ຜົນການຈັບສະຫລາກແບ່ງສາຍແຂ່ງຂັນບານເຕະເຍົາວະຊົນອາຍຸ16 ປີຊີງແຊ໋ມອາຊີເຊິ່ງຈະຄັດເລືອກເອົາຕົວແທນຂອງທະວີບໄປແຂ່ງຂັນເຍົາວະຊົນອາຍຸ 17 ປີຊີງແຊ໋ມໂລກປາກົດວ່າທີມຊາດລາວຢູ່ກຸ່ມເອັຟຮ່ວມສາຍກັບຍີ່ປຸ່ນສ.ເກົາຫລີ, ຫວຽດນາມ, ຈີນໄຕ້ຫວັນແລະກຳປູເຈຍ.
ການແຂ່ງຂັນ ເຊິ່ງມີ 40 ທີມລົງສະຫມັກແບ່ງອອກເປັນ 2 ສາຍຄືຕາເວັນອອກ ແລະ ຕາເວັນຕົກລວມ 7 ສາຍໆລະ 5 ຫລື 6 ທີມໃຊ້ສະຫນາມແຂ່ງຂັນກັນແບບພົບກັນຫມົດໃນສາຍທີມທີ່ມີຄະແນນ ອັນດັບ 1 ແລະ 2 ຂອງ ແຕ່ລະສາຍລວມ 14 ທີມຈະເຂົ້າສູ່ 16 ທີມສຸດທ້າຍ ໂດຍອັດຕະໂນມັດ ສ່ວນທີມທີ່ໄດ້ອັນດັບ 3 ຂອງໂຊນຕາເວັນອອກ ແລະ ຕົກໂຊນລະ 1 ທີມ ລວມ 2 ທີມຈະໄດ້ສິດເຂົ້າຮອບ 16 ທີມສຸດທ້າຍເຊັ່ນກັນ.
ຕາມການລາຍງານຂອງທ່ານ ບຸນລັບ ເຄນກິຕິສັກ ຄະນະບໍລິຫານງານສະຫະພັນບານເຕະແຫ່ງຊາດລາວກ່າວໃຫ້ຮູ້ວ່າ: ຈາກການຈັບສະຫລາກແບ່ງສາຍຂອງສະຫະພັນບານ ເຕະອາຊີ U-16 ລາວ ນອນຢູ່ສາຍ ເອັຟ ມີຍີ່ປຸ່ນ, ສ.ເກົາຫລີ, ຫວຽດນາມ, ຈີນໄຕ້ຫວັນ ແລະ ກຳປູເຈຍ ເຊິ່ງລາວໄດ້ຮັບກຽດເປັນເຈົ້າພາບຈັດການແຂ່ງຂັນຮອບຄັດເລືອກໃນ ສາຍນີ້ນັບແຕ່ວັນ 12 ກັນຍາໄປຈົນເຖິງທ້າຍເດືອນດຽວກັນ ແຕ່ລະທີມໃນສາຍຈະພົບກັນຫມົດ ເພື່ອຫາທີມທີ່ມີຄະແນນສູງຜ່ານເຂົ້າໄປຫລິ້ນໃນຮອບ 16 ທີມ.
ບານເຕະລາຍການນີ້ເກົາຫລີເຫນືອເປັນແຊ໋ມເກົ່າຢູ່ສາຍອີ ຮ່ວມກັບ ສປ ຈີນ, ຕີມໍເລສເຕ, ສີງກະໂປ, ມາເລເຊຍ ແລະ ມາ ເກົ໋າ. ສ່ວນຮອງແຊ໋ມ ອຸຊະເບ ກິດສະຖານຢູ່ກຸ່ມ ຊີ ເຊິ່ງເປັນໂຊນຕາເວັນຕົກ ຮ່ວມກັບ ທາ ຈິກິດສະຖານ, ຄີກິດສະຖານ, ບານເຣນ ແລະ ອິນເດຍ.
Team ນ້ອຍນິ, ຂ້ອຍບໍ່ຢ້ານ...ຂ້ອຍພູມໃຈໃນໂຕເຂົາເຈົ້າຫຼາຍ...
ເຊຶ່ອວ່າເຂົາເຮັດໄດ້.
