ກຸ່ມບໍລິສັດນິວຈິບເຊັ່ງ ຈຳກັດ ເປີດເຜີຍວ່າ: ນັບຈາກນີ້ ຮອດ 2015 ຈະເພີ່ມຍອດການນຳເຂົ້າລົດຈັກ 10% ຕໍ່ປີ ເພື່ອຕອບສະຫນອງຄວາມຕ້ອງການທີ່ນັບມື້ເພີ່ມຂຶ້ນສ່ວນຍອດຂາຍ 7 ເດືອນບໍລິສັດເຜີຍກາຍເຄິ່ງແຜນປີແລ້ວ ໃນນັ້ນ ເວບ 100 ກວມກວ່າ 70%.
ກ່ອນຫນ້ານີ້ ລັດຖະບານມີແຜນປັບຂຶ້ນພາສີພາຫະນະທຸກປະເພດ ເພື່ອໃຫ້ປະຊາຊົນຫັນໃຊ້ລົດຈັກຫລາຍຂຶ້ນ ຫວັງຫລຸດຜ່ອນການນຳໃຊ້ນ້ຳມັນ ໂດຍແຜນດັ່ງກ່າວຖືກຮັບຮອງຈາກ ສະພາແຫ່ງຊາດ ເມື່ອເດືອນມິຖຸນາຜ່ານມາ ແລະ ຈະມີຜົນບັງຄັບໃຊ້ໃນເດືອນຕຸລາປີນີ້ ເປັນຕົ້ນໄປ ສະນັ້ນ ກຸ່ມບໍລິສັດນິວຈິບເຊັ່ງ ຈຳກັດ ຜູ້ນຳເຂົ້າຜະລິດຕະພັນຂອງຮອນດ້າ ຈິ່ງມີແຜນເພີ່ມຍອດການນຳເຂົ້າລົດຈັກປະມານ 10% ຕໍ່ປີ ຮອດປີ 2015.
ຢ່າງໃດກໍ່ຕາມ ເມື່ອທ້າຍອາທິດຜ່ານມານີ້ ທ່ານ ສະເຫນີ ຈຸນລະມະນີ ຮອງປະທານກຸ່ມບໍລິສັດນິວຈິບເຊັ່ງ ຈຳກັດ ໃຫ້ຮູ້ວ່າ: ແຜນການນັບເພີ່ມຂຶ້ນອັດຕາການນຳເຂົ້າດັ່ງກ່າວແມ່ນເພື່ອຕອບສະຫນອງຈຳນວນລູກຄ້າທີ່ອາດເພີ່ມຂຶ້ນໄດ້ ຫລັງລັດຖະບານປະກາດໃຊ້ແຜນປັບຂຶ້ນພາສີພາຫະນະລົດໃຫຍ່ຢ່າງເປັນທາງການ.
ທ່ານ ສະເຫນີ ຈຸນລະມະນີ ໃຫ້ຮູ້ວ່າ: ສະເພາະປີ 2011 ນີ້ ນິວຈິບເຊັ່ງໄດ້ຕັ້ງຍອດການຂາຍລົດຈັກໃຫ້ໄດ້ 24 ພັນຄັນມາຮອດທ້າຍເດືອນກໍລະກົດຈຳຫນ່າຍໄດ້ແລ້ວ 12.300 ຄັນ ແລະ ເຊື່ອວ່າອີກ 5 ເດືອນທີ່ຍັງ ເຫລືອຈະສາມາດບັນລຸແຜນທີ່ວາງໄວ້ເພາະໄລຍະໄຂສົກຮຽນໃຫມ່ ເຊິ່ງເປັນໄລຍະທີ່ມີຍອດຂາຍຫລາຍສຸດກຳລັງຈະເລີ່ມຂຶ້ນໃນອີກບໍ່ຊ້ານີ້.
ແນວໃດກໍ່ດີ ຫາກທຽບຕົວເລກການຂາຍໃນ 7 ເດືອນຜ່ານມາແມ່ນເພີ່ມຂຶ້ນປະມານ 14% ທຽບໃສ່ໄລຍະດຽວກັນຂອງປີກາຍໃນນັ້ນ ລົດຈັກຮຸ່ນເວບ 100 ກວມເອົາອັດຕາສ່ວນເຖິງ 75%.
