນຂະຫຍາຍຄວາມຄະດີ ເພື່ອຫາກຸ່ມແກ້ງຮ່ວມກໍ່ເຫດ ມາດຳເນີນຄະດີຕາມກົດໝາຍ.
ເຖິງຈະຈັບໄດ້ແຕ່ທ້າຍແຖວກໍ່ຂໍຍ້ອງຍໍຊົມເຊີຍເຈົ້າໜ້າທີ່ໆມີຄວາມສາມາດແລະມີນໍ້າໃຈຮັບຜິດຊອບຕໍ່ໜ້າທີ່ວຽກງານ ຮັບໃຊ້ຊາດ ຮັບໃຊ້ປະຊາຊົນຢ່າງສຸດໃຈ.
NOW YOU KNOW LAOS IS NOT COMMUNIST ANY MORE.
