ຫນຸ່ມສາວຄົນໃດ ທີ່ຍັງບໍ່ມີຄູ່ຊີວິດ ກໍ່ຢ່າໂສກເສົ້າເຫງົາໃຈໄປເດີ້ ຊີວິດຄົນໂສດບໍ່ໄດ້ເປັນຕາຢ້ານດອກ, ແຕ່ຄົນໂສດຈະມີອິດສະຫລະເສລີ ຢາກເຮັດຫຍັງກໍ່ສາມາດເຮັດໄດ້, ຢາກໄປ ໃສກໍ່ໄປໄດ້ສະບາຍໃຈບໍ່ຕ້ອງມາ ນັ່ງຕາມໃຈ ຫລື ເອົາໃຈໃຜ ນີ້ບໍ່ໄດ້ປອບໃຈຫລືເຂົ້າຂ້າງຄົນໂສດເດີ້ ໃຜຍັງບໍ່ເຊື່ອລອງມາເບິ່ງກັນເລີຍວ່າຊີວິດຄົນໂສດມັນດີແບບໃດ.
1 ເຮັດຄວາມຮູ້ສຶກເພື່ອນຄົນໃຫມ່ໄດ້ແບບບໍ່ຕ້ອງເກງໃຈໃຜ: ຄົນໂສດສາມາດຈະສົນທະນາກັບໃຜກໍ່ໄດ້ບໍ່ແມ່ນເລື່ອງແປກ, ແຕ່ຖ້າຄົນທີ່ມີຄົນຮັກແລ້ວຈະໄປເວົ້າລົມກັບຄົນອື່ນອາດເຮັດໃຫ້ຄົນຮັກເຂົ້າໃຈຜິດເກີດການຖົກຖຽງກັນໄດ້.
2ບໍ່ຕ້ອງແຕ່ງຕົວໃຫ້ຫລູຫລາທຸກມື້: ອີກຫນຶ່ງຂໍ້ດີຂອງ ຊີວິດຄົນໂສດຄືບໍ່ຕ້ອງແຕ່ງຕົວໃຫ້ຫລູຫລາເປັນລະບຽບທຸກມື້ ໃຫ້ໃຜຊື່ນຊົມທຸກມື້ກໍ່ໄດ້ບາງມື້ ຄົນເຮົາກໍ່ຢາກປ່ອຍຕົວເຮັດທຳມະດາແດ່ ບໍ່ຕ້ອງມານັ່ງເຮັດຜົມ, ບໍ່ຕ້ອງໃສ່ເສື້ອທີ່ລີດແດ່ກໍ່ໄດ້ໃນມື້ສະບາຍໆຂອງທ່ານ.
3ມ່ວນສຸດໆໃນງານລ້ຽງ ແບບບໍ່ມີຂີດຈຳກັດເລື່ອງເວລາ: ຄົນໂສດຈະອອກໄປງານລ້ຽງສັງສັນເມື່ອໃດ, ໄປກັບໃຜ, ຢູ່ໃສ, ກັບຈັກໂມງກໍ່ເຮັດໄດ້ຕາມໃຈ ບໍ່ຕ້ອງໂທຄອບຄົນຮັກໃຫ້ວຸ້ນ ວາຍສະຫມອງ ຫລື ຖ້າຢາກໄປໃສຕໍ່ກໍ່ສາມາດໄປໄດ້.
4ທ້າຍອາທິດທີ່ສະຫງົບ: ເມື່ອວັນເສົາວັນອາທິດທີ່ລໍຖ້າມາຮອດ ຖ້າທ່ານມີແຜນການໄປທ່ຽວຢູ່ໃນໃຈກໍ່ໄປໄດ້ເລີຍ ຫລື ຢາກນອນພັກຜ່ອນຢູ່ເຮືອນກໍ່ສາມາດນອນຫມົດມື້ກໍ່ໄດ້ຢູ່ເຮືອນ ຢາກແຕ່ງຕົວແບບໃດກໍ່ໄດ້ ອາດຈະໃສ່ເສື້ອຍືດຫຍໍ້ໆ, ໂສ້ງຂາສັ້ນ ກໍ່ບໍ່ມີໃຜມາເວົ້າໃຫ້ໄດ້ ຖ້າທ່ານມີແຟນຄົນຮັກຂອງທ່ານອາດສັ່ງໃຫ້ທ່ານລຸກໄປອາບນ້ຳໃສ່ເຄື່ອງດີໆ.
