ທ່ານ ອິຊິອິ ຈູນ, ຜູ້ອຳນວຍການໃຫຍ່ບໍລິສັດ Astec japan co.ltd ຂອງປະເທດຢີ່ປຸ່ນ ໄດ້ນຳເອົາວັດສະດຸກໍ່ສ້າງ ທີ່ຜະລິດຈາກໄມ້ປະສົມກັບຢ່າງ (ປລາສຕິກ) ມາທົດລອງຈຳໜ່າຍ ຢູ່ ສປປ ລາວ ຊຶ່ງຜະລິດຕະພັນດັ່ງກ່າວ ມີສ່ວນປະສົມຂອງໄມ້ (ຝຸ່ນໄມ້) 45% ແລະ ປລາສຕິກ 45% ເປັນຜະລິດຕະພັນທີ່ທົນທານມີອາຍຸການໃຊ້ງານ ເຖິງ 30 ປີ. ໃນໂອກາດຈັດງານຖະແຫລງຂ່າວ ນຳສະເໜີສິນຄ້າດັ່ງກ່າວ ໃນວັນທີ 2 ກັນຍາ 2011 ທີ່ຮ້ານອາຫານເສີນຕູ່ ນະຄອນຫລວງວຽງຈັນ ທ່ານ ອິຊິອິ ຈູນ ໄດ້ຍົກໃຫ້ເຫັນຄຸນນະພາບ ຂອງຜະລິດຕະພັນດັ່ງກ່າວວ່າ: ມີຄວາມທົນທານຕໍ່ອາກາດຮ້ອນ, ໜາວ ແລະ ຝົນ, ບໍ່ແຕກ, ບໍ່ຫັກງ່າຍ, ສີບໍ່ຕົກ, ແມງໄມ້ບໍ່ເຈາະ ແລະ ບໍ່ເປັນອັນຕະລາຍຕໍ່ສິ່ງແວດລ້ອມ ທັງມີຮູບຊົງການອອກແບບສວຍງາມ, ສາມາດນຳໃຊ້ໃນການກໍ່ສ້າງ ແລະ ປະດັບປະດາເຮືອນ, ຮ້ານອາຫານ, ໂຮງແຮມ ແລະ ອື່ນໆແທນໄມ້ໄດ້ ເພາະສາມາດຕັດເຈາະໄດ້ງ່າຍ ແລະ ນ້ຳໜັກເບົາ. ສຳລັບຢູ່ປະເທດຍີປຸ່ນ ແມ່ນນຳໃຊ້ຜະລິດຕະພັນດັ່ງກ່າວ ມາເປັນເວລາ 50 ປີ ແລ້ວ. ທ່ານ ອິຊິອິ ຈູນ ຍັງໄດ້ກ່າວຕື່ມວ່າ: ການນຳເອົາຜະລິດຕະພັນເຂົ້າມາທົດລອງ ໃນ ສປປ ລາວ ເພາະເຫັນວ່າ: ການກໍ່ສ້າງໂຄງການຕ່າງໆຂອງລາວ ແມ່ນນຳໃຊ້ໄມ້ເປັນສ່ວນຫລາຍ ດັ່ງນັ້ນ ຜະລິດຕະພັນດັ່ງກ່າວ ຈຶ່ງເໝາະສົມສຳລັບການຊົມໃຊ້ຂອງຄົນລາວ ທັງເປັນການຫລຸດຜ່ອນການຊົມໃຊ້ຊັບພະຍາກອນໄມ້ໃຫ້ໜ້ອຍລົງ. ຖ້າບໍລິສັດ, ຫ້າງ ຮ້ານ ຫລື ໂຄງການກໍ່ສ້າງຕ່າງໆມີຄວາມສົນໃຈ ເປັນຕົວແທນຈຳໜ່າຍສິນຄ້າ ສາມາດຕິດຕໍ່ໄດ້ ທີ່ເບີໂທ (020) 22410020 ຫລື ຕິດຕໍ່ທີ່ຫ້ອງການຜູ້ຕາງໜ້າບໍລິສັດຕັ້ງຢູ່ໂຮງແຮມ Family ໃກ້ກັບໂຮງແຮມລາວພລາຊາ. ໃນອະນາຄົດຖ້າຫາກຜະລິດຕະພັນດັ່ງກ່າວ ໄດ້ຮັບການຕອບສະໜອງທີ່ດີ ຈາກສັງຄົມລາວ ອາດຈະເປີດບໍລິສັດຕົວແທນຈຳໜ່າຍ ຢູ່ ສປປ ລາວ .
ຈັ່ງແມ່ນມາແນະນໍາກັນຊ້າແທ້ ຢູ່ຍີ່ປຸ່ນໃຊ້ມາໄດ້ເຄິ່ງສັດຕະວັດແລ້ວຈຶ່ງມາແນະນໍາໃຫ້ຄົນລາວໃຊ້, ອີກສິບເປີເຊັນເພິ່ນເອົາຫຍັງປະສົມ? ລາຄາແມັດມົນທົນນຶ່ງຈັກພັນກີບ? ຂອບໃຈ
ປວກ ມັນຈະກິນໄມ້ນີ້ບໍ່
Anonymous wrote: ປວກ ມັນຈະກິນໄມ້ນີ້ບໍ່
ປວກບໍ່ໄກ້.
ນໍາສະເໜີສິນຄ້າຢູ່ຮ້ານອາຫານຈີນກໍ່ຈະມີແຕ່ຄົນຈີນຫັ້ນລະອຸດໜູນ ຖ້າຢາກໃຫ້ຄົນລາວຊື້ມາຊົມໃຊ້ກໍ່ຄວນຈະມາແນະນໍາຈ່າວຂາຍຢູ່ຮ້ານລາບປ້າສີຫລືບໍ່ຊັ້ນກໍ່ແມ່ນຮ້ານປີ້ງລີ້ນລຸງສອນລະ.
