ຂພຈ ຄິດວ່າເພງທີ່ຈະຮ້ອງໃນງານສ້າງສັນບໍ່ວ່າຈະເປັນງານບຸນ ຫຼື ງານອັນໃດກໍຕາມ
ຂພຈ ວ່າເພງທີ່ຈະນຳມາຮ້ອງຄວນໃຫ້ມັນມີເນື້ອໃນດີໆ ທີ່ຈະສ້າງຄວາມສາມັກຄີປອງດອງກັນ, ເວົ້າຄວາມຮັກແພງກັນ
ຫຼື ບໍ່ກະໃຫ້ເປັນລັກຊະນະໃຫ້ເຫັນຄຸນເຫັນໂທດໃນສິ່ງໃດສິ່ງໜຶ່ງ ແຕ່ເວົ້າໂດຍລວມມັນກະດີງານສ້າງສັນນະຖ້າເຮັດໃຫ້ມັນຖືກ
ແຕ່ເພງທີ່ພວກເພິ່ນມັກເປີດແມ່ນມີແຕ່ລັກສະນະຢົ້ວຢວນອາລົມທາງເພດຫຼາຍກວ່າບໍ່ວ່າຈະສື່ຄວາມໝາຍ
ໂດຍທາງກົງ ຫຼື ອ້ອມກໍ່ຕາມເຊັ່ນເພງ: ກິນຕັບ.....ແລະຍັງມີອີກຫຼາຍໆເພງແຕ່ດຽວນີ້ມາແຮງສຸດແມ່ນເພງ ຄັນຫູ
ມື້ວານນີ້ ຂພຈ ໄດ້ໄປໄຫວ້ພຣະນຳຄູບາຢູ່ວັດແຕ່ຢູ່ຂ້າງວັດພັດຈັດງານສ້າງສັນເປີດສຽງດັ່ງເກີນໄປຈົນບໍ່ໄດ້ຍິນສຽງຄູບາເພິ່ນໄຫວ້ພຣະຊ້ຳ
ບໍ່ມີໃຜຫ້າມດອກຖ້າຈະຈັດງານສ້າງສັນແຕ່ກະຄວນໃຫ້ມັນເໝາະສົມແດ່ຢ່າໃຫ້ເກີນຂອບເຂດຫຼາຍ
ການທີ່ເຮົາປ່ອຍສືທີ່ບໍ່ດີໃຫ້ມັນເຂົ້າເຖິງເດັກນ້ອຍເທົ່າກັບຂ້າເດັກນ້ອຍທາງອ້ອມມັນໄປທຳລາຍຈິດໃຈເຂົາ
ຜູ້ໃຫຍ່ຄວນເປັນແບບເປັນຢ່າງທີ່ດີໃຫ້ເດັກນ້ອຍເຫັນເຂົາຈຶ່ງໄດ້ເຮັດແນວດີໆຕາມ
ອັນນີ້ແມ່ນຫຍັງ 40 50 60 ຍັງພາກັນເຕັ້ນພາກັນຮ້ອງແລ້ວລົມກັນແຕ່ເລື່ອງອາລົມທາງເພດ
ເດັກນ້ອຍມັນໄດ້ເຫັນໄດ້ຍິນເຂົາກະເກັບໄປຄິດ ມັນບໍ່ແມ່ນໄດ້ຍິນລະແລ້ວໃດເລື່ອງອາລົມທາງເພດນິເຂົາເກັບໄວ້ໃນໃຈຄິດໄປຄິດມາຢູ່ເລື້ອຍໆ
ແລ້ວດົນໆໄປເຂົາຢາກໄປໃສເຂົາກໍ່ໄປຢາກເຮັດຫຍັງເຂົາກະເຮັດ ຫຼື ຢາກແຕ່ງໂຕແບບໃດກໍ່ໄດ້ຕາມໃຈເຂົາເຈົ້າ
ບາດບັນຫາມັນເກີດຂື້ນມາພາຍຫຼັງລະພາກັນໂທດແຕ່ເດັກນ້ອຍວ່າເຂົາມັນບໍ່ດີຈັ່ງຊັ້ນຈັ່ງຊີ້ ແລ້ວເຂົາເອົາຕົວຢ່າງມານຳໃຜລະ
ຖ້າບໍ່ແມ່ນຜູ້ໃຫຍ່ພາເຮັດມັນກະເປັນຍ້ອນຄ່ານິຍົມຂອງສັງຄົມ ຫາກຜູ້ໃຫຍ່ບໍ່ພ້ອມແລ້ວເດັກນ້ອຍໄປບໍ່ໄດ້ຮອດໃສດອກ
ມື້ນັ້ນ ຂພຈ ໄດ້ໄປງານບຸນຢູ່ເຮືອນພີ່ນ້ອງ ມີເດັກນ້ອຍປະມານສິບປີນິລະຢ່າງກາຍມາໂຕະ ຂພຈ ຮ້ອງເພງກິນຕັບເສີຍ....ຂພຈ ໄດ້ແຕ່ຟັງບໍ່ຮູ້ສິເຮັດຫຍັງ
ນີ້ແມ່ນເຂົາເອົາຕົວຢ່າງມາຈາກໃຜຖ້າບໍ່ແມ່ນຜູ້ໃຫຍ່ນະ ຖ້າເຂົາໃຫຍ່ມາແລ້ວເປັນບັນຫາຂອງສັງຄົມຈະວ່າແນວໃດ
ການທີ່ເດັກສະສົມເລື່ອງອາລົມທາງເພດໄວ້ຫຼາຍໆແບບນີ້ ມັນອາດເປັນເລື່ອງທຳມະດາຖ້າເຮົາຄິດເບິ່ງແຄບໆ
ແຕ່ການທີ່ສະສົມເອົາເລື່ອງທີ່ວ່າທຳມະດາເຂົ້າມາຫຼາຍໆ ເດັກນ້ອຍເຂົາຢາກຈະເຮັດຫຍັງເຂົາກະເຮັດຢ່າກແຕ່ງໂຕແບບໃດກໍແລ້ວແຕ່ເຂົາ
ພໍ່ແມ່ຫ້າມກະບໍ່ຟັງ ມັນອາດເປັນຕົ້ນເຫດນ້ອຍໆແຕ່ເປັນຕົ້ນເຫດທີ່ສຳຄັນທີ່ພາໃຫ້ເຂົາບໍ່ຟັງຄວາມພໍ່ແມ່ ຍ້ອນການສະສົມເລື່ອງອາລົມທາງເພດນິລະ
ຂພຈ ຢາກຖາມຜູ້ຮູ້ວ່າເປີດເພງແບບນີ້ມັນຜິດກົດໝາຍທາງດ້ານວັດທະນະທຳ ຫຼື ບໍ່ ແລ້ວພວກເຮົາຈະປ່ອຍໃຫ້ເປັນແບບນີ້ຫວາ
ແລ້ວທາງການຈັດຕັ້ງເພິ່ນກະໄດ້ເວົ້າຢູ່ຫວາເລື່ອງນີ້ ຄືວ່າບໍ່ເຫັນເພິ່ນຄວບຄຸມຫຍັງ
ທ່ານມີຄຳເຫັນແບບໃດລະກັບເລື່ອງນີ້......
ເຫັນດີນໍາຄວາມຄິດຂອງເຈົ້າ
ຂໍກົດ LIKE ໃຫ້ສິບເທື່ອ