5ນອນຄວ່າງສ່ຳໃດກໍ່ໄດ້: ຄົນມີຄູ່ຊີວິດຕ້ອງນອນຕຽງດຽວກັນ, ຫົ່ມຜ້າຫົ່ມຜືນດຽວກັນ, ແຖມຍັງຕ້ອງລະມັດລະວັງນອນບໍ່ໃຫ້ເຫນັງແຮງ ຫລື ນອນຄວ່າງຈະນອນພິກຕົວກໍ່ຕ້ອງຄ່ອຍໆ ເພາະຖ້າພິກແຮງອາດເຮັດໃຫ້ອີກຄົນຫນຶ່ງຕື່ນຂຶ້ນມາຕອນເດິກ, ຖ້າທ່ານເປັນໂສດຢາກນອນແບບໃດປິ່ນຫົວປິ່ນຕີນກໍ່ສາມາດເຮັດໄດ້ນອນແບບສະບາຍໃຈບໍ່ຕ້ອງກັງວົນວ່າຈະໄປລົບກວນໃຜ.
6ບໍ່ຕ້ອງຍາດລີໂມດກັນ: ເປັນໂສດຢູ່ຄົນດຽວສະບາຍໃຈຢາກຊົມໂທລະພາບລາຍການຫຍັງກໍ່ໄດ້ ບໍ່ວ່າຈະເປັນຂ່າວ, ຮູບເງົາ, ລະຄອນ ແລະ ກີລາ ກໍ່ໄດ້ທີ່ທ່ານຢາກຊົມບໍ່ຕ້ອງມານັ່ງ ຜິດຖຽງຍາດລີໂມດກັບອີກຝ່າຍ ຫນຶ່ງໃຫ້ເຈັບຫົວ.
ໂສດຄັນຫລັງຕອນກາງເດິກ ໃຜຈະເກົາໃຫ້?
Anonymous wrote:ໂສດຄັນຫລັງຕອນກາງເດິກ ໃຜຈະເກົາໃຫ້?
ຄັນຕອນກາງເດິກ ກະຕົນເອງຫັ້ນລະເປັນຜູ້ເກົາ 55555
ຄັນບໍ່ມີຄົນເກົາ ກະຖູກັບເສົາເຮືອນຄືກັນກັບໝູເອົາກະໄດ້.
ອົດເກົາເອົາເອງເດີ
ສາມັນຊົນ
ໃຜຊິລົງທຶນນໍາ ຂ້ອຍຢາກຕັ້ງໂຮງງານເຮັດໄມ້ເກົາຫຼັງຂາຍໃຫ້ຄົນໂສດ?
ໂສດໆຫຼີ້ນກິນຢູ່ແບບນີ້ ຄົງຈະຫາຄຳວ່າ ສົດໆແລະບໍຣິສຸດໄດ້ຍາກ
ຕາມສະບາຍພີ່ນ້ອງ ໜຸ່ມໆສາວໆ ເກີດເປັນຄົນນຳເຂົາ
ພຽງແຕ່ຊາດດຽວ ຈັກໜ້ອຍ“ນາລົກ ສະຫວັນ” ຈະຖາມ
ວ່າໄດ້ສ້າງບຸນສ້າງບາບມາຄື
ແນວໃດ 5555
ໂສດໜົດປີ2011ນີ ແລ້ວ ປີ2012 ນີ້ບໍ່ຕ້ອງໂສດອິກເດີພິນ້ອງ ເພາະວ່າມັນຈະບໍ່ມິໂອກາດມິແຟນນຳເຂົາເດີ
ໃນວັນທີ່ 12 ເດື່ອນ 12 ປີ 2012 ຮູ້ບໍ່ວ່າໂລກເຮົາຈະເປັນຫັຍງ,555
ຄຳເຕື່ອນ:ຢ່າໂສດຫຼາຍເດີ.
ຈະພະຍາຍາມໃຫ້ໂສດເປັນບາງມື້ເົ່ານນັ້ນ
