Pasalao

ລາຄາສິນຄ້າສິ່ງຂອງບ້ານເຮົາສ່ວນຫຼາຍແລ້ວແມ່ນຖືກພໍ່ຄ້າຄົນກາງເປັນຜູ້ກຳນົດ. ເປັນຕົ້ນເວລາຢາກຂື້ນລາຄາກໍ່ອ້າງວ່ານ້ຳມັນມັນຂື້ນ, ບາດນ້ຳມັນມັນລົງລາຄາກໍ່ບໍ່ລົງແລະໃຫ້ເຫດຜົນວ່າເມື່ອກ່ອນໄດ້ຂາຍລາຄາກືກແລ້ວກ່ອນນ້ຳມັນຈະຂື້ນ. ຟັງແລ້ວກໍ່ຍັງງົງໆ, ແຕ່ກໍ່ສະຫຼຸບໄດ້ວ່າສິນຄ້າຂື້ນແລ້ວລົງບໍ່ໄດ້...

ຕໍ່ກັບບັນຫານີ້ເຮົາມາເບິ່ງລາຄາຊີ້ນໝູຢູ່ທ້ອງຕະຫຼາດ. ເຜີຍບອກວ່າລາຄາຢູ່ໜ້າຟາມຂາຍ​ໄດ້​ ກິ​ໂລ​ລະ 18 ພັນ​ກີ, ບາດຂາຍຢູ່ຕະຫຼາດ38 ພັນ​ກີບ​ຕໍ່​ກິ​ໂລ. ຕໍ່ກັບບັນຫານີ້ເພີ່ນບອອກວ່າພໍ່ຄ້າຄົນກາງເປັນຜູ້ກຳນົດ. ( ອ່ານຈາກໜັງສີພິມເສດຖະກິດ-ສັງຄົມ).

ອີກບັນຫາໜຶ່ງກໍ່ເລື່ອງຕາຊິງ : ລາຄາຂາຍສິນຄ້າຢູ່ທ້ອງຕະຫຼາດແມ່ນມີຫຼາຍລາຄາເປັນຕົ້ນຖາມລາຄ່າຊີ້ນໝູຢູ່ຮ້ານນີ້ລາວຂາຍ 38 ພັນກີບຕໍ່ກິໂລ, ແຕ່ລອງຢ່າງໄປຮ້ານທັດໄປໄກກັນໜ້ອຍໜຶ່ງສາມາດຕໍ່ລອງໄດ້ 35 ພັນກີບຕໍ່ກິໂລ. ລອງໄປສັ່ງໃສ່ຊິງຜູ້ອ່ານມັນລຸດກັນຕັ້ງ 10 ກະລາມ.

ມາຟັງເບິ່ງແລ້ວທາງຝ່າຍລັດຖະບານຫຼືໜ່ວຍງານທີ່ກຽວຂ້ອງບໍ່ມີມາດຕະການທີ່ຈະຄຸ້ມຄອງເລື່ອງຄວາມເດືອດຮ້ອນຂອງປະຊາຊົນເລີຍ ຖ້າລົງໄປກວດກໍ່ເຮັດແບບແປະໆບາງໆແລະບໍ່ຕໍ່ເນື່ອງ. ທ່ານຄິດວ່າແນວໃດທ່ານເອິຍ!! ຊ່ອຍກັນອອກຄຳຄິດເຫັນແດ່ບາງເທີ່ອເພີ່ນອາດໄດ້ຍິນກໍ່ຄວນແກ້ໄຂບໍ່ແມ່ນຍາມໄດກໍ່ເອົາແຕ່ປະຊຸມຈົນກາຍເປັນກຸ່ມ NATO ( No Action Talk Only ) ໄປໝົດແລ້ວ.