ໂຄງການສ້າງທາງລົດໄຟຄວາມ ໄວສູງລາວ-ຈີນ ທີ່ຈະເປັນກະດູກສັນຫລັງການເຊື່ອມຕໍ່ຂອງບັນດາປະເທດອາຊຽນ ຫາ ສປ ຈີນ ໄດ້ມີການເປີດເຜີຍຄັ້ງທຳອິດໃນກອງປະຊຸມສະ ໄຫມສາມັນເທື່ອທີ 10 ຂອງສະພາແຫ່ງຊາດຊຸດທີ VI ທີ່ຈັດຂຶ້ນໃນລະຫວ່າງທ້າຍປີທີ່ຜ່ານມາ ໂດຍແຈ້ງວ່າຈະເລີ່ມລົງມືການກໍ່ສ້າງໃນເດືອນເມສາຂອງປີ 2011 ແຕ່ມາຮອດປະຈຸບັນ ໂຄງການນີ້ ຍັງບໍ່ມີຄວາມຄືບຫນ້າແຕ່ຢ່າງໃດ; ລັດຖະບານຊີ້ ຕອນນີ້ກຳລັງຢູ່ໃນຂັ້ນຕອນດຳເນີນດ້ານເອກະສານ.
ທ່ານ ດຣ. ຄຳລຽນ ພົນເສນາ ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນຊີ້ແຈງຕາງຫນ້າລັດຖະບານ ເຖິງຂໍ້ຊັກຖາມຂອງຄະນະຜູ້ແທນທີ່ເຂົ້າຮ່ວມງານພົບປະ ສ້າງສັນຂອງສະມາຄົມລວມສຳພັນເຊື້ອສາຍຈີນຢູ່ຕ່າງປະເທດ ຄັ້ງທີ V ຈັດຂຶ້ນໃນວັນທີ 9 ພະຈິກຜ່ານມາ ທີ່ນະຄອນຫລວງວຽງຈັນ ກ່ຽວກັບໂຄງການການດັ່ງກ່າວໃນໂອກາດທີ່ຂຶ້ນເຜີຍແຜ່ແຜນພັດທະນາ ເສດຖະກິດ-ສັງຄົມ ແລະ ນະໂຍບາຍການລົງທຶນຢູ່ລາວ ໂດຍທ່ານກ່າວວ່າ: ໂຄງການກໍ່ສ້າງທາງລົດໄຟຄວາມໄວສູງຈາກນະຄອນຫລວງວຽງຈັນ ສປປ ລາວຫາ ຊາຍແດນລາວ-ຈີນ ຖືເປັນໂຄງການທີ່ມີຂະຫນາດໃຫຍ່ ແລະ ມີມູນຄ່າການລົງທຶນສູງກວ່າ ໂຄງການໃດໆໃນລາວ ເຊິ່ງທຶນທີ່ຈະນຳໃຊ້ເຂົ້າໃນໂຄງການນີ້ມີມູນຄ່າຫລາຍກວ່າໂຄງການ ກໍ່ ສ້າງນ້ຳເທີນ II ເຖິງ 7 ເທົ່າ ໂຄງການໄດ້ມີການສຳຫລວດ ແລະ ເຮັດບົດວິພາກດ້ານເຕັກນິກວິຊາການມາໄດ້ປີຫນຶ່ງແລ້ວທີ່ຈະຕ້ອງ ມີຄວາມລະອຽດ ແລະ ຊັດເຈນ ເຊິ່ງປະຈຸບັນຍັງຢູ່ໃນຂັ້ນຕອນດຳເນີນການດ້ານເອກະສານຢູ່ ລະຫວ່າງລັດຖະບານ ສປ ຈີນ ແລະ ໄທ ຫລັງຈາກນັ້ນກໍ່ສົ່ງມາຫາກະຊວງການຄ້າຂອງໄທ ໃນການພົວພັນກັບລັດຖະບານລາວ ແຕ່ຫລາຍຢ່າງແມ່ນອີງໃສ່ລະບຽບ ແລະ ກົດຫມາຍການລົງທຶນຂອງ ສປ ຈີນ ຂະນະທີ່ມີການຄາດຫາກໂຄງການນີ້ຊັກຊ້າກໍ່ອາດຈະບໍ່ເຖິງ 70 ປີຕ້ອງມີການກໍ່ສ້າງແນ່ນອນ.
