Pasalao

ຫຼາຍທ່ານໜີຈາກເມືອງລາວໄປຍ້ອນມີສ່ວນກ່ຽວຂ້ອງທາງການເມືອງ

ແຕ່ກໍມີອີກຫຼາຍທ່ານແຕກຕື່ນໜີຈາກເມືອງລາວໄປ  ໂດຍບໍ່ມີສ່ວນກ່ຽວຂ້ອງທາງການເມືອງແຕ່ຢ່າງໃດ

ຂ້າພະເຈົ້າເຊື່ອວ່າຫຼາຍທ່ານໃນຈຳນວນນັ້ນ ແມ່ນຜູ້ມີຄວາມຮູ້ສູງທາງດ້ານສິລປະ ວັນນະຄະດີລາວຢ່າງແນ່ນອນ

ຜູ້ພ່າຍທາງທະຫານ  ບໍ່ຈຳເປັນຕ້ອງໂງ່ທາງສິລປະ

ແລະຜູ້ແພ້ທາງທະຫານ  ບໍ່ແມ່ນຜູ້ສລາດທາງສິລປະສະເໝີໄປ

ການຮັກສາມູນມັງທາງພາສາແລະວັທະນະທັມແມ່ນໜ້າທີ່ອັນໃຫຍ່ຫຼວງຂອງຄົນລາວທຸກຄົນ

ເປັນຫຍັງພວກເຮົາຈຶ່ງບໍ່ເຕົ້າໂຮມປຶກສາ ອອກຄວາມເຫັນກ່ຽວກັບວັທະນະທັມ

ຂອງລາວເຮົາ ແບບນັບຖືຄວາມຮູ້ຂອງກັນແລະກັນຢ່າງໃຈເປີດກວ້າງ



ຂ້າພະເຈົ້າເອງເກີດແລະໃຫຍ່ຢູ່ເມືອງລາວ

ໃດ້ຮ່ຳຮຽນພາສາລາວເຖິງບໍ່ຫຼາຍ ແຕ່ກໍ່ຈົດຈື່ຕາມຄູບາເຄີຍບອກສອນໄວ້ຕະຫຼອດ

ຣະຍະຫຼາຍສິບປີທີ່ຫ່າງເຫີນກັບການອ່ານການຂຽນພາສາລາວ

ຂ້າພະເຈົ້າດີໃຈສຸດປຽບປະມານທີ່ໃດ້ມີໂອກາດກັບມາສຳຜັດພາສາແມ່ອີກເທື່ອນຶ່ງ

ຂ້າພະເຈົ້າຢາກມີສ່ວນຮ່ວມໃນການປົກປັກຮັກສາພູມປັນຍາຂອງບັນພະບຸຣຸດທີ່ເພິ່ນສ້າງສົມໄວ້ໃຫ້

ທໍ່ນີ້ແຫຼະທີ່ຂ້າພະເຈົ້າຢາກບອກຄວາມໃນໃຈ



ຮັກແພງແລະນັບຖືທຸກໆທ່ານ



ຂພຈ ຮູ້ວ່າພາສາຂຽນທາງເທິງອາດຈະບໍ່ຖືກສາຍຕາບາງທ່ານ  ຂພຈ ຈະອອກຄວາມເຫັນແລະອະທິບາຍໃນເທື່ອໜ້າ. ຂອບໃຈ















ສະບາຍດິ ທ່ານ ໄມ້ຄານແດງ.

ຂໍຂອບໃຈເປັນພິເສດ ໃນຄຳຕອບມານະນີ້ດ້ວຍ, ຂພ ອ່ານເຫັນຂ້ໍຄວາມ '' ຄຳຖາມ '' ທີ່ວ່າ...

'' ຈະລາຈອນອາກາດ ແລະ ຈາລະຈອນອາກາດ ແລະ ຈໍລະຈອນອາກາດ ...? '' ຂອງ ທ່ານ Alpha Sierra ກໍເລີຍສົງໃສ, ເປັນດັ່ງທີ່ທ່ານກ່າວມາເບື້ອງຕົ້ນນັ້ນ

ເປັນສັພໄໝ່ ທີ່ມາຈາກ '' ການສັນຈອນທາງອາກາດ ''

ຄື '' ຈໍຣະຈອນທາງອາກາດ '' ແລະ ກົມອຸຕຸນິຍົມ ແມ່ນ '' ກົມອຸຕຸວິທຍາ '' ຂໍຂອບໃຈຫຼາຍ-ໆ.