Pasalao

http://www.senotimes.com/textDetail.php?textID=383

ໃນ​ວັນ​ດຽວ​ກັນ​ນີ້ ກໍ​ໄດ້​ມີ​ພິ­ທີ​ເຊັນ​ສັນ­ຍາ​ໂຄງ­ການ​ກໍ່­ສ້າງ​ຂົວ​ຂ້າມ​ນ້ຳ­ຂອງ ຈຸດ​ບ້ານ​ນາ​ສັກ-ຄົກ​ເຂົ້າ­ດໍ ລະ­ຫວ່າງ ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ ກັບ​ບໍ­ລິ­ສັດ​ໄຊ​ຍາ​ກໍ່­ສ້າງ​ຂົວ​ທາງ ແລະ ຮາຍ​ນານ​ຈົງ​ຮັງ​ຊິນ ຮ່ວມ​ລົງ​ນາມ​ຕາງ­ໜ້າ​ໃຫ້​ເຈົ້າ​ຂອງ​ໂຄງ­ການ​ແມ່ນ​ທ່ານ ບົວ​ວຽງ ຈຳ­ປາ​ພັນ ຫົວ­ໜ້າ​ໂຄງ­ການ​ກໍ່­ສ້າງ​ຂົວ​ຂ້າມ​ນ້ຳ­ຂອງ ນາ​ສັກ-ຄົກ​ເຂົ້າ­ດໍ ກົມ​ຂົວ​ທາງ ແລະ ຕາງ­ໜ້າ​ຜູ້​ລົງ­ທຶນ​ກໍ່­ສ້າງ​ແມ່ນ​ທ່ານ ສິດ­ທິ­ໄຊ ໄຊ­ຊະ­ນະ ປະ­ທານ​ບໍ­ລິ­ສັດ​ໄຊ​ຍາ​ກໍ່­ສ້າງ​ຂົວ​ທາງ ຈຳ­ກັດ.

ຂົວ​ຂ້າມ​ນ້ຳ­ຂອງ ນາ​ສັກ-ຄົກ​ເຂົ້າ­ດໍ ຢູ່​ເມືອງ​ປາກ​ລາຍ ແຂວງ​ໄຊ​ຍະ​ບູ​ລີ ແມ່ນ​ນອນ​ຢູ່​ໃນ​ແລວ​ທາງ​ເສດ­ຖະ­ກິດ​ເຊື່ອມ​ຕໍ່​ບັນ­ດາ​ແຂວງ​ທາງ​ພາກ​ຕາ­ເວັນ​ອອກ­ສຽງ​ເໜືອ ເຂົ້າ​ສູ່​ນະ­ຄອນ­ຫຼວງ​ວຽງ​ຈັນ ແລະ ຈະ​ເຊື່ອມ​ຕໍ່​ແຜ່ນ­ດິນ​ລາວ​ສອງ​ຟາກ​ຝັ່ງ​ນ້ຳ­ຂອງ​ເຂົ້າ­ກັນ​ຄື ເມືອງ​ປາກ​ລາຍ ແຂວງ​ໄຊ​ຍະ​ບູ​ລີ ກັບ​ເມືອງ​ຊະ­ນະ​ຄາມ ແຂວງ​ວຽງ​ຈັນ ຂົວ​ແຫ່ງ​ນີ້​ມີ​ຄວາມ​ຍາວ​ທັງ​ໝົດ 365 ແມັດ ກ້ວ​າງ 12 ແມັດ ມີ 5 ຊ່ວງ 4 ເສົາ ຊ່ວງ​ກາງ​ຍາວ 100 ແມັດ ສ່ວນ​ເຫຼືອ​ນັ້ນ​ແຕ່​ລະ​ໄລ­ຍະ ຍາວ 60 ແມັດ ການ​ກໍ່­ສ້າງ​ຈະ​ເລີ່ມ​ລົງ­ມື​ເດືອນ​ມັງ­ກອນ 2012 ແລະ ຈະ​ໃຫ້​ສຳ­ເລັດ​ພາຍ​ໃນ 3 ປີ