ແນວໃດກໍ່ດີ ອີງຕາມຂໍ້ມູນການເປີດເຜີຍຄັ້ງທຳອິດຂອງໂຄງການດັ່ງກ່າວໂດຍທ່ານ ສົມສະຫວາດ ເລັ່ງສະຫວັດ ຮອງນາຍົກລົດຖະມົນຕີ ທັງເປັນຫົວຫນ້າຄະນະຊີ້ນຳໂຄງການດັ່ງ ກ່າວໃນກອງປະຊຸມສະໄຫມສາມັນເທື່ອທີ 10 ຂອງສະພາແຫ່ງຊາດຊຸດທີ VI ທີ່ຈັດຂຶ້ນໃນລະຫວ່າງທ້າຍປີທີ່ຜ່ານມາລະບຸວ່າ: ໂຄງການກໍ່ສ້າງເສັ້ນທາງຄວາມໄວສູງລາວ-ຈີນມີມູນຄ່າ ການກໍ່ສ້າງທັງຫມົດ 7 ຕື້ໂດລາ ສະຫະລັດ (ສປ ຈີນຖືຮຸ້ນ 70% ແລະ ລາວຖື 30%) ຈາກຂໍ້ສະຫລຸບໃນເບື້ອງຕົ້ນໄລຍະທາງ ແຕ່ຈຸດຊາຍແດນລາວ-ຈີນ ມາເຖິງນະຄອນຫລວງວຽງຈັນມີ ລວງຍາວທັງຫມົດປະມານ 421 ກິໂລແມັດໃນນັ້ນ; ເສັ້ນທາງທີ່ຈະຕ້ອງຜ່ານອຸມົງມີລວງຍາວ ປະມານ 190 ກິໂລແມັດ ແລະ ຕ້ອງໄດ້ສ້າງຂົວຍາວທັງຫມົດ 90 ກິໂລແມັດ ເຊິ່ງສະເລ່ຍເສັ້ນ ທາງທີ່ຜ່ານອຸມົງ ແລະ ຂົວ ແມ່ນກວມເອົາ 2/3 ຂອງເສັ້ນທາງທັງຫມົດ.
ກ່ຽວກັບມາດຕະຖານເຕັກນິກລົດໄຟແມ່ນໄດ້ກຳນົດຄວາມໄວ 200 ກິໂລແມັດຕໍ່ຊົ່ວໂມງສຳລັບລົດໄຟໂດຍສານ ແລະ 120 ກິໂລແມັດຕໍ່ຊົ່ວໂມງແມ່ນລົດໄຟສຳລັບສົ່ງສິນຄ້າ. ສຳລັບລາງແມ່ນກຳນົດຕາມມາດຕະ ຖານສາກົນມີລວງກວ້າງ 1.435 ມິນລີແມັດ ແລ່ນດ້ວຍກະແສໄຟຟ້າ, ສ້າງລະບົບປ້ອງກັນການສັ່ນສະເທືອນຂອງແຜ່ນດິນໄຫວໄດ້ໃນລະດັບ 7 ຣິກເຕີ ເຊິ່ງການສ້າງແມ່ນອີງໃສ່ມາດຖານເຕັກເນັກ ແລະ ເຕັກໂນໂລຊີຂອງຈີນ.
ສ່ວນສະຖານນີຈະມີ 5 ສະ ຖານີໃຫຍ່ຄື: ສະຖານີບໍ່ເຕັນ, ເມືອງໄຊ, ຫລວງພະບາງ, ວັງວຽງ ແລະ ນະຄອນຫລວງວຽງຈັນ ພ້ອມກັນນັ້ນກໍ່ຈະມີສະຖານີນ້ອຍຈຳນວນຫນງລວມທັງ ຫມົດ 21 ສະຖານີ, ດ້ານໄລຍະການກໍ່ສ້າງແມ່ນໃຊ້ 4 ປີໃຫ້ສຳເລັດ.