ມາຮອດປະຈຸບັນ ນິວຈິບເຊັ່ງຄອງສ່ວນແບ່ງຂອງຕະຫລາດລົດຈັກລາວໄດ້ພຽງ 30% ເຖິງ ແມ່ນວ່າບໍລິສັດໄດ້ເປີດມາແຕ່ 20 ປີຫລັງກໍ່ຕາມ.
ສ່ວນວ່າ ການຈຳຫນ່າຍແມ່ນມີທຸກແຂວງໃນຂອບເຂດທົ່ວປະເທດມີທັງຫມົດ 50 ກວ່າສາຂາ ໂດຍສາຂາສະຫວັນນະເຂດມີຍອດຂາຍສູງກວ່າຫມູ່ຮອງລົງມາແມ່ນຈຳປາສັກ.
ທ່ານ ສະເຫນີ ຈຸນລະມະນີ ຍັງໃຫ້ຮູ້ກ່ຽວກັບຍອດການລົງທຶນຂອງກຸ່ມບໍລິສັດມາຮອດປະຈຸບັນໄດ້ລົງທຶນໃສ່ທຸລະກິດພາຫະນະແລ້ວ 4 ລ້ານໂດລາສະຫະລັດ ແລະ ຖ້າລວມທຸກຂະ ແຫນງທຸລະກິດໃນກຸ່ມກໍ່ມີປະມານ 35 ລ້ານໂດລາສະຫະລັດ.
ໂດຍທຸລະກິດຈຳຫນ່າຍພາຫະນະປະກອບດ້ວຍລົດຈັກ; ເຄື່ອງຈັກຊ່ວຍແຮງ ແລະ ລົດ 4 ລໍ້ ນອກນັ້ນ ຍັງມີການຜະລິດຊິ້ນ ສ່ວນຂອງຮອນດ້າປະມານ 11 ລາຍການສົ່ງໃຫ້ໂຮງ ງານປະກອບລົດທີ່ກຳປູເຈຍນຳອີກ.
Ecom
ນະໂຍບາຍລົດພາສີລົດຈັກແຮງນ້ອຍມີປະໂຫຍດທັງຄົນຊື້ແລະຄົນຂາຍ, ຊົມເຊີຍ! ຖ້າລົດພາສີລົດກະບະລົງອີກຈັກຫ້າເປີເຊັນຈະຊົມເຊີຍດັບເບິ້ນເລີຍ.
ວຽງຈັນ ເປັນແບບ ຣ່າໂນຍ ຫຼື ໂຫ່ຈີມິນ ແນ່ນອນ
ລົດຈັກຫຼາຍໂພດ
555
ເປັນຂ່າວດີສຳລັບພີ່ນ້ອງທີ່ມີເງີນຫ້ນຽ
ແຕ່ວ່າລົດຈັກຂອງນີວຈິບເຊັງກໍ່ຍັງແພງ
ຢູ່ ຄິດວ່າຄົງຈະແຂ່ງຂັນກັບ ໂຄລາວ ໃດ້
ຍາກຖ້ານິວຈິບເຊັງບໍ່ປ່ຽນນະໂຍບາຽ ເພາະ
ວ່າລົດຈັກໂຄລາວຖືກກວ່າ ແລະ ກໍ່ດາວໄລຍະ
ຍາວໃດ້ອີກ ສຳຄັນການຕະຫລວດໂຄລາວເກັ່ງ
ສາມາດເຂົ້າເຖິງພະນັກງານ ທະຫານ ຕຳ່ຫລວດ
ໃດ້ເປັນຢ່າງດີ ບັນ ແລະ ບຸກຄົນທວ່າໄປກໍ່ດາວມາ
ຂີ່ໃດ້ ບໍ່ແມ່ນໂຄສະນາເດີເວົ້າຄວາມຈິງ ຫລືວ່າບັນ
ດາພີ່ນ້ອງສ່າແນວໃດ ?