ໂຄງການດັ່ງກ່າວແມ່ນເປັນໂຄງການທີ່ມີຄວາມຫມາຍດ້ານປະຫວັດສາດອັນ ຈະນຳຜົນປະໂຫຍດມາສູ່ ສປປ ລາວຢ່າງມະຫາສານ ພ້ອມກັນນີ້ກໍ່ເປັນການປະຕິບັດກ່ຽວກັບແຜນນະໂຍ ບາຍເຮັດໃຫ້ປະເທດລາວເປັນໃຈກາງເຊື່ອມຕໍ່ກັບບັນດາປະເທດໃນອະນຸ ພາກພື້ນໃຫ້ປາກົດຜົນເປັນຈິງ.
ອັນນີ້ ແມ່ນຂໍ້ມູນມື້ໃດນີ້
ຕາມທີ່ຮູ້ ເພິ່ນຈະເຊົ່າເຮັດແລ້ວ ເພາະຈີນ ຂໍຫຼາຍໂພດ
DO not read the 1st post.
The project had been cancelled.
Anonymous wrote:DO not read the 1st post.The project had been cancelled.
you are right man
Thank Buddha, the project is cancelled. Laos is saved for now.
ຕົກຂ່າວບໍ່ຫມໍນີ້! ສົມສວາດຫນ້າແຕກພໍແຮງແລ້ວ ເຂົາເຊົາເຮັດແລ້ວທ້າວເອີຍ! ບໍ່ເຄີຍມີຢາກໄດ້ ແບມືເອົາກັບບາດ ແຕ່ເມື່ອຮູ້ວ່າ ເຂົາຊິເອົາດິນສອງຟາກ ຕັ້ງແຕ່ຈີນຫາວຽງຈັນ ເບື້ອງລະ 5 kilometre ຖອຍບໍ່ເປັນທ່າ ຈົນຫົວເອິກຊິແຕກ ເພາະໄດ້ປະກາດໄປແລ້ວຢ່າງພາກພູມໃຈຮາຮາ
ສນົມໃຈເຈົ້າແລ້ວບໍ່ ແອ້ກ ແອ້ກ!!!
Anonymous wrote:ຕົກຂ່າວບໍ່ຫມໍນີ້! ສົມສວາດຫນ້າແຕກພໍແຮງແລ້ວ ເຂົາເຊົາເຮັດແລ້ວທ້າວເອີຍ! ບໍ່ເຄີຍມີຢາກໄດ້ ແບມືເອົາກັບບາດ ແຕ່ເມື່ອຮູ້ວ່າ ເຂົາຊິເອົາດິນສອງຟາກ ຕັ້ງແຕ່ຈີນຫາວຽງຈັນ ເບື້ອງລະ 5 kilometre ຖອຍບໍ່ເປັນທ່າ ຈົນຫົວເອິກຊິແຕກ ເພາະໄດ້ປະກາດໄປແລ້ວຢ່າງພາກພູມໃຈຮາຮາສນົມໃຈເຈົ້າແລ້ວບໍ່ ແອ້ກ ແອ້ກ!!!
ໄດ້ຍິນຄົນເຂົາວ່າ ທ່ານສົມສະຫວາດເປັນຄົນເຊື່ອສາຍຈີນວ່າຊັນ, ແຕ່ບໍ່ຮູ້ວ່າແມ່ນແທ້ຫຼືບໍ່ແຕ່ຂພຈກໍ່ແປກໃຈຫຼາຍ ເກືອບທຸກໂຄງການທີ່ຈີນມາລົງທຶນແບບຂູດຮີບປະເທດລາວ ທ່ານນີ້ຈະເປັນຄົນອອກໜ້າຫຼາຍກ່ອນໝູ່ຄັ້ງນີ້ຄົງຈະເປັນບົດຮຽນແກ່ທ່ານຜູ້ນຳລາວທັງວ່າ ຖ້າເລື່ອງທີ່ມັນຍັງບໍ່ລົງມືເຮັດແທ້ກໍ່ຢ່າພ້າວໄປປະກາດມັນ, ອັນນີ້ເລື່ອງຍັງບໍ່ທັນວິເຄາະວ່າ ເຮົາມີໄດ້ມີເສຍແບບໃດແດ່; ເຮັດແລ້ວເຮົາຈະໄດ້ອີຫຍັງ, ເສຍອີຫຍັງ ຍັງບໍ່ທັນເວົ້າກັນເທື່ອທີ່ສະພາຊ້ຳ ກະແດະໄປປະກາດເປັງໆຢ້ານແຕ່ບໍ່ໄດ້ໜ້າຈົນທົ່ວໂລກເຂົາຮູ້ໝົດ ນີ້ບໍວິໃສທັດຜູ້ນຳ, ຜູ້ນຳເຂົາພາກັນເຮັດແບບນີ້ບໍ່. ຄິດໄປຄິດມາແລ້ວຄົນລາວຫຼາຍໆໆໆໆໆໆໆໆໆໆຄົນຄົງປຣາດຖະໜາໄດ້ຜູ້ນຳແບບນີ້ແທ້ເນາະ
ສ້າງທາງລົດໄຟ ສຳປະທານ5ກິໂລແມັດທັງສອງຝາກທາງຂອງລົດໄຟ, ແຕ່ເຫັນເສັ້ນທາງລົດໄຟໄປຜ່ານແມ່ນແຕ່ຕົວເມື່ອງໃຫຍ່ໆທັງນັ້ນ ແຖມຕົວເມືອງຫຼວງຂອງປະເທດລາວທີ່ພັດທະນາແລ້ວ ຍັງບໍ່ເຖິງ20ກິໂລແມັດມັນທົນ, ຖ້າຖືກສຳປະເທດແທ້ ຮັບຮອງວ່າຄົນລາວໄດ້ໜີອອກຈາກບັນດາຕົວເມືອງຕ່າງໆແທ້. ແລະ ຖ້າຫາກໂຄງການນີ້ເປັນຈິງດັ່ງຄຳກ່າວຮັບຮອງວ່າ ລາວເຮົາຈະໄດ້ຍອນເວລາໄປເປັນປີ 75 ອີກຄັ້ງ. ເພາະເຮົາຈະໄດ້ຕີເອົາເມືອງເຮົາຄືນ
Anonymous wrote:ໂອ້ເຈົ້າກ້າເວົ້າໃຫ້ລຸງຂ້ອຍເບາະນິ ລຸງຂ້ອຍລາວແລະເປັນນັກສັງຄົມ ຕີກ໋ອບກໍ່ເກັ່ງ ງານລ້ຽງໃດກໍ່ບໍ່ໄດ້ຂາດເພິ່ນໃດ ເພາະເພິ່ນໄປເປັນແຂກກິດຕິມາສັກຕະຫຼອດ.
ໂອ້ເຈົ້າກ້າເວົ້າໃຫ້ລຸງຂ້ອຍເບາະນິ ລຸງຂ້ອຍລາວແລະເປັນນັກສັງຄົມ ຕີກ໋ອບກໍ່ເກັ່ງ ງານລ້ຽງໃດກໍ່ບໍ່ໄດ້ຂາດເພິ່ນໃດ ເພາະເພິ່ນໄປເປັນແຂກກິດຕິມາສັກຕະຫຼອດ.
ເພີ່ນເງີນບໍ່ອັ້ນ ແຕ່ໄປນອນ ໂຮງແຮມ ບ່ອນໄດ ໄດ້ລ້າ ທຸກບ່ອນ ໂດຍບໍ່ຕ້ອງຈ່າຍ
ຮ່າໆ.....ສິ່ງທີ່ເພິ່ນເຮັດໄດ້ມີແຕ່ແນວຄັກໆເນາະ ອັນທີ່ເຈົ້າໂຄສະນາໃຫ້ເພິ່ນຫັ້ນ, ຄັນເປັນເຖິງຂັ້ນນັ້ນເຮັດແຕ່ເທົ່ານີ້ອັນໜ້າທີຫັ້ນ. ມັນກໍ່ບໍ່ແປກແລ້ວທີ່ປະເທດລາວມັນຈື່ງພັດທະນາຊ້າກວ່າ ປະເທດອື່ນເຂົາຫັ້ນ. ຖ້າຈະໂຄສະນາໃຫ້ເພິ່ນ ກໍ່ຊ່ວຍເອົາສິ່ງທີ່ເພິ່ນເຮັດທີ່ມັນເປັນໂຫຍດແກ່ປະເທດຊາດ ແລະ ປະຊາຊົນຈະດີກ່ອນ. ດີກ່ອນທ່ານຈະເອົາແບບນີ້ເພິ່ນມາໂຄສະນາ ດຽວມັນຈະບໍ່ສົມສາຍຍານາມຄຳວ່າ ຜູ້ນຳ
